കേരളത്തില് ഇനി ഡിജിറ്റല് സര്വകലാശാലയും; ഓര്ഡിനന്സ് പുറപ്പെടുവിക്കാന് ഗവര്ണര്ക്ക് ശുപാര്ശ
തിരുവനന്തപുരം: തിരുവനന്തപുരത്തെ ഇന്ത്യന് ഇന്സ്റ്റിറ്റ്യൂട്ട് ഓഫ് ഇന്ഫര്മേഷന് ടെക്നോളജി ആന്റ് മാനേജ്മെന്റ് - കേരളയെ (ഐ.ഐ.ഐ.ടി.എം.കെ) ഡിജിറ്റല് സര്വ്വകലാശാലയായി ഉയര്ത്താന് മന്ത്രിസഭാ യോഗത്തിന്റെ തീരുമാനം. ഇതിനുവേണ്ടി ഓര്ഡിനന്സ് പുറപ്പെടുവിക്കാന് ഗവര്ണറോട് ശുപാര്ശ ചെയ്യാനും നിശ്ചയിച്ചതായി മുഖ്യമന്ത്രി പിണറായി വിജയന് ഫേസ്ബുക്ക് കുറിപ്പിലൂടെ അറിയിച്ചു.
കേന്ദ്രത്തിന് വീണ്ടും തിരിച്ചടി; ദേശീയ പൗരത്വ പട്ടിക നടപ്പാക്കില്ലെന്ന് പ്രഖ്യാപിച്ച് തെലങ്കാനയും
'ദി കേരള യൂണിവേഴ്സിറ്റി ഓഫ് ഡിജിറ്റല് സയന്സസ് ഇന്നവേഷന് ആന്റ് ടെക്നോളജി' എന്ന പേരിലായിരിക്കും പുതിയ സര്വ്വകലാശാല. ഇന്ഫര്മേഷന് ടെക്നോളജി വ്യവസായവും ഡിജിറ്റല് സാങ്കേതികവിദ്യയും വികസിപ്പിക്കാന് സംസ്ഥാന സര്ക്കാര് സ്വീകരിച്ചുവരുന്ന നടപടികളുടെ തുടര്ച്ചയാണ് ഡിജിറ്റല് സര്വ്വകലാശാലയുടെ രൂപീകരണം.
ഡിജിറ്റല് ടെക്നോളജി എന്ന വിശാല മണ്ഡലത്തില് നൂതന ഗവേഷണവും സംരംഭകത്വവും വളര്ത്തുന്നതിനും വ്യവസായ-വിദ്യാഭ്യാസ സഹകരണം ശക്തിപ്പെടുത്തുന്നതിനും ഉദ്ദേശിച്ചാണ് സര്വ്വകലാശാല രൂപീകരിക്കുന്നത്. ഗുണനിലവാരമുള്ള മാനവശക്തി വികസിപ്പിക്കാന് ഇത് പ്രയോജനപ്പെടുമെന്നും മുഖ്യമന്ത്രി അറിയിച്ചു.
ഒന്നുകില് പ്രധാനമന്ത്രി ആരോപണം തെളിയിക്കണം, അല്ലെങ്കില് മാപ്പ് പറയണം; വിമര്ശനവുമായി ഐഎംഎ
ഡിജിറ്റല് രംഗത്തെ പുതിയ സാങ്കേതിക വിദ്യകളായ ആര്ട്ടിഫിഷ്യല് ഇന്റലിജന്സ്, ഡാറ്റാ അനലിറ്റിക്സ്, ബ്ലോക്ക് ചെയിന്, കോഗ് നിറ്റീവ് സയന്സ്, ഇന്റര്നെറ്റ് ഓഫ് തിംഗ്സ്, ഓഗ് മെൻഡഡ് റിയാലിറ്റി തുടങ്ങിയ മേഖലകള്ക്ക് ഡിജിറ്റല് സര്വ്വകലാശാല ഊന്നല് നല്കും.
ഡിജിറ്റല് മേഖലയില് ഉയര്ന്ന നിലവാരമുള്ള മാനവ ശക്തിയുടെ കുറവ് പരിഹരിക്കുക എന്ന ലക്ഷ്യത്തോടെ സര്വ്വകലാശാലയ്ക്കു കീഴില് അഞ്ച് സ്കൂളുകള് സ്ഥാപിക്കും. സ്കൂള് ഓഫ് കമ്പ്യൂട്ടിംഗ്, സ്കൂള് ഓഫ് ഇലക്ട്രോണിക്സ് ഡിസൈന് ആന്റ് ഓട്ടോമേഷന്, സ്കൂള് ഓഫ് ഇന്ഫര്മാറ്റിക്സ്, സ്കൂള് ഓഫ് ഡിജിറ്റല് ബയോ സയന്സ്, സ്കൂള് ഓഫ് ഡിജിറ്റല് ഹ്യൂമാനിറ്റീസ് എന്നിവയാണ് അഞ്ച് സ്കൂളുകളെന്നും മുഖ്യമന്ത്രി വ്യക്തമാക്കി.