Click it and Unblock the Notifications
Just In
Don't Miss
-
കൃത്യമായ ധാരണയുണ്ടോ, എന്നാൽ ഈ ഓഹരി വാങ്ങാം, നേട്ടം 26 ശതമാനം വരെ -
നിഗൂഢതകളൊളിപ്പിച്ച മുനിയറ, കേരളത്തിന്റെ കാശ്മീര്.. മലയോര നാടിൻറെ വശ്യത നേരിട്ടറിയാം.. പാക്കേജ് -
'അടിതെറ്റി സിബിനും, മാപ്പ് പറഞ്ഞു; പുറത്തുവരുന്ന അവസാന രണ്ട് പേരില് ജാസ്മിനുമുണ്ടാകും' -
ആവശ്യക്കാർ തേടിപ്പിടിച്ചെത്തുന്ന 2 BSNL പ്ലാനുകൾ; രണ്ടും സ്പെഷലിസ്റ്റുകളാണ്, രണ്ട് കാര്യങ്ങളിൽ! -
മെയ് മാസം നിങ്ങളുടെ പോക്കറ്റിന് ലാഭവുമായി ചേതക്, ഇവി ലാഭകരം തന്നെ കേട്ടോ -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്
ദിലീപിന്റെ മാനേജർ അപ്പുണ്ണി നിലമ്പൂരിൽ!പോലീസ് പിന്നാലെ...ഉടൻ വലയിലാകും!മലപ്പുറത്ത് വൻ പോലീസ് പട...
നിലമ്പൂർ നാടുകാണി ചുരത്തിന് സമീപം തമിഴ്നാട് അതിർത്തിയോട് ചേർന്ന ദേവാലയിൽ അപ്പുണ്ണിയെ കണ്ടതായി പോലീസിന് നേരത്തെ വിവരം ലഭിച്ചിരുന്നു.
മലപ്പുറം/കൊച്ചി: നടിയെ ആക്രമിച്ച കേസിൽ ഒളിവിൽ കഴിയുന്ന ദിലീപിന്റെ മാനേജർ അപ്പുണ്ണിയെക്കുറിച്ച് പോലീസിന് രഹസ്യവിവരം ലഭിച്ചതായി സൂചന. സുനിൽ രാജ് എന്ന അപ്പുണ്ണി നിലമ്പൂരിനടുത്തെ രഹസ്യ കേന്ദ്രത്തിൽ ഒളിവിൽ കഴിയുന്നതായാണ് വിവരം.
നിലമ്പൂർ നാടുകാണി ചുരത്തിന് സമീപം തമിഴ്നാട് അതിർത്തിയോട് ചേർന്ന ദേവാലയിൽ അപ്പുണ്ണിയെ കണ്ടതായി പോലീസിന് നേരത്തെ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ നിലമ്പൂരിലും പരിസര പ്രദേശങ്ങളിലും മലപ്പുറം പോലീസ് കനത്ത നിരീക്ഷണമേർപ്പെടുത്തിയിരുന്നു. രണ്ടു ദിവസമായി മലപ്പുറം പോലീസിന്റെ നേതൃത്വത്തിൽ ദേവാലയിലും അന്വേഷണം നടന്നുവരികയാണ്. അപ്പുണ്ണി പിടിയിലായാൽ നടിയെ ആക്രമിച്ച കേസുമായി ബന്ധപ്പെട്ട നിർണ്ണായക തെളിവുകൾ ലഭിക്കുമെന്നാണ് പ്രതീക്ഷ.
നിലമ്പൂരിൽ...
ദിലീപിന്റെ മാനേജർ അപ്പുണ്ണി നിലമ്പൂരിലും പരിസര പ്രദേശങ്ങളിലുമായാണ് ഒളിവിൽ കഴിയുന്നതെന്നാണ് പോലീസിന് ലഭിച്ചിരിക്കുന്ന വിവരം.
ദേവാലയിൽ...
ദിവസങ്ങൾക്ക് മുൻപ് അപ്പുണ്ണിയെ തമിഴ്നാട് അതിർത്തിയോട് ചേർന്ന ദേവാലയിൽ കണ്ടതായും പോലീസിന് വിവരം ലഭിച്ചിരുന്നു.
പോലീസ് നിലമ്പൂരിൽ...
അപ്പുണ്ണി നിലമ്പൂരിലുണ്ടെന്ന വിവരം ലഭിച്ചതോടെ മലപ്പുറം പോലീസിന്റെ നേതൃത്വത്തിൽ നിലമ്പൂരിലും ദേവാലയിലും കനത്ത നിരീക്ഷണമേർപ്പെടുത്തിയിരുന്നു.
അന്വേഷണ സംഘവും...
നടിയെ ആക്രമിച്ച കേസ് അന്വേഷിക്കുന്ന സംഘത്തിലെ ചില പോലീസ് ഉദ്യോഗസ്ഥരും നിലമ്പൂരിലെത്തിയിട്ടുണ്ട്. മലപ്പുറം പോലീസിന്റെ പ്രത്യേക സംഘവും നിലമ്പൂരിൽ തമ്പടിക്കുന്നുണ്ടെന്നാണ് റിപ്പോർട്ട്.
അപ്പുണ്ണിയെ കിട്ടിയാൽ...
നടിയെ ആക്രമിക്കപ്പെട്ട സംഭവത്തിലെ ഗൂഢാലോചനയിൽ പ്രധാന പങ്കാളിയാണ് അപ്പുണ്ണി. ഇയാളെ പിടികൂടാനായാൽ ഗൂഢാലോചനയുമായി ബന്ധപ്പെട്ട എല്ലാ കാര്യങ്ങളും അറിയാനാകുമെന്നാണ് പോലീസ് പ്രതീക്ഷിക്കുന്നത്.
ഉടൻ പിടികൂടും?
അപ്പുണ്ണി നിലമ്പൂരിലുണ്ടെന്ന വിവരം ലഭിച്ചതോടെ പോലീസ് നിരീക്ഷണം ശക്തമാക്കിയിട്ടുണ്ട്. അപ്പുണ്ണിയെ ഉടൻ പിടികൂടുമെന്നാണ് സൂചന.
സിനിമാ ലൊക്കേഷൻ...
ദിലീപിന്റെ മാനേജർ അപ്പുണ്ണി ഒളിവിൽ കഴിയുന്ന ദേവാല പ്രധാനപ്പെട്ട സിനിമാ ലൊക്കേഷനാണ്. മലയാളത്തിലെ പല സിനിമകളും ഇവിടെ ചിത്രീകരിച്ചിട്ടുണ്ട്. സിനിമാ മേഖലയുമായി ബന്ധപ്പെട്ട പലരും ഊട്ടിയോട് ചേർന്ന പ്രദേശമായ ദേവാലയിൽ താമസിക്കുന്നുണ്ട്.
കാവ്യയെ ചോദ്യം ചെയ്തു...
നടിയെ ആക്രമിച്ച കേസുമായി ബന്ധപ്പെട്ട് ദിലീപിന്റെ ഭാര്യ കാവ്യാ മാധവനെ പോലീസ് കഴിഞ്ഞ ദിവസം രാത്രി ചോദ്യം ചെയ്തിരുന്നു. എഡിജിപി ബി സന്ധ്യയുടെ നേതൃത്വത്തിൽ നടന്ന ചോദ്യം ചെയ്യൽ ആറു മണിക്കൂറോളം നീണ്ടുനിന്നിരുന്നു.
