• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

പി ജെ ജോസഫ് യുഡിഎഫിലേക്ക്; മാണി കോണ്‍ഗ്രസ് പിളരും

  • By Anwar Sadath

തിരുവനന്തപുരം: വളരുന്തോറും പിളരുന്ന പാര്‍ട്ടിയെന്ന് അറിയപ്പെടുന്ന കേരള കോണ്‍ഗ്രസ് മാണി ഗ്രൂപ്പ് മറ്റൊരു പിളര്‍പ്പിലേക്കെന്ന് സൂചന. യുഡിഎഫ് വിട്ട് പുറത്തേക്കുപോയ പാര്‍ട്ടിയില്‍ നിന്നും പി.ജെ. ജോസഫ് വിഭാഗം യുഡിഎഫിലേക്ക് തിരിച്ചുപോകാന്‍ ശ്രമിക്കുന്നതാണ് പിളര്‍പ്പിനിടയാക്കുന്നത്. കെ എം മാണിയുടെയും മകന്‍ ജോസ് കെ മാണിയുടെയും കടുത്ത എതിര്‍പ്പ് വകവയ്ക്കാതെയാണ് ജോസഫിന്റെ തീരുമാനം.

ഇതിന്റെ ഭാഗമായാണ് പിജെ ജോസഫ് യു.ഡി.എഫിന്റെ സമരപന്തലില്‍ എത്തിയത്. ബോധപൂര്‍വമാന്ന് ജോസഫിന്റെ സന്ദര്‍ശനമെന്നാണ് വിലയിരുത്തല്‍. യുഡിഎഫ് വിട്ടശേഷം പാര്‍ട്ടിയില്‍ നഷ്ടപ്പെടുന്ന സ്വാധീനം ഉറപ്പിച്ചുനിര്‍ത്താന്‍ ജോസഫ് ശ്രമിച്ചുവരികയായിരുന്നു. പാര്‍ട്ടിയോട് ആലോചിക്കാതെ യു.ഡി.എഫ് സമരപന്തല്‍ സന്ദര്‍ശനം നടത്തിയതിനെതിരെ മാണി ഗ്രൂപ്പിനുള്ളില്‍ കടുത്ത പ്രതിഷേധം ഉയരുകയാണ്.

പാര്‍ട്ടിയെ യുഡിഎഫില്‍ അല്ലാതെ മറ്റൊരിടത്തും പോകാന്‍ അനുവദിക്കില്ലെന്ന ജോസഫിന്റെ പ്രഖ്യാപനം കൂടിയായിരുന്നു സമരപന്തല്‍ സന്ദര്‍ശനം. എല്‍ഡിഎഫിലേക്കോ എന്‍ഡിഎയിലേക്കോ കേരള കോണ്‍ഗ്രസ് പോയേക്കുമെന്ന അഭ്യൂഹങ്ങള്‍ ജോസഫ് ഗ്രൂപ്പ് തള്ളുന്നു. അത്തരമൊരു നീക്കമുണ്ടായാല്‍ പാര്‍ട്ടി പിളരുമെന്നുതന്നെയാണ് ജോസഫ് നല്‍കുന്ന സൂചന.

അധികാരമില്ലാതെ തനിച്ചുനില്‍ക്കുകയെന്നത് കേരള കോണ്‍ഗ്രസിനെ സംബന്ധിച്ചിടത്തോളം കഠിനമായ തീരുമാനമാണ്. യുഡിഎഫില്‍ തന്നെ നില്‍ക്കണമെന്നാണ് ജോസഫ് നേരത്തെയും ആവശ്യപ്പെട്ടിരുന്നത്. എന്നാല്‍, അഴിമതിക്കേസില്‍ കുടുക്കിയ കോണ്‍ഗ്രസുമായി യാതൊരു സഖ്യത്തിനുമില്ലെന്ന ഉറച്ച നിലപാടിലാണ് കെ എം മാണിയും ജോസ് കെ മാണിയും.

English summary
Attending UDF strike: PJ Joseph gives explanation,
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more