കൊച്ചിയില് യുവതി ആക്രമിക്കപ്പെട്ടു!! സ്വകാര്യ ഭാഗങ്ങളില് മുറിവ്!! പോലീസിനെതിരേ ഭര്ത്താവ്....
ജൂലൈ 28നാണ് സംഭവം നടന്നത്
കൊച്ചി: യുവതി ക്രൂരമായി അക്രമിക്കപ്പെട്ട സംഭവത്തില് പോലീസിനെതിരേ ഭര്ത്താവ് രംഗത്ത്. സംഭവം നടന്നു മൂന്നാഴ്ച പിന്നിട്ടിട്ടും പോലീസ് കേസെടുക്കാന് തയ്യാറായിട്ടില്ലെന്ന് പത്തനംതിട്ട സ്വദേശിയായ ഭര്ത്താവ് അഡ്വ പ്രശാന്ത് വി കുറുപ്പ് ആരോപിച്ചു. ഇതേ കുറിച്ച് പ്രശാന്ത് ഐജിക്ക് പരാതി നല്കിയതായി മനോരമ ന്യൂസ് റിപ്പോര്ട്ടില് പറയുന്നു.
പോലീസിന്റെ ഭാഷ്യം
സംഭവത്തില് യുവതിക്കു പരാതിയില്ലെന്നും അതിനാലാണ് കേസെടുക്കാത്തതെന്നുമാണ് പോലീസിന്റെ ഭാഷ്യമത്രേ. ഇതേ തുടര്ന്നാണ് ഭര്ത്താവ് രംഗത്തു വന്നത്.
അക്രമികളെ സംരക്ഷിക്കുന്നു
അക്രമികളെ സംരക്ഷിക്കുന്ന നിലപാടാണ് മരട് പോലീസിന്റേത്. യുവതിയുടെ ജീവന് അപകടത്തിലാണെന്നും പ്രശാന്ത് നല്കിയ പരാതിയില് ചൂണ്ടിക്കാട്ടുന്നു.
സംഭവം നടന്നത്
ജൂലൈ 28ന് രാത്രി 12 മണിക്കാണ് യുവതിയെ ഗുരുതര പരിക്കുകളോടെ വൈറ്റിലയിലെ ആശുപത്രിയില് പ്രവേശിപ്പിച്ചത്. ആശുപത്രിയില് യുവതിയെ എത്തിച്ചയാള് ഭര്ത്താവ് എന്ന കോളത്തിലാണ് അന്ന് ഒപ്പിട്ടത്.
സ്വകാര്യ ഭാഗങ്ങളില് മുറിവ്
യുവതിയുടെ സ്വകാര്യ ഭാഗങ്ങളില് മുറിവേറ്റതായും ബലമായി മദ്യം കുടിപ്പിച്ചതിന്റെ സൂചനയായ കവിളുകളില് ചതവും പരിശോധനയില് കണ്ടെത്തിയിരുന്നു.
മൊഴിയെടുത്തു
സംഭവത്തിനു ശേഷം പോലീസ് യുവതിയുടെ മൊഴി രേഖപ്പെടുത്തിയിരുന്നു. എന്നാല് എഫ്ഐആര് രജിസ്റ്റര് ചെയ്തിരുന്നില്ല.
പിരിഞ്ഞ് താമസിക്കുന്നു
പ്രശാന്തും പീഡനത്തിന് ഇരയായ യുവതിയും കഴിഞ്ഞ നാലു വര്ഷമായി പിരിഞ്ഞ് താമസിക്കുകയാണ്. കൊച്ചിയില് സ്വകാര്യ സ്ഥാപനത്തിലാണ് യുവതി ജോലി ചെയ്യുന്നത്.
ആക്രമിച്ചത് ഒപ്പമുള്ളവര്
ഒപ്പം താമസിക്കുന്നവരാണ് യുവതിയെ ആക്രമിച്ചതെന്നാണ് പ്രശാന്ത് സംശയിക്കുന്നത്. ഇതേക്കുറിച്ച് മരട് പോലീസിനെ അറിയിച്ചെങ്കിലും എഫ്ഐആര് രജിസ്റ്റര് ചെയ്തില്ലെന്ന് ഭര്ത്താവ് ആരോപിച്ചു.