കോന്നിയില്‍ പീഡനത്തിന് ഇരയായ 16 വയസുകാരി തൂങ്ങി മരിച്ചു

Updated: Thursday, September 23, 2021, 14:56 [IST]

പത്തനംതിട്ട: കോന്നിയില്‍ പീഡനത്തിന് ഇരയായ പ്രായപൂര്‍ത്തിയാവാത്ത പെണ്‍കുട്ടി ആത്മഹത്യ ചെയ്തു. പ്രമാടം സ്വദേശിനിയായി പതിനാറുകാരിയാണ് മരിച്ചത്. ഇന്ന് രാവിലെ 9 മണിക്ക് ശേഷം പെണ്‍കുട്ടിയെ വീട്ടിലെ കിടപ്പ് മുറിയില്‍ തൂങ്ങി മരിച്ച നിലയില്‍ കണ്ടെത്തിയത്. പീഡനത്തിന് ഇരയായതിന് പിന്നാലെ കഴിഞ്ഞ കുറേ ദിവസങ്ങളായി മാനസികപരമായ ബുദ്ധിമുട്ടുകള്‍ അനുഭവിച്ചിരുന്നുവെന്നാണ് നാട്ടുകാരും ബന്ധുക്കളും വ്യക്തമാക്കുന്നത്. അച്ഛനും അച്ഛന്റെ അമ്മയും പെണ്‍കുട്ടിയും മാത്രമായിരുന്നു വീട്ടില്‍ ഉണ്ടായിരുന്നത്.

ടാപ്പിങ് തൊഴിലാളിയായ അച്ഛന്‍ രാവിലെ ജോലിക്ക് പോയ ശേഷമായിരുന്നു സംഭവം. മുത്തശ്ശി വീട്ടില്‍ ഉണ്ടായിരുന്നെങ്കിലും ശ്രദ്ധയില്‍പ്പെട്ടിരുന്നില്ലെന്നുമാണ് പുറത്ത് വരുന്ന വിവരങ്ങള്‍ വ്യക്തമാക്കുന്നത്. കഴിഞ്ഞ ജുലൈ മാസം 31 നാണ് പീഡന വിവരം പുറത്ത് വരുന്നത്. അന്ന് തന്നെ കേസിലെ പ്രതിയായ യുവാവിനെ പൊലീസ് പിടികൂടിയരുന്നു. പെണ്‍കുട്ടിയുടെ വീടിന് താമസിക്കുന്ന വ്യക്തിയാണ് ഇയാള്‍. എന്നാല്‍ അതിന് ശേഷം മാനസികപരമായ ബുദ്ധിമുട്ടുകള്‍ കുട്ടിയെ അലട്ടിയിരുന്നു.

അതീവ സുന്ദരിയായി ഗോപിക രമേശ്: തണ്ണീര്‍ മത്തന്‍ താരത്തിന്റെ ഫോട്ടോഷൂട്ട് ഏറ്റെടുത്ത് ആരാധകര്‍

4 വയസ്സുള്ളപ്പോള്‍ അമ്മ കുടുംബത്തെ ഉപേക്ഷിച്ച് പോയതിനാല്‍ അച്ഛനും മുത്തശ്ശിക്കൊപ്പമായിരുന്നു താമസിച്ചത്. മരണം അറിഞ്ഞ് വീട്ടില്‍ എത്തിയ പൊലീസ് ഇന്‍ക്വസ്റ്റ് നടപടികള്‍ ഉള്‍പ്പടെ പൂര്‍ത്തിയാക്കിക്കൊണ്ടിരിക്കുകയാണ്. തുടര്‍ന്ന് പോസ്റ്റുമോര്‍ട്ടത്തിനായി മൃതദേഹം ആശുപത്രിയിലേക്ക് മാറ്റും.