ഫ്രീ ഹോം ഡെലിവറിക്കാരെ പോലീസ് പൊക്കി... വീട്ടിലെത്തിച്ചുകൊടുത്തത് സ്ത്രീകളെ!
തിരുവനന്തപുരം: അന്തര് സംസ്ഥാന പെണ്വാണിഭ സംഘം പിടിയില്. തിരുമല തൃക്കണ്ണാപുരം കുന്നപ്പുഴയില് അഞ്ച് സ്ത്രീകള് ഉള്പ്പെടെ എട്ട് പേരെയാണ് പൂജപ്പുര പോലീസ് പിടികൂടിയത്. ഫോണ് വഴി ബന്ധപ്പെടുന്ന ആവശ്യക്കാര്ക്ക് സ്ത്രീകളെ എത്തിച്ച് കൊടുക്കുന്ന സംഘമാണ് പിടിയിലായത്.
പിടിയിലായ അഞ്ച് സ്ത്രീകളില് ഒരാള് ആന്ധ്രാപ്രദേശ് സ്വദേശിനിയാണ്. മലയാളികളായ നാല് സ്ത്രീകളില് രണ്ട് പേര് നേരത്തെ അനാശാസ്യത്തിന് അറസ്റ്റിലായവരാണെന്ന് മ്യൂസിയം സിഐ അനില്കുമാര് പറഞ്ഞു. വീട്ടില് നടന്ന റെയ്ഡില് സംഘത്തെ പിടികൂടുമ്പോള് അവിടെ ഉണ്ടായിരുന്ന മൂന്ന് പേരെ കൂടി പോലീസ് അറസ്റ്റ് ചെയ്തു.
വട്ടിയൂര്ക്കാവ് സ്വദേശി ഷിബു(41), മണക്കാട് സ്വദേശി രാമകൃഷ്ണന്(61), വട്ടപ്പാറ സ്വദേശി ദിലീപ് കുമാര്(32) എന്നിവരെയാണ് വീട്ടില് നിന്നും സംഘത്തോടൊപ്പം പിടികൂടിയത്. സംഘത്തില് ഉള്പ്പെട്ട ഒരു സ്ത്രീയും ഭര്ത്താവുമാണ് റെയ്ഡ് ചെയ്ത വീട്ടില് താമസിച്ചിരുന്നത്. ഓണ്ലൈന് പെണ്വാണിഭ സംഘങ്ങളുമായി ഇവര്ക്ക് ബന്ധമുണ്ടോ എന്ന് പോലീസ് അന്വേഷിച്ച് വരികയാണ്.