സിപിഎമ്മിനെ 'ചുംബനട്രാപ്പില്‍' നിന്നും രക്ഷിച്ചത് പിണറായി വിജയന്‍?

ചുംബന സമരം എന്തിന് വേണ്ടിയാണ് എന്ന കാര്യം സമരക്കാര്‍ മറക്കുകയും ആരും എവിടെ നിന്നും ചുംബിക്കും എന്ന തരത്തിലേക്ക് അത് മാറുകയും ചെയ്തപ്പോഴാണ് പിണറായി വിജയന്‍ ഈ അഭിപ്രായവുമായി എത്തിയത്.

രാഹുല്‍ പശുപാലനെ പോലുള്ള തട്ടിപ്പുകാര്‍ കൂട്ടത്തിലുണ്ടാകാനുളള സാധ്യത മുന്‍കൂട്ടി കണ്ടാണോ പിണറായി വിജയന്‍ അന്ന് ഈ പ്രസ്താവന നടത്തിയത്. എം ബി രാജേഷിനെ പോലുള്ള പാര്‍ട്ടി യുവനേതാക്കള്‍ സമരത്തെ പരസ്യമായി അനുകൂലിക്കുമ്പോഴാണ് പിണറായി ഇത് പറഞ്ഞത് എന്നതും ശ്രദ്ധേയമാണ്

ഇടതുസഹയാത്രികരാണ് രാഹുല്‍ പശുപാലനും ഭാര്യ രശ്മി നായരും. താന്‍ ഡി വൈ എഫ് ഐയില്‍ പ്രവര്‍ത്തിക്കാന്‍ തുടങ്ങുന്നു എന്ന് രശ്മി നായര്‍ ഫേസ്ബുക്കില്‍ പോസ്റ്റിട്ടിരുന്നു. എഫ് ബിയില്‍ രശ്മിയുടെ കവര്‍ ചിത്രം തന്നെ ഡി വൈ എഫ് ഐയുടെ കൊടിയാണ്

ഓരോ രാജ്യത്തും ഓരോ രീതികളുണ്ട്. അത്തരം ഏര്‍പ്പാടുകള്‍ പരസ്യമായി ചെയ്താല്‍ നാട് അംഗീകരിക്കില്ല. മദ്യം ഇഷ്ടപ്പെടുന്നവരുണ്ട്. അതിനെ എതിര്‍ക്കുന്നവരുമുണ്ട്. എന്നുകരുതി സമര മാര്‍ഗമായി പരസ്യമായ മദ്യപാനം അംഗീകരിക്കാന്‍ കഴിയുമോ - ഇതായിരുന്നു പിണറായിയുടെ ചോദ്യം.

ചുംബനസമരം നടത്തിയല്ല സദാചാര പോലീസിനെ എതിര്‍ക്കേണ്ടത് എന്നും കൂടുതല്‍ ആളുകളെ അണിനിരത്താന്‍ കഴിയുന്ന സമരമാര്‍ഗങ്ങളാണ് അതിന് വേണ്ടതും എന്നാണ് പിണറായി വിജയന്‍ പറഞ്ഞത്.