ഷൈന്‍ ടോമും രേഷ്മയും അല്ല, കൊക്കെയ്ന്‍ കേസിലെ മുഖ്യപ്രതി നൈജീരിയക്കാരന്‍!

കൊച്ചി: കൊക്കെയ്ന്‍ കേസില്‍ മുഖ്യ പ്രതി മോഡല്‍ രേഷ്മ രംഗസ്വാമിയേ, സഹസംവിധായിക ബ്ലസ്സിയോ, സിനമാ താരം ഷൈന്‍ ടോം ചാക്കോയും അല്ല. അതൊരു നൈജീരിയക്കാരനാണ്. ഇയാളെ പോലീസ് അറസ്റ്റ് ചെയ്യുകയും ചെയ്തു .

നൈജീരിയന്‍ സ്വദേശി ഒക്കോവ ചിഗോസിയെ ആണ് കൊച്ചി പോലീസ് അറസ്റ്റ് ചെയ്തത്. ഗോവയില്‍ വച്ചായിരുന്നു അറസ്റ്റ് .

രേഷ്മക്കും ബ്ലസ്സിക്കും എല്ലാം മയക്കുമരുന്ന് എത്തിച്ച് നല്‍കിയത് നൈജീരിയന്‍ സ്വദേശിയാണെന്നാണ് പോലീസ് നല്‍കുന്ന വിവരം . തുടക്കത്തില്‍ ഫ്രാങ്കോ എന്ന ഒരു പേരായിരുന്നു കേട്ടിരുന്നത്. ഇയാള്‍ ഗോവ സ്വദേശിയാണെന്നും രേഷ്മയും ബ്ലസ്സിയും മൊഴി നല്‍കിയിരുന്നു .

ഇപ്പോള്‍ രഹസ്യ വിവരത്തിന്റെ അടിസ്ഥാനത്തിലാണ് പോലീസ് ഒക്കാവോ ചിഗോസിയെ അറസ്റ്റ് ചെയ്തിരിക്കുന്നത്. കേരളത്തിലേക്ക് ലഹരിയെത്തിക്കുന്ന മാഫിയയുടെ മുഴുവന്‍ വിവരവും പോലീസിന് ലഭിച്ചിട്ടുണ്ടെന്നാണ് പറയപ്പെടുന്നത് .

എന്തായാലും ഷൈന്‍ ടോമും കൂട്ടരും അറസ്റ്റിലാകുന്ന സമയത്ത് കൊക്കെയ്ന്‍ ഉപയോഗിച്ചിരുന്നില്ലെന്നാണ് രക്തപരിശോധന റിപ്പോര്‍ട്ട്. എന്നാല്‍ പോലീസ് ഇപ്പോഴും അതില്‍ ഉറച്ച് നില്‍ക്കുകയാണ്. കൂടുതല്‍ അന്വേഷണത്തിനും പരിശോധനകള്‍ക്കും ആയി കാത്തിരിക്കുകയേ നിവൃത്തിയുള്ളൂ .

English summary

Police arrested main accused in Kochi cocaine case from Goa