Click it and Unblock the Notifications
Just In
Don't Miss
-
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്‍; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
ടിപി കേസ്:പിണറായിയെ കുടുക്കാന്‍ പോലീസ് സമ്മര്‍ദ്ദം
കോഴിക്കോട്:ടിപി ചന്ദ്രശേഖരന്‍ വധക്കേസില്‍ പിണറായി വിജയെ ഉള്‍പ്പെടുത്താന്‍ പോലീസ് സമ്മര്‍ദ്ദം ചെലുത്തിയെന്ന് വെളിപ്പെടുത്തല്‍. കേസില്‍ കുറ്റ വിമുക്തനാക്കപ്പെട്ട സിപിഎം കോഴിക്കോട് ജില്ലാ സെക്രട്ടേറിയറ്റ് അഗം പി മോഹനന്‍ മാസ്റ്ററാണ് ഇക്കാര്യം വെളിപ്പെടുത്തിയത്.
കേസില്‍ പിണറായി വിജയനേയും എളമരം കരീമിനേയും ഉള്‍പ്പെടുത്താനായിരുന്നു അന്വേഷണ സംഘം സമ്മര്‍ദ്ദം ചെലുത്തിയതെന്ന് മോഹനനന്‍ മാസ്റ്റര്‍ പറഞ്ഞു. ഇങ്ങനെ ചെയ്താല്‍ തന്റെ മേല്‍ ആരോപിക്കപ്പെട്ട കുറ്റം ലഘൂകരിക്കാമെന്നായിരുന്നത്രെ അന്വേഷണ സംഘത്തിന്റെ വാദ്ഗാനം.
ഇതുകൂടാതെ, കൊലപാതകത്തിലും ഗൂഢാലോചനയിലും പാര്‍ട്ടി കമ്മിറ്റികള്‍ക്ക് പങ്കുണ്ടെന്ന് കൂടി പറയണമെന്നും പോലീസ് ആവശ്യപ്പെട്ടതായി മോഹനന്‍ മാസ്റ്റര്‍ പറയുന്നു. കോഴിക്കോട് വാര്‍ത്ത സമ്മേളനം വിളിച്ചായിരുന്നു മോഹനന്‍ മാസ്റ്ററുടെ വെളിപ്പെടുത്തല്‍.
എന്നാല്‍ ഇങ്ങനെ ഒരു സംഭവം ഉണ്ടായിട്ട് മോഹനന്‍ മാസ്റ്റര്‍ ഇത്രനാളും പുറത്തുപറയാതിരുന്നത് എന്തുകൊണ്ടെന്നും ചോദ്യം ഉയരുന്നു. കേസില്‍ വിചാരണ തടവുകാരനായിരിക്കെ ഭാര്യയും എംഎല്‍എയുമായ കെകെ ലതിക പല തവണ അദ്ദേഹത്തെ ജയിലിലും കോടതിയും ഒക്കെ സന്ദര്‍ശിച്ചതായിരുന്നു.
ഇത്ര നാളും ഇങ്ങനെ ഒരു സംഭവം പറയാതിരുന്ന മോഹനന്‍ മാസ്റ്റര്‍ ഇപ്പോള്‍ ഇങ്ങനെ ഒരു ആരോപണവുമായി രംഗത്തെത്തുന്നത് രാഷ്ട്രീയ തന്ത്രമാണെന്നാണ് വിലയിരുത്തപ്പെടുന്നത്. ടിപി ചന്ദ്രശേഖരനെ വധിക്കാനുള്ള ഗൂഢാലോചന സംബന്ധിച്ച് സിബിഐ അന്വേഷണത്തിന് കളമൊരുങ്ങുന്നതിനെ പ്രതിരോധിക്കാണ് നീക്കമെന്നും സംശയിക്കപ്പെടുന്നുണ്ട്.
