അധികാരവും പത്രാസും കാട്ടി പേടിപ്പിക്കരുത്; അന്തസും അഭിമാനവും എല്ലാവർക്കും പ്രധാനമാണ്; റിയാസിനോട് ഫിറോസ്
തിരുവനന്തപുരം: പൊതുമാരമത്ത് വകുപ്പിന് കീഴിലുള്ള റസ്റ്റ് ഹൗസുകള് പൊതുജനങ്ങള്ക്ക് ദിവസങ്ങള്ക്ക് മുമ്പ് തുറന്നുനല്കിയിരുന്നു. ഓണ്ലൈന് ബുക്കിംഗിലൂടെ ജനങ്ങള്ക്ക് റൂം ബുക്ക് ചെയ്യാന് സാധിക്കും. ഇതിനിടെ ദിവസങ്ങള്ക്ക് മുമ്പ് തിരുവനന്തപുരത്തെ തൈക്കാടുള്ള റസ്റ്റ് ഹൗസില് പൊതുമരാമത്ത് വകുപ്പ് മന്ത്രി മുഹമ്മദ് റിയാസ് മിന്നല് സന്ദര്ശനം നടത്തിയിരുന്നു.
റസ്റ്റ് ഹൗസ് പരിസരവും മുഴുവനും നടന്നുകണ്ട മന്ത്രി വൃത്തി ഹീനമായ ചുറ്റുപാടുകള് കണ്ടതില് അതൃപ്തി പ്രകടിപ്പിച്ചിരുന്നു. റസ്റ്റ് ഹൗസിന് പരിസരത്തെ മാലിന്യം നീക്കം ചെയ്യാത്തതിന് റസ്റ്റ് ഹൗസ് മാനേജറെ മന്ത്രി ശകാരിക്കുകയും ചെയ്തിരുന്നു. എന്നാല് ഇപ്പോഴിതാ മന്ത്രിയുടെ മിന്നല് സന്ദര്ശനത്തിന്റെ പശ്ചാത്തലത്തില് പ്രതികരണവുമായി രംഗത്തെത്തിയിരിക്കുകയാണ് യൂത്ത് ലീഗ് നേതാവ് പികെ ഫിറോസ്.
ഫേസ്ബുക്കില് പങ്കുവച്ച കുറിപ്പിലാണ് ഫിറോസിന്റെ പ്രതികരണം. ഒരു സ്ഥാപനത്തില് സന്ദര്ശനം നടത്തുമ്പോള് അവിടെ മതിയായ സ്റ്റാഫിനെ സര്ക്കാര് നിയമിച്ചിട്ടുണ്ടോ എന്ന് തിരക്കണം. ഇല്ലെങ്കില് അത് പരിഹരിക്കാനുള്ള നടപടി സ്വീകരിക്കണമെന്ന് പികെ ഫിറോസ് പറഞ്ഞു. തന്റെ അധികാരവും പത്രാസുമൊക്കെ ഒരു സാധാരണ ജീവനക്കാരന്റെ മേല് കാണിച്ചപ്പോ മന്ത്രിക്ക് മന:സുഖം കിട്ടിക്കാണുമോ എന്നൊന്നും എനിക്കറിയില്ലന്ന് ഫിറോസ് ഫേസ്ബുക്കില് കുറിച്ചു. പോസ്റ്റിന്റെ പൂര്ണരൂപം ഇങ്ങനെ.
മന്ത്രി പി.എ മുഹമ്മദ് റിയാസ് തിരുവനന്തപുരം പി.ഡബ്ല്യു.ഡി റസ്റ്റ് ഹൗസ് സന്ദര്ശിക്കുന്ന ഒരു വീഡിയോ കണ്ടു. ഫേസ്ബുക്ക് ലൈവുമായിട്ടാണ് ആളുടെ വരവ്. വന്ന പാടെ റസ്റ്റ് ഹൗസിലെ ജീവനക്കാരനെ കണക്കിന് ശകാരിക്കുന്നുണ്ട്. സര്ക്കാറിന്റെ തീരുമാനം പൊളിക്കാന് നടക്കാണോ എന്നൊക്കെയാണ് മന്ത്രി ചോദിക്കുന്നത്.
എന്നാല് കാണട്ടെ എന്നൊക്കെ വെല്ലുവിളിക്കുന്നുമുണ്ട്. തന്റെ അധികാരവും പത്രാസുമൊക്കെ ഒരു സാധാരണ ജീവനക്കാരന്റെ മേല് കാണിച്ചപ്പോ മന്ത്രിക്ക് മന:സുഖം കിട്ടിക്കാണുമോ എന്നൊന്നും എനിക്കറിയില്ല. പക്ഷേ മന്ത്രി അടിയന്തിരമായി ഈ ഏര്പ്പാട് നിര്ത്തണം. ഒരു സ്ഥാപനത്തില് സന്ദര്ശനം നടത്തുമ്പോള് അവിടെ മതിയായ സ്റ്റാഫിനെ സര്ക്കാര് നിയമിച്ചിട്ടുണ്ടോ എന്ന് തിരക്കണം. ഇല്ലെങ്കില് അത് പരിഹരിക്കാനുള്ള നടപടി സ്വീകരിക്കണം.
സ്റ്റാഫുണ്ടായിട്ടും ജോലി ചെയ്യുന്നില്ലെങ്കില് അതിനുള്ള നടപടി സ്വീകരിക്കണം. അല്ലാതെ ലക്ഷക്കണക്കിന് ആളുകള് കാണുന്ന സോഷ്യല് മീഡിയയുടെ മുമ്പില് വെച്ച് ഒരാളെ അപമാനിക്കുകയല്ല വേണ്ടത്. ആ സാധു ജീവനക്കാരന് വിചാരിച്ചാലൊന്നും അങ്ങയുടെ വെല്ലുവിളി ഏറ്റെടുക്കാനുള്ള കെല്പ്പുണ്ടാവില്ല. അധികാരവും പത്രാസുമൊന്നും കാട്ടി ആരെയും പേടിപ്പിക്കരുത്. അന്തസ്സും അഭിമാനവുമൊക്കെ ഏതൊരു വ്യക്തിക്കും പ്രധാനമാണ്. താങ്കളത് മറക്കരുത്- പികെ ഫിറോസ് കുറിച്ചു.
Recommended Video
അതേസമയം, സര്ക്കാര് എടുത്ത നല്ലൊരു സമീപനത്തെ തകര്ക്കാനോ അട്ടിമറിക്കാനോ ആരെയും അനുവദിക്കില്ലെന്ന് മന്ത്രി പരിശോധനയ്ക്ക് ശേഷം മാധ്യമങ്ങളോട് പറഞ്ഞിരുന്നു. പൊതുജനങ്ങള്ക്ക് റസ്റ്റ് ഹൗസുകള് ലഭ്യമാക്കാനുള്ള തീരുമാനം സര്ക്കാര് നേരത്തെ എടുത്തതാണെന്നും ഇതിനു മുന്നോടിയായി റസ്റ്റ് ഹൗസുകള് ശുചീകരിക്കണമെന്നും അടിയന്തര സൗകര്യങ്ങളെല്ലാം സജ്ജമാക്കണമെന്നും എല്ലാ റസ്റ്റ് ഹൗസുകളിലും അറിയിച്ചതുമാണ്. ഇക്കാര്യത്തില് യാതൊരു വിട്ടുവീഴ്ചയും അനുവദിക്കില്ലെന്നും മന്ത്രി വ്യക്തമാക്കിയിരുന്നു.
Click it and Unblock the Notifications
Sign in with Google