• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

15 കാരിയെ വനത്തില്‍ കൊണ്ടുപോയി പീഡിപ്പിച്ച ഇമാം കുടുങ്ങും... പരാതിയില്‍ പോക്‌സോ ചുമത്തി

തിരുവനന്തപുരം: 15 വയസ്സുള്ള പെണ്‍കുട്ടിയെ ഇന്നോവാ കാറില്‍ വനത്തില്‍ കൊണ്ടുപോയി പീഡിപ്പിച്ച പള്ളി ഇമാമിനെതിരെ പോലീസ് കേസ് എടുത്തു. പോക്‌സോ പ്രകാരം ആണ് ഇമാമിനെതിരെ കേസ് എടുത്തിട്ടുള്ളത്.

തൊളിക്കോട് ജമാ അത്ത് പള്ളിയിലെ മുന്‍ ഇമാം ഷെഫീഖ് അല്‍ ഖാസിമിക്കെതിരെ ആണ് വിതുര പോലീസ് കേസെടുത്തിട്ടുള്ളത്. അറിയപ്പെടുന്ന മത പ്രഭാഷകനും കൂടി ആണ് ഖാസിമി. കശ്മീരില്‍ പെണ്‍കുട്ടി ക്ഷേത്രത്തില്‍ വച്ച് ക്രൂരബലാത്സംഗത്തിന് ഇരയായി കൊല്ലപ്പെട്ട സംഭവത്തില്‍ ഖാസിമിയുടെ പ്രസംഗം സോഷ്യല്‍ മീഡിയയില്‍ വൈറല്‍ ആയിരുന്നു.

15 കാരിയെ തന്റെ ഇന്നോവ കാറില്‍ കയറ്റി വനത്തിലേക്ക് കൊണ്ടുപോയാണ് ഖാസിമി പീഡിപ്പിച്ചത്. പെണ്‍കുട്ടിയുടെ കരച്ചില്‍ കേട്ട് തൊഴിലുറപ്പ് ജോലികളില്‍ ഏര്‍പ്പെട്ടിരുന്ന സ്ത്രീകള്‍ ആയിരുന്നു ഓടിയെത്തിയത്. ആളുകള്‍ കൂടിയപ്പോള്‍, കൂടെയുള്ളത് ഭാര്യയാണ് എന്നായിരുന്നു ഖാസിമി പറഞ്ഞത്. പക്ഷേ, പെണ്‍കുട്ടി സ്‌കൂള്‍ യൂണിഫോമില്‍ ആയിരുന്നതിനാല്‍ നാട്ടുകാര്‍ വിശ്വസിച്ചില്ല.

എന്നാല്‍ ഖാസിമിയ്‌ക്കെതിരെ മൊഴി നല്‍കാന്‍ പെണ്‍കുട്ടി ഇതുവരെ തയ്യാറായിട്ടില്ല എന്നാണ് വിവരം. സംഭവം പുറത്തറിഞ്ഞതോടെ ഖാസിമിയെ ജമാഅത്ത് കൗണ്‍സിലില്‍ നിന്ന് പുറത്താക്കിയിരുന്നു. കേസ് രജിസ്റ്റര്‍ ചെയ്യുന്നതിന് മുമ്പ് തന്നെ ഖാസിമി മുന്‍കൂര്‍ ജാമ്യത്തിനായി ഹൈക്കോടതിയെ സമീപിക്കുകയും ചെയ്തു.

ഖാസിമിയ്‌ക്കെതിരെ പരാതി നല്‍കിയിട്ടുള്ളത് പള്ളിക്കമ്മിറ്റി പ്രസിഡന്റ് തന്നെയാണ്.

English summary
POCSO case against Imam for raping 15 year old school girl
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X