വിജയ് ബാബു നടിക്കൊപ്പം ഹോട്ടലിലെത്തി, നിര്ണായക സിസിടിവി ദൃശ്യവും സിനിമാക്കാരുടെ സാക്ഷിമൊഴികളും ലഭിച്ചു
കൊച്ചി: നടന് വിജയ് ബാബുവിനെതിരായ ബലാത്സംഗക്കേസില് സിസിടിവി ദൃശ്യങ്ങളടക്കമുള്ള നിര്ണായക തെളിവുകള് പൊലീസിന്. വിജയ് ബാബു പരാതിക്കാരിയ്ക്കൊപ്പം ആഢംബര ഹോട്ടലിലെത്തുന്ന ദൃശ്യം പൊലീസിന് ലഭിച്ചിട്ടുണ്ട് എന്നാണ് റിപ്പോര്ട്ട്. സംഭവത്തില് ഹോട്ടല് ജീവനക്കാരുടെ മൊഴിയും പൊലീസ് ശേഖരിച്ചിട്ടുണ്ട്. പീഡന പരാതി സാധൂകരിക്കുന്ന തരത്തില് ചലച്ചിത്ര പ്രവര്ത്തകരും ഹോട്ടല് ജീവനക്കാരും അടക്കം എട്ട് സാക്ഷികളുടെ മൊഴികളും പൊലീസിന് ലഭിച്ചിട്ടുണ്ട്.
കൊച്ചി പനമ്പള്ളി നഗറിലെ ആഡംബര ഹോട്ടലില് നിന്നാണ് നിര്ണായകമായ സി സി ടി വി ദൃശ്യങ്ങള് പൊലീസിന് ലഭിച്ചിരിക്കുന്നത്. കഴിഞ്ഞ മാര്ച്ച് 13 മുതല് ഏപ്രില് 14 വരെയുള്ള തീയതികളില് അഞ്ച് സ്ഥലത്ത് തന്നെ വിജയ് ബാബു കൊണ്ടുപോയി പീഡിപ്പിച്ചു എന്നാണ് പരാതിക്കാരിയുടെ മൊഴിയില് ഉള്ളത്. മയക്കുമരുന്നും മദ്യവും നല്കി അര്ധബോധാവസ്ഥയില് വിജയ് ബാബു ബലാത്സംഗത്തിന് ഇരയാക്കി എന്നാണ് പരാതിക്കാരി പറഞ്ഞത്.
ഇതൊന്നുമല്ല, പഠിക്കാന് ഞങ്ങളുടെ കൈയില് ഇനിയും കുറെ മോഡലുണ്ട്: ഗുജറാത്ത് മന്ത്രി
ഇക്കാര്യം
പുറത്ത്
പറഞ്ഞാല്
കൊല്ലും
എന്നതടക്കമുള്ള
ഭീഷണി
തനിക്കുണ്ടായിട്ടുണ്ട്
എന്നും
നടിയുടെ
പരാതിയിലുണ്ട്.
നടിയുടെ
പരാതി
ബലപ്പെടുത്തുന്ന
തെളിവുകളാണ്
പൊലീസ്
ശേഖരിച്ചത്.
മൊഴിയില്
പറയുന്ന
സ്ഥലങ്ങളില്
പരാതിക്കാരിയോടൊപ്പം
അന്വേഷണസംഘം
രഹസ്യമായി
ചെല്ലുകയും
പരാതിയില്
പറയുന്ന
സ്ഥലങ്ങളില്
അതേസമയത്ത്
ഇരുവരും
എത്തി
എന്ന്
സ്ഥിരീകരിക്കുകയും
ചെയ്തിട്ടുണ്ട്.
ഇവരെ
കണ്ടതായുള്ള
സാക്ഷിമൊഴികളും
പൊലീസ്
ശേഖരിച്ചിട്ടുണ്ട്.
സാക്ഷികളുടെ
മൊഴി
പൊലീസ്
വെള്ളിയാഴ്ച
രേഖപ്പെടുത്തും.
കേസിനോട് അനുബന്ധിച്ച് ചലച്ചിത്ര പ്രവര്ത്തകര് അടക്കം എട്ട് സാക്ഷികളുടെ മൊഴിയെടുക്കാന് പൊലീസിനായിട്ടുണ്ട്. അതേസമയം കേസില് മുന്കൂര് ജാമ്യം തേടി വിജയ് ബാബു ഇന്ന് ഹര്ജി നല്കും എന്ന റിപ്പോര്ട്ടുകളും പുറത്തുരുന്നുണ്ട്. താനാണ് ഇരയെന്നും നിരപരാധിത്വം കോടതിയെ ബോധ്യപ്പെടുത്തുമെന്നും ആണ് വിജയ് ബാബു അവകാശപ്പെടുന്നത്. എന്നാല് ശക്തമായ തെളിവുകള് ലഭിച്ചിട്ടുണ്ടെന്നും വിജയ് ബാബുവിന്റെ അറസ്റ്റ് അനിവാര്യമാണെന്നുമാണ് പൊലീസ് പറയുന്നത്. വിജയ് ബാബുവിനെ കസ്റ്റഡിയിലെടുത്ത് ചോദ്യം ചെയ്യണം എന്നാണ് അന്വേഷണസംഘത്തിന്റെ നിലപാട്.
വിജയ് ബാബു ദുബായിലേക്ക് കടന്നത് ഏപ്രില് 24 നാണ്. നടിയുടെ പരാതിയില് പൊലീസ് കേസെടുത്ത് അന്വേഷണം തുടങ്ങിയതറിഞ്ഞ് വിദേശത്തേക്ക് കടക്കുകയായിരുന്നു. പരാതിക്കാരി പൊലീസിനെ സമീപിച്ചതിന് പിന്നാലെ ഗോവയിലേക്ക് പോയ വിജയ് ബാബു അവിടെ നിന്നും വിദേശത്തേക്ക് കടക്കുകയായിരുന്നു. വിജയ് ബാബുവിനായി രാജ്യത്തെ എല്ലാ എയര്പോര്ട്ടുകളിലും പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരിക്കുകയാണ്. വിജയ് ബാബു വിദേശത്ത് നിന്ന് തിരിച്ചെത്തിയാല് ഉടന് പിടികൂടാനായാണ് ലുക്ക് ഔട്ട് സര്ക്കുലര് പുറപ്പെടുവിച്ചിരിക്കുന്നത്.
വിദേശത്തുനിന്ന് തിരിച്ചുവരുന്നില്ലെങ്കില് മറ്റു നടപടികളിലേക്ക് കടക്കാനും പൊലീസ് ആലോചിക്കുന്നുണ്ട്. എന്നാല് നിലവില് ഇന്റര്പോളിന്റെ സഹായമൊന്നും വേണ്ടിവരുമെന്ന് തോന്നുന്നില്ലെന്നും ആവശ്യമെങ്കില് അത്തരം സഹായം തേടാമെന്നും കൊച്ചി സിറ്റി പൊലീസ് കമ്മീഷണര് എന് നാഗരാജു പറഞ്ഞു. കഴിഞ്ഞ മാര്ച്ച് 13 മുതല് ഒരു മാസം വിജയ് ബാബു തന്നെ കൊച്ചിയിലെ ഫ്ലാറ്റിലും ആഢംബര ഹോട്ടലിലും പാര്പ്പിച്ച് അതിക്രൂരമായി ബലാത്സംഗം ചെയ്തെന്നായിരുന്നു നടിയായ പരാതിക്കാരിയുടെ പരാതി.
ലഹരി വസ്തുക്കള് നല്കി അര്ദ്ധബോധാവസ്ഥയിലാക്കിയാണ് തന്നെ വിജയ് ബാബു ബലാത്സംഗം ചെയ്തെതന്ന് യുവതി പറഞ്ഞിട്ടുണ്ട്. രക്ഷപ്പെടാന് ശ്രമിച്ചപ്പോള് സിനിമയില് കഥാപത്രങ്ങള് വാഗ്ദാനം ചെയ്തും നഗ്ന വീഡിയോ പുറത്ത് വിടുമെന്നും പറഞ്ഞ് ഭീഷണിപ്പെടുത്തിയെന്നും നടി പറയുന്നു. ബലാത്സംഗം, ദേഹോപദ്രവം ഏല്പ്പിക്കല് അടക്കമുള്ള വകുപ്പുകള് ചുമത്തിയാണ് വിജയ് ബാബുവിനെതിരായ കേസെടുത്തിരിക്കുന്നത്. ഇത് കൂടാതെ ഫേസ്ബുക്ക് ലൈവിലൂടെ പരാതിക്കാരിയുടെ പേര് വെളിപ്പെടുത്തിയതിന് മറ്റൊരു കേസും വിജയ് ബാബുവിനെതിരെയുണ്ട്.
ആറ്റിറ്റിയൂഡ്... ആറ്റിറ്റിയൂഡ്; പ്രിയാമണിയുടെ പുത്തന് ചിത്രങ്ങള് കണ്ടോ
Recommended Video