• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

അപ്പുണ്ണിയെ വേണ്ടത് പോലീസിനു മാത്രമല്ല!! ദിലീപിനും വേണം!! കാരണം ഇതാണ്...

  • By Sooraj

കൊച്ചി: നടിയെ ആക്രമിച്ച കേസില്‍ ഹൈക്കോടതിയും ജാമ്യം നിഷേധിച്ചതോടെ കടുത്ത നിരാശയിലാണ് ദിലീപ്. തിങ്കളാഴ്ചയാണ് ദിലീപ് നല്‍കിയ ജാമ്യാപേക്ഷ ഹൈക്കോടതി തള്ളിയത്. പ്രതികാരത്തിനായി ലൈംഗികമായി ആക്രമിക്കാന്‍ ക്വട്ടേഷന്‍ കൊടുക്കുന്നത് കേട്ടുകേള്‍വിയില്ലാത്ത കാര്യമാണെന്നാണ് ഹൈക്കോടതി ചൂണ്ടിക്കാട്ടിയത്. സംഭവത്തില്‍ ഗൂഡാലോചന നടന്നുവെന്നതില്‍ സംശയമില്ലെന്നും പ്രഥമ ദൃഷ്ട്യാ ഇതിനു തെളിവുണ്ടെന്നും ദിലീപിന്റെ ജാമ്യം നിഷേധിച്ചുകൊണ്ട് കോടതി വ്യക്തമാക്കിയിരുന്നു. 11 പേജുള്ള ഉത്തരവാണ് ജാമ്യം നിഷേധിച്ചുകൊണ്ട് ഹൈക്കോടതി പുറപ്പെടുവിച്ചത്. അതിനിടെ ദിലീപിനെതിരേ കൂടുതല്‍ തെളിവുകള്‍ ശേഖരിക്കുകയാണ് അന്വേഷണം സംഘം. കേസിലെ നിര്‍ണായക സാന്നിധ്യമായ അപ്പുണ്ണിയെ പിടികൂടാനാണ് പോലീസിന്റെ ശ്രമം. ദിലീപിന്റെ മാനേജറും മനസാക്ഷി സൂക്ഷിപ്പുകാരനുമായ അപ്പുണ്ണി ഇപ്പോള്‍ ഒളിവിലാണ്.

ദിലീപിന് ജാമ്യം നിഷേധിക്കാന്‍ കാരണം

ദിലീപിന് ജാമ്യം നിഷേധിക്കാന്‍ കാരണം

പ്രധാനമായും രണ്ടു കാരണങ്ങള്‍ ചൂണ്ടിക്കാട്ടിയാണ് ദിലീപിന് ഹൈക്കോടതി ജാമ്യം നിഷേധിച്ചത്. അപ്പുണ്ണിയെ പിടികൂടാന്‍ കഴിയാത്താതതാണ് ഇതില്‍ ഒന്നാമത്തേത്. രണ്ടാമത്തേത് കേസിലെ നിര്‍ണായക തെളിവായ മൊബൈല്‍ ഫോണ്‍ കണ്ടെത്താന്‍ സാധിച്ചിട്ടില്ലെന്നതാണ്.

ദിലീപിന്റെയും ആവശ്യം

ദിലീപിന്റെയും ആവശ്യം

പോലീസിന്റെ മാത്രമല്ല അപ്പുണ്ണിയെ പിടിക്കേണ്ടത് ഇപ്പോള്‍ ദിലീപിന്റെയും ആവശ്യമായി മാറിയിരിക്കുകയാണ്. കാരണം അപ്പുണ്ണി പിടിയിലായെങ്കില്‍ മാത്രമേ ദിലീപിന് ജാമ്യം ലഭിക്കാനുള്ള നേരിയ സാധ്യത നിലനില്‍ക്കുന്നുള്ളൂ.

പോലീസിനും വേണം അപ്പുണ്ണിയെ

പോലീസിനും വേണം അപ്പുണ്ണിയെ

കേസില്‍ ദിലീപിനെതിരേ കൂടുതല്‍ തെളിവുകള്‍ ലഭിക്കാന്‍ പോലീസിനും അപ്പുണ്ണി തുറുപ്പുചീട്ടാണ്. കാരണം ദിലീപിന്റെ മനസാക്ഷി സൂക്ഷിപ്പുകാരനെന്ന നിലയില്‍ ഗൂഡാലോചന സംബന്ധിച്ച മുഴുവന്‍ കാര്യങ്ങളും അപ്പുണ്ണിക്ക് അറിയാമെന്നാണ് പോലീസിന്റെ നിഗമനം.

ഒരുമിച്ച് ചോദ്യം ചെയ്യും

ഒരുമിച്ച് ചോദ്യം ചെയ്യും

അപ്പുണ്ണിയെ പിടികൂടാനായാല്‍ ദിലീപിനൊപ്പം ഒരുമിച്ച് ഇരുത്തി ചോദ്യം ചെയ്യാനാണ് പോലീസിന്റെ പദ്ധതി. ദിലീപ് ചോദ്യം ചെയ്യലുമായി കാര്യമായി സഹകരിക്കാത്തതിനെ തുടര്‍ന്നാണിത്.

അപ്പുണ്ണിയെവിടെ ?

അപ്പുണ്ണിയെവിടെ ?

ദീലിപിന്റെ അറസ്റ്റിനുശഷം ഒൡവില്‍പ്പോയ അപ്പുണ്ണി എവിടെയാണെന്ന് ഒരു സൂചനയും ലഭിച്ചിട്ടില്ല. ഇയാള്‍ കേരളം വിട്ടതായം സംശയമുണ്ട്. അപ്പുണ്ണിക്കായി താമസസ്ഥലത്തും മറ്റും തിരച്ചില്‍ നടത്തിയിരുന്നെങ്കിലും കാര്യമായ തുമ്പൊന്നും കിട്ടിയിരുന്നില്ല.

ഹൈക്കോടതിയെ സമീപിച്ചിട്ടുണ്ട്

ഹൈക്കോടതിയെ സമീപിച്ചിട്ടുണ്ട്

പോലീസ് അറസ്റ്റ് ഭയന്ന് അപ്പുണ്ണി ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയിട്ടുണ്ട്. നടിയെ ആക്രമിച്ച സംഭവത്തിനു പിന്നിലെ ഗൂഡാലോചനയില്‍ തനിക്കു പങ്കില്ലെന്നാണ് അപ്പുണ്ണി കോടതിയില്‍ അറിയിച്ചിരിക്കുന്നത്.

കൂടുതല്‍ പേരെ ചോദ്യം ചെയ്യും

കൂടുതല്‍ പേരെ ചോദ്യം ചെയ്യും

കൂടുതല്‍ പേരെ ചോദ്യം ചെയ്യാനുള്ള ഒരുക്കത്തിലാണ് അന്വേഷണസംഘം. സിനിമാരംഗത്തുള്ളവരെയും ദിലീപുമായി അടുത്ത ബന്ധമുള്ളവരെയുമാണ് ചോദ്യം ചെയ്യുക.

English summary
Police and Dileep wants Appunni.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X