ഭര്ത്താവിനൊപ്പം നഗരത്തിലെത്തിയ നാല്പ്പത്തിരണ്ടുകാരി കാമുകനോടൊപ്പം മുങ്ങി; പൊലീസ് അന്വേഷണം മലപ്പുറത്തേക്ക്
കാഞ്ഞങ്ങാട്: ഭര്ത്താവിനൊപ്പം നഗരത്തിലെത്തിയ നാല്പ്പത്തിരണ്ടുകാരി കാമുകനോടൊപ്പം മുങ്ങി. ഇതുസംബന്ധിച്ച് ഭര്ത്താവിന്റെ പരാതിയില് കേസെടുത്ത പൊലീസ് ഇരുവരെയും കണ്ടെത്താന് അന്വേഷണം ആരംഭിച്ചു. കോടോത്തെ ഗംഗാധരന്റെ ഭാര്യ പ്രഭയാണ്(42) മലപ്പുറം സ്വദേശിയായ സുരേഷിനോടൊപ്പം നാടുവിട്ടത്.
കഴിഞ്ഞദിവസം രാവിലെ കാഞ്ഞങ്ങാട് നഗരത്തില് നിന്ന് വീട്ടിലേക്കുള്ള സാധനങ്ങള് വാങ്ങാന് ഗംഗാധരനൊപ്പം വന്നതായിരുന്നു പ്രഭ. ഇതിനിടെ ഉടന് വരാമെന്ന് ഭര്ത്താവിനോട് പറഞ്ഞ് പോയ പ്രഭ പിന്നീട് തിരിച്ചുവന്നില്ല. ഗംഗാധരന് മൊബൈല്ഫോണില് ബന്ധപ്പെട്ടപ്പോള് സ്വിച്ച് ഓഫ് ചെയ്ത നിലയിലായിരുന്നു. പ്രഭയെക്കുറിച്ച് യാതൊരു വിവരവും ലഭിക്കാതിരുന്നതിനെ തുടര്ന്ന് ഗംഗാധരന് അമ്പലത്തറ പൊലീസില് പരാതി നല്കുകയായിരുന്നു.
പൊലീസ് സൈബര്സെല്ലിന്റെ സഹായത്തോടെ നടത്തിയ അന്വേഷണത്തില് പ്രഭയുടെ മൊബൈല്ഫോണ് മലപ്പുറം ടവര് പരിധിയിലാണെന്ന് മനസിലായി. തുടര്ന്ന് നടത്തിയ അന്വേഷണത്തിലാണ് പ്രഭ സുരേഷിനോടൊപ്പം നാടുവിട്ടതാണെന്ന് വ്യക്തമായത്. മിസ്ഡ് കോളിലൂടെയാണ് പ്രഭയും സുരേഷും പരിചയപ്പെട്ടത്.