ശുചീകരണ പ്രവർത്തനങ്ങൾക്ക് തുടക്കമായി; സംസ്ഥാന തല ഉദ്ഘാടനം കണ്ണൂരിൽ, മൂന്ന് ദിവസ പരിപാടി!

കണ്ണൂർ: സംസ്ഥാനത്ത് വർദ്ധിച്ചു വരുന്ന പനിയും മറ്റ് പകർച്ച വ്യാധികളും നിയന്ത്രണ വിധേയമാക്കുന്നതിന് സർക്കാരിന്റെ നേതൃത്വത്തിലുള്ള മൂന്ന് ദിവസത്തെ ശുചീകരണ പ്രവർത്തനത്തിന് തുടക്കമായി . സംസ്ഥാന തല ഉദ്ഘാടനം കണ്ണൂര്‍ കോര്‍പ്പറേഷനില്‍ മുഖ്യമന്ത്രി പിണറായി വിജയന്‍ നിര്‍വഹിച്ചു. ജൂണ്‍ 27, 28, 29 തീയതികളില്‍ നടക്കുന്ന ശുചീകരണം വിജയിപ്പിക്കാനും പ്രാദേശിക തലത്തില്‍ ഈ പ്രവര്‍ത്തനം തുടര്‍ന്നുകൊണ്ടുപോകാനും നേരത്തെ സര്‍വകക്ഷി യോഗം അഭ്യർത്ഥിച്ചിരുന്നു.

വിവിധ ജില്ലകളില്‍ നടക്കുന്ന ശുചീകരണ പ്രവര്‍ത്തനങ്ങളില്‍ മന്ത്രിമാര്‍ പങ്കെടുത്തു. ശുചീകരണത്തിന് ജനപങ്കാളിത്തം ഉറപ്പാക്കുന്നതിന് തദ്ദേശസ്വയംഭരണ സ്ഥാപന അടിസ്ഥാനത്തില്‍ സര്‍വകക്ഷി യോഗം വിളിച്ചിരുന്നു. പ്രാദേശിക തലത്തില്‍ ഈ പ്രവര്‍ത്തനം തുടര്‍ന്നുകൊണ്ടുപോകാനും നേരത്തെ സര്‍വകക്ഷി യോഗം അഭ്യര്‍ഥിച്ചിരുന്നു. പനിയും മറ്റ് പകര്‍ച്ചവ്യാധികളും നിയന്ത്രണ വിധേയമാക്കുന്നതിന് സര്‍ക്കാര്‍ നടത്തുന്ന പരിശ്രമങ്ങള്‍ക്ക് പിന്തുണയും സഹായവും തേടി സംസ്ഥാനത്തെ വിദ്യാലയ മേധാവികൾക്കും സ്വകാര്യ ആശുപത്രികൾക്കും മുഖ്യമന്ത്രി പിണറായി വിജയൻ കത്തയച്ചിരുന്നു.

ജനപങ്കാളിത്തത്തോടെ നടത്തുന്ന ത്രിദിന ശുചീകരണത്തില്‍ എന്‍സിസി, സ്‌കൗട്ട്, സ്റ്റുഡന്റ് കാഡറ്റ് എന്നീ വിഭാഗങ്ങള്‍ക്ക് പുറമെ വിദ്യാര്‍ഥികളെയാകെ പങ്കെടുപ്പിക്കും. സംസ്ഥാനത്ത് പകർച്ച വ്യാഥികൾ കാരണം ദിവസേന മരങ്ങൾ നടക്കുന്നുണ്ട്. ഇതിന്റെ അടിസ്ഥാനത്തിലാണ് സർക്കാരിന്റൺ നേതൃത്വത്തിൽ ശുചീകരണ പ്രവർത്തനങ്ങൾക്ക് തുടക്കം കുറിച്ചിരിക്കുന്നത്.

English summary

Pinarayi Vijayan inaugurated state wide cleaning programme