Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കണക്ക് മാത്രമല്ല,പ്ലസ് വണ്‍ പരീക്ഷയുടെയും ചോദ്യം ചോര്‍ന്നു?മോഡല്‍ പരീക്ഷയിലെ ചോദ്യങ്ങള്‍ വീണ്ടും...
ചോദ്യപേപ്പര്‍ ചോര്‍ന്നതായി കണ്ടെത്തിയതിനെ തുടര്‍ന്ന് എസ്എസ്എല്‍സി കണക്ക് പരീക്ഷ റദ്ദാക്കിയിരുന്നു.
തിരുവനന്തപുരം: എസ്എസ്എല്‍സി ചോദ്യപേപ്പര്‍ ചോര്‍ന്നതായി കണ്ടെത്തിയതിനെ തുടര്‍ന്ന് പരീക്ഷ വീണ്ടും നടത്താന്‍ തീരുമാനിച്ചതിന് പിന്നാലെ പുതിയ വിവാദം. പ്ലസ് വണ്‍ ജോഗ്രഫി പരീക്ഷയെ ചൊല്ലിയാണ് പുതിയ വിവാദം ഉടലെടുത്തിരിക്കുന്നത്. മോഡല്‍ പരീക്ഷയിലെ ചോദ്യങ്ങള്‍ അതേപടി ആവര്‍ത്തിച്ചുവെന്നാണ് ആരോപണം.
ചോദ്യപേപ്പര്‍ ചോര്‍ന്നതായി കണ്ടെത്തിയതിനെ തുടര്‍ന്ന് എസ്എസ്എല്‍സി കണക്ക് പരീക്ഷ റദ്ദാക്കിയിരുന്നു. മലപ്പുറത്തെ ഒരു സ്വകാര്യ സ്ഥാപനത്തില്‍ നടത്തിയ മോഡല്‍ പരീക്ഷയിലെ ചോദ്യങ്ങള്‍ അതേപടി പൊതുപരീക്ഷയിലും ആവര്‍ത്തിച്ചിരുന്നു. കണക്ക് പരീക്ഷയുടെ ചോദ്യപേപ്പര്‍ തയ്യാറാക്കിയ അദ്ധ്യാപകന് സ്വകാര്യ ട്യൂഷന്‍ സെന്ററുകളുമായി ബന്ധമുണ്ടെന്നും വിദ്യാഭ്യാസ വകുപ്പ് കണ്ടെത്തിയിരുന്നു.
പ്ലസ് വണിലും...
എസ്എസ്എല്‍സി കണക്ക് പരീക്ഷയുടെ ചോദ്യപേപ്പര്‍ ചോര്‍ച്ചയ്ക്ക് പിന്നാലെയാണ് പ്ലസ് വണ്‍ പരീക്ഷയെ ചൊല്ലിയും വിവാദമുണ്ടായിരിക്കുന്നത്. പ്ലസ് വണ്‍ ജോഗ്രഫി പരീക്ഷയില്‍ മോഡല്‍ പരീക്ഷയ്ക്ക് ചോദിച്ച മിക്ക ചോദ്യങ്ങളും ആവര്‍ത്തിച്ചുവെന്നാണ് ആരോപണം.
43 മാര്‍ക്കിന്റെ ചോദ്യങ്ങള്‍...
മാര്‍ച്ച് 21ന് നടന്ന പ്ലസ് വണ്‍ ജോഗ്രഫി പരീക്ഷയെക്കുറിച്ചാണ് ഇപ്പോള്‍ വിവാദമുയര്‍ന്നിരിക്കുന്നത്. മോഡല്‍ പരീക്ഷയില്‍ ചോദിച്ച മിക്ക ചോദ്യങ്ങളും ആവര്‍ത്തിച്ചു. 43 മാര്‍ക്കിന്റെ ചോദ്യങ്ങളാണ് മോഡല്‍ പരീക്ഷ ചോദ്യപേപ്പറില്‍ നിന്നും ആവര്‍ത്തിച്ചിരിക്കുന്നത്.
തയ്യാറാക്കിയത് കെഎസ്ടിഎ...
മോഡല്‍ പരീക്ഷയില്‍ നിന്ന് ഇത്രയേറെ ചോദ്യങ്ങള്‍ ആവര്‍ത്തിക്കുന്നത് പതിവില്ലെന്നാണ് അദ്ധ്യാപകരുടെയും വിദ്യാര്‍ത്ഥികളുടെയും അഭിപ്രായം. ഇടത് അദ്ധ്യാപക സംഘടനയായ കെഎസ്ടിഎയാണ് പ്ലസ് വണ്‍ മോഡല്‍ പരീക്ഷ ചോദ്യപേപ്പര്‍ തയ്യാറാക്കിയത്.
കണക്കും ജോഗ്രഫിയും...
എസ്എസ്എല്‍സി കണക്ക് പരീക്ഷ ചോദ്യം ചോര്‍ന്ന സംഭവത്തില്‍ വിദ്യാഭ്യാസ വകുപ്പിനെതിരെയും സര്‍ക്കാരിനെതിരെയും പ്രതിഷേധം ശക്തമാകുന്നതിനിടെയാണ് പ്ലസ് വണ്‍ പരീക്ഷയെ സംബന്ധിച്ചും ആക്ഷേപമുയര്‍ന്നിരിക്കുന്നത്.
