കൊച്ചി മെട്രോ ഫേസ് 1 എ ഉദ്ഘാടനം നിര്വഹിച്ച് പ്രധാനമന്ത്രി; രണ്ടാം ഘട്ടത്തിന് തുടക്കം
കൊച്ചി: കൊച്ചി മെട്രോയുടെ എസ് എന് ജംഗ്ഷന് മുതല് വടക്കേക്കോട്ട വരെയുള്ള ഘട്ടത്തിന്റെ ഉദ്ഘാടനം പ്രധാനമന്ത്രി നരേന്ദ്ര മോദി നിര്വഹിച്ചു. കൊച്ചി മെട്രോയുടെ ഫേസ് 1 എ, രണ്ടാംഘട്ട വികസനം എന്നിവ കേരളത്തിനു വലിയ നേട്ടങ്ങളുണ്ടാക്കുമെന്നും പുതിയ പദ്ധതികള് കേരളത്തിനുള്ള ഓണസമ്മാനമാണെന്നും പ്രധാനമന്ത്രി പറഞ്ഞു.
കൊച്ചി മെട്രോയുടെ പുതിയ ഘട്ടം വരുന്നതോടെ നഗര ഗതാഗതം ശക്തമാകും. വാഹനങ്ങളുടെ തിരക്കും മലിനീകരണവും കുറയും. കൊച്ചിയുടെ വികസനത്തിനു ദിശ നല്കും. വിമാനത്താവളം പോലെ മെട്രോ സ്റ്റേഷനുകളും റെയില്വേ സ്റ്റേഷനുകളും വികസിപ്പിച്ചു കൊണ്ടിരിക്കുകയാണ്. എറണാകുളം സൗത്ത്, എറണാകുളം നോര്ത്ത്, കൊല്ലം സ്റ്റേഷനുകള് ആധുനിക രീതിയില് വികസിപ്പിക്കുമെന്നും പ്രധാനമന്ത്രി കൊച്ചിയില് വ്യക്തമാക്കി.
തമ്പുരാൻ..മാവേലി എഴുന്നള്ളുന്നേ...വൈറലായി അത്തച്ചമയ ഘോഷയാത്ര ചിത്രങ്ങൾ
അതേസമയം, കാക്കനാട് ഇന്ഫോപാര്ക്ക് വരെ നീളുന്ന മെട്രോ രണ്ടാം ഘട്ടം ശിലാന്യാസം, റെയില്വേയുടെ കുറുപ്പന്തറ കോട്ടയം ചിങ്ങവനം ഇരട്ടപ്പാത ഉദ്ഘാടനം, കൊല്ലം പുനലൂര് സിംഗിള് ലൈന് വൈദ്യുതീകരണ ഉദ്ഘാടനം, സ്പെഷല് ട്രെയിന് ഫ്ലാഗ് ഓഫ്, എറണാകുളം സൗത്ത്, നോര്ത്ത്, കൊല്ലം സ്റ്റേഷനുകളുടെ നവീകരണ പ്രവൃത്തികളുടെ ശിലാസ്ഥാപനം എന്നിവയും പ്രധാനമന്ത്രി നിര്വഹിച്ചു.
Click it and Unblock the Notifications
Sign in with Google