• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കൊച്ചിയില്‍ നൊന്തുപ്രസവിച്ച കുഞ്ഞിനെ പള്ളിയില്‍ ഉപേക്ഷിച്ചു; ദമ്പതികളുടെ ദൃശ്യങ്ങള്‍ പുറത്ത്!!

  • By Desk
cmsvideo
    പിഞ്ചുകുഞ്ഞിനെ പള്ളിയില്‍ ഉപേക്ഷിച്ചു, അച്ഛൻ പിടിയിൽ | Oneindia Malayalam

    കൊച്ചി: മൂന്ന് ദിവസം മാത്രം പ്രായമായ കുഞ്ഞിനെ പള്ളിയില്‍ ഉപേക്ഷിച്ച് മുങ്ങിയ ദമ്പതികളെ തിരിച്ചറിഞ്ഞു. ഭര്‍ത്താവിനെ പോലീസ് പിടികൂടി. ഭാര്യയുടെ ശാരീരിക അവശത കാരണം അറസ്റ്റ് ചെയ്തിട്ടില്ല. ദമ്പതികള്‍ കുഞ്ഞിനെ ഉപേക്ഷിക്കുന്ന ദൃശ്യങ്ങള്‍ കഴിഞ്ഞദിവസം രാത്രി മുതല്‍ നവമാധ്യമങ്ങളില്‍ പ്രചരിച്ചിരുന്നു. കുഞ്ഞിന്റെ കരച്ചില്‍ കേട്ടാണ് പള്ളിയിലുള്ളവര്‍ തിരച്ചില്‍ നടത്തിയതും കുഞ്ഞിനെ കണ്ടതും. അവര്‍ ഉടന്‍ പോലീസില്‍ അറിയിച്ചു. പോലീസ് സിസിടിവി ദൃശ്യങ്ങള്‍ പരിശോധിച്ചു. തുടര്‍ന്ന് തിരച്ചില്‍ വ്യാപിപ്പിച്ചു. ഒടുവില്‍ വടക്കാഞ്ചേരിയിലെ ദമ്പതികളാണ് കുഞ്ഞിനെ ഉപേക്ഷിച്ചതെന്ന് കണ്ടെത്തി. രാവിലെ തന്നെ ഇവരെ പിടികൂടുകയായിരുന്നു. നവജാത ശിശുവിനെ ഉപേക്ഷിക്കാനെത്തിയ വേളയില്‍ മറ്റൊരു കുട്ടിയും ദമ്പതികള്‍ക്കൊപ്പമുണ്ടായിരുന്നു. ക്രൂരകൃത്യം ചെയ്യാന്‍ ഇവരെ പ്രേരിപ്പിച്ചതെന്താണ്?....

    രാത്രി എട്ട് മണിയോടെ

    രാത്രി എട്ട് മണിയോടെ

    വെള്ളിയാഴ്ച രാത്രി എട്ട് മണിയോടെയാണ് എറണാകുളം ഇടപ്പള്ളി സെന്റ് ജോര്‍ജ് പള്ളിയില്‍ മൂന്ന് ദിവസം മാത്രം പ്രായമായ കുഞ്ഞിനെ ഉപേക്ഷിക്കാന്‍ ദമ്പതികള്‍ എത്തിയത്. പ്രസവത്തിന്റെ അവശതകള്‍ യുവതിക്ക് വിട്ടുമാറിയിരുന്നില്ല. വേഗത്തില്‍ നടക്കാന്‍ പോലും പറ്റാത്ത അവസ്ഥയിലായിരുന്നു അവര്‍. ഇവരുടെ ഭര്‍ത്താവും മൂന്ന് വയസ് തോന്നിക്കുന്ന മറ്റൊരു കുട്ടിയും ഇവരോടൊപ്പമുണ്ടായിരുന്നു.

    സിസിടിവിയില്‍ തെളിഞ്ഞു

    സിസിടിവിയില്‍ തെളിഞ്ഞു

    ദമ്പതികളുടെ മുഖം സിസിടിവിയില്‍ തെളിഞ്ഞു കണ്ടു. യുവതിയാണ് കുഞ്ഞിനെ എടുത്തിരുന്നത്. യുവാവ് മറ്റൊരു കുട്ടിയുടെ കൈ പിടിച്ചിരുന്നു. യുവതി വളരെ പ്രയാസപ്പെട്ടാണ് പ്രധാന കവാടത്തിലൂടെ പള്ളിയിലേക്ക് പ്രവേശിക്കുന്നത്. റോസ് നിറത്തിലുള്ള ടര്‍ക്കിയില്‍ കുഞ്ഞിനെ പൊതിഞ്ഞിരുന്നു.

    ചുംബനം നല്‍കിയ ശേഷം

    ചുംബനം നല്‍കിയ ശേഷം

    പള്ളിയിലെ പാരിഷ് ഹാളില്‍ പ്രവേശിച്ച യുവാവ് പിന്നീട് കുഞ്ഞിനെ ഒരു മറഞ്ഞ സ്ഥലത്ത് ഉപേക്ഷിക്കുകയായിരുന്നു. ചുംബനം നല്‍കിയ ശേഷമാണ് കുഞ്ഞിനെ ഇയാള്‍ നിലത്ത് വയ്ക്കുന്നത്. ഈ സമയം ചുറ്റുപാടും ഇയാള്‍ നോക്കുന്നതും സിസിടിവി ദൃശ്യത്തില്‍ വ്യക്തമാണ്. കുഞ്ഞിനെ കിടത്തിയ ശേഷം ഇയാള്‍ വേഗത്തില്‍ നടന്നുപോയി.

    കുഞ്ഞിന് ആരോഗ്യ പ്രശ്‌നങ്ങളില്ല

    കുഞ്ഞിന് ആരോഗ്യ പ്രശ്‌നങ്ങളില്ല

    കുഞ്ഞ് കരയുന്നത് കേട്ടാണ് പള്ളിയിലുള്ളവര്‍ തിരയാന്‍ തുടങ്ങിയത്. ഒടുവില്‍ ടര്‍ക്കിയില്‍ പൊതിഞ്ഞ കുഞ്ഞിനെ അവര്‍ കണ്ടു. എളമക്കര പോലീസില്‍ വിവരം അറിയിച്ചു. പോലീസെത്തി കുഞ്ഞിനെ ആശുപത്രിയിലേക്ക് മാറ്റി. കുഞ്ഞിന് ആരോഗ്യ പ്രശ്‌നങ്ങളൊന്നുമില്ല.

    വടക്കാഞ്ചേരി സ്വദേശികള്‍

    വടക്കാഞ്ചേരി സ്വദേശികള്‍

    സിസിടിവി ദൃശ്യങ്ങള്‍ പോലീസ് വിശദമായി പരിശോധിച്ചു. തൃശൂര്‍ വടക്കാഞ്ചേരി സ്വദേശികളായ ദമ്പതികളാണെന്ന് പോലീസ് കണ്ടെത്തി. ദൃശ്യത്തില്‍ കാണുന്ന വ്യക്തിയുടെ പേര് ഡിറ്റോ എന്നാണ്. ഇയാളെ പോലീസ് പിടികൂടി. ഭാര്യയെ ശാരീരിക അവശതകള്‍ കാരണം അറസ്റ്റ് ചെയ്തിട്ടില്ല.

     വീഡിയോ കണ്ടവര്‍ പോലീസിനെ അറിയിച്ചു

    വീഡിയോ കണ്ടവര്‍ പോലീസിനെ അറിയിച്ചു

    ദൃശ്യങ്ങള്‍ വെള്ളിയാഴ്ച രാത്രി മുതല്‍ തന്നെ നവമാധ്യമങ്ങളില്‍ പ്രചരിച്ചിരുന്നു. ഇതോടെ വീഡിയോ കണ്ടവര്‍ ദമ്പതികളെ തിരിച്ചറിഞ്ഞു. അവര്‍ പോലീസിനെ വിവരം അറിയിക്കുകയായിരുന്നു. തുടര്‍ന്ന് കൊച്ചി പോലീസ് തൃശൂരിലേക്ക് പുറപ്പെട്ടു. ഡിറ്റോയെ പോലീസ് ചോദ്യം ചെയ്തുവരികയാണ്. എന്താണ് ഉപേക്ഷിക്കാന്‍ കാരണമെന്നാണ് പോലീസ് ചോദിച്ചറിയുന്നത്.

    മൃതദേഹം കത്തിച്ചത് റോഡിനരികില്‍; രണ്ടുപേര്‍ ഓടി രക്ഷപ്പെട്ടു!! ജസ്‌നയുടെതല്ലെന്ന് സൂചന, മൂക്കുത്തി?

    English summary
    Police arrested parents of new born baby dumped inside of Edappally Church
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more