Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഹിമ ശങ്കര്‍ ശീമാട്ടിക്ക് പോലീസിന്റെ അപമാനം
കൊല്ലം: നാടക പ്രവര്‍ത്തക ഹിമ ശങ്കര്‍ ശീമാട്ടിയേയും സുഹൃത്തിനേയും പോലീസിലെ 'സദാചാരപോലീസുകാര്‍' അപമാനിച്ചു. രാത്രി നാടക ക്യാമ്പിലേക്ക് ബൈക്കില്‍ പോകവെ കൊല്ലത്ത് വച്ചാണ് ഇവരെ പോലീസ് പിടികൂടിയത്. ഒരു രാത്രി മുഴുവന്‍ പോലീസ് സ്റ്റേഷനില് പാര്‍പ്പിക്കുകയും ചെയ്തു.
ഹിമ ശങ്കര്‍ ശീമാട്ടിയും സുഹൃത്ത് ശ്രീറാം രമേശുമാണ് പോലീസിന്റെ സദാചാര വേട്ടയില്‍ പെട്ടുപോയത്. ശ്രീറാമും നാടക പ്രവര്‍ത്തകനാണ്. രാത്രി തന്നെ ശ്രീറാമിന്റെ വീട്ടുകാര്‍ സ്റ്റേഷനിലെത്തി കാര്യങ്ങള്‍ വിശദീകരിച്ചെങ്കിലും രണ്ട് പേരേയും വിട്ടയക്കാന്‍ പോലീസുകാര്‍ തയ്യാറായില്ല.
രണ്ട് തവണയാണത്രെ രാത്രിയില്‍ പോലീസ് പരിശോധനയുണ്ടായത്. ആദ്യത്തെ തവണ പോലീസുകാരില്‍ നിന്ന് വളരെ മോശം സമീപനമാണ് ഉണ്ടായതെന്നാണ് ഹിമ പറയുന്നത്. പിന്നീട് ചിന്നക്കടയിലെത്തിയപ്പോഴാണ് രണ്ട് പേരേയും പിടിച്ച് ജീപ്പില്‍ കയറ്റി സ്റ്റേഷനിലേക്ക് കൊണ്ടുപോയത്.
പോലീസ് സ്റ്റേഷനില് വച്ച് സുഹൃത്തിനോട് സംസാരിക്കാന്‍ പോലും അനുവദിച്ചില്ലെന്ന് ഹിമ പറയുന്നു. രാവിലെ എസ്‌ഐ എത്തിയപ്പോള്‍ കേസെടുക്കാതെ രണ്ട് പേരേയും വിട്ടയക്കുകയും ചെയ്തു. എങ്കില്‍ പിന്നെ എന്തിനാണ് സ്റ്റേഷനില് കൊണ്ടുപോയതെന്നാണ് ഹിമ ഉന്നയിക്കുന്ന ചോദ്യം.
രൂപേഷ് പോളിന്റെ സിനിമക്കുവേണ്ടി ഹിമ ശങ്കര്‍ പോസ് ചെയ്ത ചിത്രം അടുത്തിടെയാണ് വലിയ വിവാദം സൃഷ്ടിച്ചത്. സോഷ്യല്‍ മീഡിയകളിലും ഹിമയെ സദാചാര പോലീസുകാര്‍ ആക്രമിച്ചിരുന്നു.
