19ാം വയസ്സില്‍ ആദ്യ വിവാഹം... പിന്നെയത് ഹോബിയാക്കി, ഹണിമൂണിനിടെ പോലീസ് പൊക്കി

സ്വകാര്യ ബസിലെ ഡ്രൈവറാണ് വിവാഹ തട്ടിപ്പ് വീരന്‍

ഈരാറ്റുപേട്ട: വിവാഹത്തട്ടിപ്പ് വീരന്‍ കോട്ടയത്തെ ഈരാറ്റുപേട്ടയില്‍ പോലീസിന്റെ വലയിലായി. ഹണിമൂണ്‍ ആഘോഷത്തിനിടെയാണ് കൂട്ടിക്കല്‍ സ്വദേശിയായ കല്ലുപുരയ്ക്കല്‍ അക്ബറിനെ പോലീസ് അറസ്റ്റ് ചെയ്തത്.

19ാം വയസ്സില്‍ ആദ്യ വിവാഹം

19ാം വയസ്സിലാണ് ഇയാള്‍ ആദ്യത്തെ വിവാഹം കഴിച്ചത്. ഇപ്പോള്‍ 29 വയസ്സായ അക്ബര്‍ ഇതിനകം നാലു വിവാഹങ്ങള്‍ കഴിച്ചുകഴിഞ്ഞു. ഈരാറ്റുപേട്ട-കാഞ്ഞിലപ്പള്ളി റൂട്ടിലോടുന്ന സ്വകാര്യ ബസിലെ ഡ്രൈവറായിരുന്നു അക്ബര്‍.

ബസ് ഡ്രൈവര്‍

ബസില്‍ വച്ചു പരിയപ്പെടുന്ന യുവതികളെ പ്രേമം നടിച്ചു വലയിലാക്കിയാണ് ഇയാള്‍ വിവാഹം കഴിച്ചിരുന്നത്. എന്നാല്‍ വിവാഹങ്ങളൊന്നും നിയമപരമായിരുന്നില്ലെന്നതാണ് വസ്തുത.

ഒരാള്‍ക്കൊപ്പം അധികകാലമില്ല

ഭാര്യക്കൊപ്പം ഒന്നര വര്‍ഷത്തില്‍ കൂടുതലില്ല
ഒരു യുവതിയെ വിവാഹം ചെയ്താല്‍ അവര്‍ക്കൊപ്പം ഒന്നര വര്‍ഷത്തില്‍ കൂടുതല്‍ അക്ബര്‍ താമസിച്ചിട്ടുമില്ലെന്നു പോലീസ് പറയുന്നു.

കാസര്‍കോഡ് നിന്നും കെട്ടി

മുണ്ടക്കയം, ചേറ്റുതോട് പ്രദേശങ്ങളില്‍ നിന്നും കാസര്‍കോഡ് ജില്ലയില്‍ നിന്നുമാണ് ഇയാള്‍ ഇതുവരെ വിവാഹം ചെയ്തിരിക്കുന്നതെന്നാണ് പോലീസ് അന്വേഷണത്തില്‍ വ്യക്തമായത്.

ഹണിമൂണ്‍ ആഘോഷത്തിനിടെ കുടുങ്ങി

അക്ബറിന്റെ നാലാമത്തെ വിവാഹം കഴിഞ്ഞിട്ടു ഒന്നര മാസം മാത്രമേ ആയിട്ടുള്ളൂ. തന്റെ പുതിയ ഭാര്യയുമായി കൊടൈക്കനാലില്‍ ഹണിമൂണ്‍ ആഘോഷിക്കാന്‍ പോയപ്പോഴാണ് അക്ബര്‍ പിടിയിലായത്.

പരാതിക്കാരി മൂന്നാം ഭാര്യ

മൂന്നാമത്തെ ഭാര്യ നല്‍കിയ പരാതിയാണ് അക്ബറിനെ കുടുക്കിയത്. വിവാഹവാഗ്ദാനം നല്‍കി അക്ബര്‍ തന്നെ പല തവണ പീഡിപ്പിച്ചെന്നായിരുന്നു മൂന്നാം ഭാര്യയുടെ പരാതി.

English summary

Police arrested man who got married 4 times.