പെൺസുഹൃത്തിനെ ആലിംഗനം ചെയ്തതിന് സ്കൂളിൽ നിന്ന് പുറത്താക്കി; അവൻ തളർന്നില്ല, പരീക്ഷയിൽ മിന്നുംജയം...
സുഹൃത്തായ പെൺകുട്ടിയെ ആലിംഗനം ചെയ്തതിന് സ്കൂളിൽ നിന്ന് പുറത്താക്കിയ 17കാരന് പ്ലസ് ടു പരീക്ഷയിൽ തിളക്കമാർന്ന വിജയം.
തിരുവനന്തപുരം: സുഹൃത്തായ പെൺകുട്ടിയെ ആലിംഗനം ചെയ്തതിന് സ്കൂളിൽ നിന്ന് പുറത്താക്കിയ 17കാരന് പ്ലസ് ടു പരീക്ഷയിൽ തിളക്കമാർന്ന വിജയം. തിരുവനന്തപുരം സ്വദേശിയും, സെന്റ് തോമസ് സെൻട്രൽ സ്കൂളിലെ വിദ്യാർത്ഥിയുമായിരുന്ന ആൺകുട്ടിയാണ് 91.2% മാർക്കോടെ പ്ലസ് ടു പരീക്ഷയിൽ വിജയം നേടിയിരിക്കുന്നത്.
ഇംഗ്ലീഷിൽ 87, ഇക്കണോമിക്സ് 99, ബിസിനസ് സ്റ്റഡീസ് 90, അക്കൗണ്ടൻസി 88, സൈക്കോളജി 92 എന്നിങ്ങനെയാണ് 17കാരന് പ്ലസ്ടു പരീക്ഷയിൽ ലഭിച്ച മാർക്ക്. മതിയായ ക്ലാസുകൾ ലഭിക്കാതെയാണ് മകൻ പരീക്ഷ എഴുതി വിജയം നേടിയതെന്നും, മകനും പെൺകുട്ടിക്കുമെതിരെ ഹൈക്കോടതി നടത്തിയ പരാമർശങ്ങൾക്കെതിരെ പോരാട്ടം തുടരുമെന്നും വിദ്യാർത്ഥിയുടെ പിതാവ് എൻഡിടിവിയോട് പറഞ്ഞു. പെൺസുഹൃത്തിനെ ആലിംഗനം ചെയ്തതിന്റെ പേരിലാണ് 17കാരനെയും പെൺകുട്ടിയെയും അധികൃതർ സ്കൂളിൽ നിന്ന് പുറത്താക്കിയത്.
സസ്പെൻഷൻ...
കലോത്സവത്തിൽ വിജയിച്ച പെൺസുഹൃത്തിനെ 17കാരൻ ആലിംഗനം ചെയ്തതോടെയാണ് സെന്റ് തോമസ് സ്കൂളിലെ വിവാദം ആരംഭിക്കുന്നത്. മോശമായ രീതിയിൽ പരസ്യമായി ആലിംഗനം ചെയ്തെന്ന് കാണിച്ച് ഇരുവരെയും സ്കൂളിൽ നിന്ന് പുറത്താക്കി. ഇതോടെ ആൺകുട്ടിയുടെ പിതാവ് ബാലാവകാശ കമ്മീഷനെ സമീപിക്കുകയും അനുകൂലമായ ഉത്തരവ് സമ്പാദിക്കുകയും ചെയ്തു. പക്ഷേ, ബാലാവകാശ കമ്മീഷന്റെ ഉത്തരവ് നടപ്പാക്കാനാകില്ലെന്നായിരുന്നു സ്കൂൾ അധികൃതരുടെ നിലപാട്.
കോടതി വിധി...
വിദ്യാർത്ഥിയെ തിരിച്ചെടുക്കണമെന്ന ബാലാവകാശ കമ്മീഷൻ ഉത്തരവിനെതിരെ സ്കൂൾ മാനേജ്മെന്റ് ഹൈക്കോടതി സിംഗിൾ ബെഞ്ചിനെ സമീപിച്ചു. കൗമാരക്കാരായ ഇരുവരും സ്കൂളിന്റെ അച്ചടക്കം ലംഘിച്ചെന്നും, ആലിംഗന ചിത്രങ്ങൾ സമൂഹമാധ്യമങ്ങളിൽ പങ്കുവച്ചെന്നുമായിരുന്നു സ്കൂളിന്റെ വാദം. ഇവരുടെ ആലിംഗനം കുറേസമയം നീണ്ടുനിന്നതായും സ്കൂൾ അധികൃതർ പറഞ്ഞിരുന്നു. തുടർന്ന് സ്കൂൾ അധികൃതർക്കെതിരെ പ്രതിഷേധം വ്യാപകമായി. പക്ഷേ, ഹൈക്കോടതി വിധി സ്കൂൾ അധികൃതർക്ക് അനുകൂലമായിരുന്നു.
വിവാദം...
സെന്റ് തോമസ് സ്കൂളിലെ ആലിംഗന വിവാദവും പുറത്താക്കലും അതിനോടകം ദേശീയ മാധ്യമങ്ങളിലും ചർച്ചയായിരുന്നു. ഇതോടെ തിരുവനന്തപുരം എംപി ശശി തരൂർ പ്രശ്നത്തിൽ ഇടപെട്ടു. അദ്ദേഹം സ്കൂൾ അധികൃതരുമായും കുട്ടികളുടെ രക്ഷിതാക്കളുമായും ചർച്ച നടത്തി പ്രശ്നം ഒത്തുതീർപ്പാക്കി. കുട്ടികളുടെ ഭാവിയെ കരുതി പെൺകുട്ടിയെ സ്കൂളിൽ തിരികെ പ്രവേശിക്കാമെന്നും, ആൺകുട്ടിയെ പരീക്ഷാ എഴുതിപ്പിക്കാമെന്നുമുള്ള ധാരണയിലാണ് പ്രശ്നം ഒത്തുതീർപ്പായത്. തുടർന്ന് പ്ലസ് ടു വിദ്യാർത്ഥിയായ 17കാരൻ മാർച്ചിൽ നടന്ന പരീക്ഷ എഴുതുകയും ചെയ്തു.
മറുപടി...
സ്കൂളിൽ നിന്ന് പുറത്താക്കിയതിനാൽ ക്ലാസുകൾ മിക്കതും നഷ്ടപ്പെട്ടിരുന്നുവെന്നാണ് 17കാരന്റെ പിതാവ് എൻഡിടിവിയോട് പറഞ്ഞത്. ക്ലാസുകൾ നഷ്ടപ്പെട്ടിട്ടും അവൻ 91.2 ശതമാനം മാർക്കോടെ പ്ലസ് ടു കൊമേഴ്സ് പരീക്ഷയിൽ മിന്നും ജയം നേടി സ്കൂൾ അധികൃതരോട് മധുരപ്രതികാരം ചെയ്തു. വിദ്യാർത്ഥിയുടെ വിജയം ദേശീയ മാധ്യമങ്ങളടക്കം വൻ പ്രധാന്യത്തോടെയാണ് റിപ്പോർട്ട് ചെയ്തത്. അതേസമയം, മകന്റെ കേസിലെ കോടതി പരാമർശങ്ങൾ നീക്കം ചെയ്യാനായി നിയമപോരാട്ടം തുടരുമെന്നും കുട്ടിയുടെ പിതാവ് വ്യക്തമാക്കി.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google