Click it and Unblock the Notifications
Just In
Don't Miss
-
IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം -
15x15x15 - കോടിപതിയാകാൻ ഒരു സൂത്രവാക്യം -
ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം -
മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി -
മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര് -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
വിമതന്മാരില്‍ ശ്രദ്ധേയന്‍ പികെ രാഗേഷ്; എല്ലാ കണ്ണുകളും അഴീക്കോടേക്ക്
കണ്ണൂര്‍: നിയമസഭാ തെരഞ്ഞെടുപ്പിനുള്ള നാമനിര്‍ദ്ദേശ പത്രിക പിന്‍വലിക്കാനുള്ള സമയം അവസാനിച്ചതോടെ സംസ്ഥാനത്തെ തെരഞ്ഞെടുപ്പ് ചിത്രം വ്യക്തമായി. പല സ്ഥലത്തും യുഡിഎഫിന് വിമതന്മാരുടെ ഭീഷണിയുണ്ട്. വിമത സ്ഥാനാര്‍ഥികളെ പിന്തിരിപ്പിക്കാനുള്ള യുഡിഎഫിന്റെ ശ്രമങ്ങളൊന്നും വിജയിച്ചിട്ടില്ല.
കണ്ണൂരിലാണ് യുഡിഎഫിന് കൂടുതല്‍ വിമതന്മാര്‍. നാലു മണ്ഡലങ്ങളില്‍ യുഡിഎഫിന് എതിര്‍ സ്ഥാനാര്‍ഥികള്‍ക്കൊപ്പം വിമതന്മാരെയും നേരിടേണ്ട അവസ്ഥയാണ്. അഴീക്കോട്, കണ്ണൂര്‍, പേരാവൂര്‍, ഇരിക്കൂര്‍ മണ്ഡലങ്ങളിലാണ് വിമത ശല്യം. വാശിയേറിയ പോരാട്ടം നടക്കുന്ന അഴീക്കോട് മണ്ഡലത്തില്‍ കെ എം ഷാജിക്ക് വിമത സ്ഥാനാര്‍ഥി പി കെ രാഗേഷിന്റെ സാന്നിധ്യം വെല്ലുവിളിയായിരിക്കും.
പി കെ രാഗേഷ് വിമത സ്ഥാനാര്‍ഥിയായി മത്സരിക്കുമെന്ന് ഉറപ്പായതോടെ അഴീക്കോട്ടെ തെരഞ്ഞെടുപ്പ് കൂടുതല്‍ സങ്കീര്‍ണമാവുകയാണ്. കെ എം ഷാജിയും എം വി നികേഷ് കുമാറും ആരോപണങ്ങളും പ്രത്യാരോപണങ്ങളുമായി മുന്നേറിക്കൊണ്ടിരിക്കെ പി കെ രാഗേഷ് രംഗത്തെത്തിയത് യുഡിഎഫിന് തിരിച്ചടിയാകും. രാഗേഷിന് ലഭിക്കുന്ന ഓരോ വോട്ടും ഷാജിക്ക് ലഭിക്കേണ്ടതായിരിക്കും. ഇത് തെരഞ്ഞെടുപ്പ് ഫലത്തില്‍ നിര്‍ണായക സ്വാധീനമാകുമെന്ന് രാഷ്ട്രീയ നിരീക്ഷകര്‍ പറയുന്നു.
ഇരിക്കൂറില്‍ മന്ത്രി കെ.സി ജോസഫിനെതിരെ വിമതനായി രംഗത്ത് വന്ന അഡ്വ. ബിനോയ് തോമസ്, പേരാവൂരില്‍ സി.കെ ജോസഫ് തുടങ്ങിയവരൊന്നും പത്രിക പിന്‍വലിച്ചിട്ടില്ല. കൊച്ചിയില്‍ കെ.ജെ ലീനസും, ഏറ്റുമാനൂരില്‍ ജോസ്‌മോന്‍ മുണ്ടയ്ക്കലും, കുട്ടനാട്ടില്‍ ജോസ് കോയിപ്പള്ളിയും യുഡിഎഫിന് ഭീഷണിയുമായി രംഗത്തുണ്ട്.
ചെങ്ങന്നൂരില്‍ സിറ്റിംഗ് എം.എല്‍.എ പി.സി വിഷ്ണുനാഥിന് ശോഭന ജോര്‍ജിന്റെ സ്ഥാനാര്‍ത്ഥിത്വവും തിരിച്ചടിയാണ്. വിമതന്മാര്‍ക്ക് പിന്നാലെ അപര സ്ഥാനാര്‍ഥികളും തെരഞ്ഞെടുപ്പില്‍ സ്ഥാനാര്‍ഥികള്‍ക്ക് ഭീഷണിയാണ്. തൃപ്പൂണിത്തുറയില്‍ മന്ത്രി കെ ബാബുവിനും എല്‍ഡിഎഫ് സ്ഥാനാര്‍ഥി എം സ്വരാജിനും അപരസ്ഥാനാര്‍ഥികള്‍ ഉണ്ട്. തിരുവനന്തപുരത്ത് എല്‍ഡിഎഫ് സ്ഥാനാര്‍ഥി ആന്റണി രാജുവിനും വി എസ് ശിവകുമാറിനും അപരന്‍മാരുടെ ഭീഷണി ഉണ്ട്.
അരുവിക്കരയില്‍ കെ എസ് ശബരിനാഥ്, എല്‍ഡിഎഫ് സ്ഥാനാര്‍ഥി അബ്ദുള്‍ റഷീദ്, നെടുമങ്ങാട് എല്‍ഡിഎഫ് നേതാവ് സി ദിവാകരന്‍, എറണാകുളത്തെ എല്‍ഡിഎഫ് സ്ഥാനാര്‍ഥി അനില്‍കുമാര്‍, ഉദുമ മണ്ഡലത്തില്‍ എല്‍ഡിഎഫ് സ്ഥാനാര്‍ഥി കുഞ്ഞിരാമന്‍, യുഡിഎഫ് സ്ഥാനാര്‍ഥി കെ സുധാകരന്‍ എന്നിവര്‍ക്കെല്ലാം അതേ പേരില്‍ അപരസ്ഥാനാര്‍ഥികള്‍ മത്സരിക്കുന്നു.
