കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

രവിപിള്ളയുടെ മകളുടെ വിവാഹത്തിന് വിഎസ്സും പിണറായിയും പങ്കെടുത്തില്ല

  • By Anwar Sadath
Google Oneindia Malayalam News

കൊല്ലം: കേരളം കണ്ടതില്‍വെച്ച് ഏറ്റവും വലിയ വിവാഹമാമാങ്കമായി വ്യവസായ പ്രമുഖന്‍ രവിപിള്ളയുടെ മകളുടെ വിവാഹം. കൊല്ലം ആശ്രാമം മൈതാനത്ത് കെട്ടിയുയര്‍ത്തിയ പടുകൂറ്റന്‍ വിവാഹ പന്തലില്‍ വെച്ചായിരുന്നു രവി പിള്ളയുടെ മകള്‍ ഡോ. ആരതിയും, ഡോ. ആദിത്യ വിഷ്ണുവും വിവാഹിതരായത്. ലോകത്തിന്റെ നാനാ ഭാഗത്തുനിന്നുമുള്ള പ്രമുഖര്‍ വിവാഹത്തില്‍ പങ്കുകൊള്ളാനെത്തി. ഏകദേശം 50 കോടിയിലധികം രൂപ ചെലവഴിച്ചാണ് വിവാഹം പൊടിപൊടിച്ചത് എന്നാണ് റിപ്പോര്‍ട്ട്.

അതേസമയം, പ്രതിപക്ഷ നേതാവ് വിഎസ് അച്ച്യുതാനന്ദന്‍, സിപിഎം പോളിറ്റ് ബ്യൂറോ അംഗങ്ങളായ പിണറായി വിജയന്‍, എംഎ ബേബി എന്നിവര്‍ വിവാഹ ചടങ്ങില്‍ നിന്നും വിട്ടു നിന്നത് ശ്രദ്ധിക്കപ്പെട്ടു. സംസ്ഥാനത്തെ മിക്ക രാഷ്ട്രീയ പ്രമുഖരും വിവാഹത്തില്‍ പങ്കുകൊള്ളാനെത്തിയിരുന്നു.

ravi-pillai-daughter

മുഖ്യമന്ത്രി ഉമ്മന്‍ചാണ്ടി, ആഭ്യന്തരമന്ത്രി രമേശ് ചെന്നിത്തല, പികെ കുഞ്ഞാലിക്കുട്ടി തുടങ്ങി മന്ത്രിമാരുടെ സംഘങ്ങളും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണനടക്കമുള്ള രാഷ്ട്രീയ നേതാക്കളും വിവാഹ ചടങ്ങില്‍ പങ്കെടുത്തിരുന്നു. രവി പിള്ളയുമായി അടുപ്പമുള്ള 42 രാജ്യങ്ങളില്‍ നിന്നുള്ള വ്യവസായിക പ്രമുഖര്‍, ഗള്‍ഫ് രാജ്യങ്ങളിലെ രാജകുംടുംബാംഗങ്ങള്‍ എന്നിവര്‍ പ്രത്യേക അതിഥികളായി.

ബാഹുബലി സിനിമയ്ക്ക് സെറ്റൊരുക്കിയ സാബു സിറിളിന്റെ നേതൃത്വത്തിലായിരുന്നു വിവാഹ പന്തല്‍ ഒരുക്കിയത്. ബാഹുബലിയുടേതിനേക്കാള്‍ വലിയ സെറ്റാണ് വിവാഹത്തിനായി ഒരുക്കിയത്. ശോഭന, മഞ്ജു വാര്യര്‍ തുടങ്ങിയവരുടെ നൃത്തവും സൂര്യകൃഷ്ണമൂര്‍ത്തിയുടെ നേതൃത്വത്തിലുള്ള കലാപരിപാടികളും ചടങ്ങിന് മോടികൂട്ടി.

English summary
Pinarayi Vijayan and VS Achuthanandan did not attend Ravi Pillai daughter's marriage
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X