പ്ലസ് വണ് പരീക്ഷ ഓണാവധിക്കടുത്ത സമയത്ത്, പൊതുവിദ്യാഭ്യാസ വകുപ്പിന് നിര്ദേശം നല്കി മുഖ്യമന്ത്രി
തിരുവനന്തപുരം: സംസ്ഥാനത്ത് പ്ലസ് വണ് പരീക്ഷ നടത്തുമെന്ന് മുഖ്യമന്ത്രി പിണറായി വിജയന് വാര്ത്താ സമ്മേളനത്തില് അറിയിച്ചു. പ്ലസ് വണ് പരീക്ഷ ഓണാവധിക്കടുത്ത സമയത്ത് നടത്താന് ക്രമീകരണം ഒരുക്കാന് പൊതുവിദ്യാഭ്യാസ വകുപ്പിന് നിര്ദേശം നല്കിയെന്ന് മുഖ്യമന്ത്രി അറിയിച്ചു.
എസ്എസ്എല്സി, ഹയര് സെക്കന്ഡറി, വൊക്കേഷണല് ഹയര് സെക്കന്ററി മൂല്യനിര്ണയത്തിന് നിശ്ചയിക്കപ്പെട്ട അധ്യാപകര് കോവിഡ് ഡ്യൂട്ടിയില് നിയോഗിക്കപ്പെട്ടിട്ടുണ്ടെങ്കില് കോവിഡ് ഡ്യൂട്ടിയില്നിന്നും ഒഴിവാക്കും. ഓണ്ലൈന് അഡ്വൈസിന്റെ വേഗത വര്ധിപ്പിക്കണമെന്ന് പിഎസ്സിയോട് ആവശ്യപ്പെട്ടു.
സാങ്കേതിക വിദ്യാഭ്യാസ ബോര്ഡിന് കീഴിലുള്ള പോളിടെക്നിക് കോളേജുകളിലെ മുടങ്ങിക്കിടക്കുന്ന അഞ്ചാം സെമസ്റ്ററിലെ പൂര്ത്തീകരിച്ച പരീക്ഷകളുടെ മൂല്യനിര്ണ്ണയം ഉടന് നടത്തിയും, മുടങ്ങിയ പരീക്ഷകള്ക്ക് ഇന്റേണല് അസ്സെസ്സ്മന്റ് മാര്ക്കുകളുടെ അടിസ്ഥാനത്തിലും ഫലപ്രഖ്യാപനം ജൂണ് മാസത്തില് നടത്തും. അഞ്ചാം സെമസ്റ്റര് പരീക്ഷയുടെ ഫലപ്രഖ്യാപനത്തിന് ശേഷം ആറാം സെമസ്റ്റര് പരീക്ഷകള് ജൂലൈയില് നടത്തും. ഒന്നു മുതല് നാലു വരെയുള്ള സെമസ്റ്ററുകളുടെ പരീക്ഷകളും ഉചിതമായി ക്രമീകരിക്കുന്നതാണ്.
മുഖ്യമന്ത്രി പറഞ്ഞത്: ബ്ലാക്ക് ഫംഗസ് രോഗം സംബന്ധിച്ച് വലിയ ആശങ്കകള് ഉയരുന്നുണ്ട്. ഇത് പരിഹരിക്കാനാവശ്യമായ ഇടപെടലുകള് നടത്തും. 52 പേര്ക്ക് മാത്രമാണ് നിലവില് ഇവിടെ രോഗം വന്നിട്ടുള്ളത്. എന്നിട്ടും ജനങ്ങളെ ആശങ്കപ്പെടുത്തുന്ന വലിയ തരത്തിലുള്ള പ്രചരണങ്ങള് നടക്കുന്നുണ്ട്.
കാലവര്ഷ ഘട്ടത്തില് ദുരിതാശ്വാസ ക്യാമ്പുകള് സജ്ജമാകുകമ്പോള് കോവിഡ് പ്രോട്ടോകോള് പാലിക്കുന്നു എന്ന് ഉറപ്പുവരുത്തും.
നിര്മാണ മേഖലയില് മെറ്റല് കിട്ടാത്ത പ്രശ്നം നിലനില്ക്കുന്നുണ്ട്. ആ സാഹചര്യത്തില് ക്രഷറുകള് കോവിഡ് മാനദണ്ഡം അനുസരിച്ച് തുറന്നുപ്രവര്ത്തിപ്പിക്കാന് അനുമതി നല്കും. ഓക്സിമീറ്റര് സ്വന്തമായി ഉണ്ടാക്കുമെന്ന് കെല്ട്രോണ് അറിയിച്ചിട്ടുണ്ട്. അത് പരമാവധി പ്രോത്സാഹിപ്പിക്കാനാണ് തീരുമാനം.
Recommended Video
ആവശ്യമായ മരുന്നുകള് വാങ്ങിനില്കാന് വിദേശത്തുള്ള പലരും സന്നദ്ധത അറിയിച്ചിട്ടുണ്ട്. എന്നാല്, പല മരുന്നുകളും അവര്ക്ക് അവിടെ ലഭ്യമല്ല. അത് എവിടെനിന്നാണ് ലഭ്യമാവുക എന്ന് അറിയിച്ചാല് വാങ്ങി നല്കാന് തയ്യാറാണെന്നാണ് പല വിദേശ മലയാളികളും അറിയിച്ചിട്ടുള്ളത്. കെഎംഎസ്സിഎല് നോര്ക്കയുമായി ചേര്ന്ന് ഇതു സംബന്ധിച്ച പ്രവര്ത്തനങ്ങള് നടത്തും.
സ്ത്രീകള്ക്ക് ആവശ്യമുള്ള ശുചിത്വ വസ്തുക്കള് നിലവില് മെഡിക്കല് ഷോപ്പുകളില് ലഭ്യമാണ്. നിര്മാണ കേന്ദ്രങ്ങളില് നിന്നും അവ മെഡിക്കല് ഷോപ്പുകളില് എത്തിക്കാന് അനുമതി നല്കും. നേത്ര പരിശോധകര്, കണ്ണട ഷോപ്പുകള്, ശ്രവണ സഹായി ഉപകരണങ്ങള് വില്ക്കുകയും സഹായിക്കുകകും ചെയ്യുന്ന ഉപകരണങ്ങള്, കൃത്രിമ അവയവങ്ങള് എന്നിവ വില്ക്കുകയും നന്നാക്കുകയും ചെയ്യുന്ന സ്ഥാപനങ്ങള്, ഗ്യാസ് അടുപ്പുകള് നന്നാക്കുന്ന സ്ഥാപനങ്ങള്, മൊബൈല്, കമ്പ്യൂട്ടര് എന്നിവ നന്നാക്കുന്ന ഷോപ്പുകള് എന്നിവ രണ്ടുദിവസം തുറക്കുന്നതിനും അനുമതി നല്കും.
സാരിയിൽ അതിസുന്ദരിയായി നടി പ്രിയ മണി.. ഏറ്റവും പുതിയ ഫോട്ടോഷൂട്ട് ചിത്രങ്ങൾ കാണാം
Click it and Unblock the Notifications
Sign in with Google