മാഹിക്കെതിരായ പരാമര്ശം; സിപിഎമ്മിന്റെ പരാതിയില് പിസി ജോര്ജിനെതിരെ കേസ്
കസബ: മാഹിയെ കുറിച്ചുള്ള വിവാദ പരാമര്ശത്തില് ബി ജെ പി നേതാവ് പി സി ജോര്ജിനെതിരെ പൊലീസ് കേസ്. മാഹി സി പി എം ലോക്കല് കമ്മറ്റി സെക്രട്ടറി നല്കിയ പരാതിയില് കോഴിക്കോട് കസബ പൊലീസാണ് പി സി ജോര്ജിനെതിരെ കേസെടുത്തിരിക്കുന്നത്. 14 വര്ഷം മുന്പ് മാഹി വേശ്യകളുടെയും തെമ്മാടികളുടെയും കേന്ദ്രമായിരുന്നു എന്നായിരുന്നു പി സി ജോര്ജ് പറഞ്ഞത്.
ഗുണ്ടകളും റൗഡികളും തെമ്മാടികളും കൂത്താടിയിരുന്ന സ്ഥലമായിരുന്നു മാഹി എന്നും അദ്ദേഹം പറഞ്ഞിരുന്നു. എന് ഡി എ സ്ഥാനാര്ത്ഥി എം ടി രമേശിന്റെ തെരഞ്ഞെടുപ്പ് കണ്വെന്ഷന് ഉദ്ഘാടനം ചെയ്ത് സംസാരിക്കവെ ആയിരുന്നു പിസിയുടെ വിവാദ പരാമര്ശം. എന്നാല് പ്രസംഗം വിവാദമായതിന് പിന്നാലെ വിശദീകരണവും ഖേദപ്രകടനവുമായി പി സി ജോര്ജ് രംഗത്തെത്തിയിരുന്നു.
മാഹി ഇപ്പോള് കൂടുതല് സുന്ദരമായി എന്ന് മാത്രമാണ് താന് ഉദ്ദേശിച്ചതെന്നായിരുന്നു അദ്ദേഹത്തിന്റെ പ്രതികരണം. ആര്ക്കെങ്കിലും മാനസിക വിഷമം ഉണ്ടായിട്ടുണ്ടെങ്കില് അതില് ഖേദം പ്രകടിപ്പിക്കുന്നുവെന്ന് പി സി ജോര്ജ് പറഞ്ഞിരുന്നു. ബി ജെ പിയും പി സി ജോര്ജിനെ തള്ളിപ്പറഞ്ഞിരുന്നു. ജോര്ജിന്റെ പരാമര്ശങ്ങള് അത്യന്തം അപലപനീയവും ഖേദകരവുമാണെന്നാണ് ബി ജെ പി മാഹി മേഖല കമ്മിറ്റി പ്രസിഡന്റ് സി ദിനേശന് പറഞ്ഞത്.
പി സി ജോര്ജ് ബി ജെ പിയുടെ വക്താവല്ല എന്നും സാംസ്കാരിക പൈതൃകവും സാമൂഹിക ഔന്നത്യവുമുള്ള ഒരു പരിഷ്കൃത ജനതയെ എവിടെനിന്നോ കിട്ടിയ തെറ്റായ വിവരത്തിന്റെ അടിസ്ഥാനത്തില് അടച്ചാക്ഷേപിച്ചതിനെ തികഞ്ഞ അവജ്ഞയോടെ തള്ളിക്കളയുന്നു എന്നുമായിരുന്നു ബി ജെ പി മാഹി മേഖല കമ്മിറ്റി പുറത്തിറക്കിയ പ്രസ്താവനയില് പറഞ്ഞത്.
മാഹിയെയും മാഹിക്കാരെയും അറിയാതെ, ബൈപാസ് വന്നപ്പോഴാണ് മാഹി സുരക്ഷിതമായതെന്നും മാഹിയില് റൗഡികളും വേശ്യകളുമാണ് അധിവസിച്ചിരുന്നതെന്നും പറഞ്ഞ പി സി ജോര്ജ് മാപ്പുപറയണമെന്ന് സി പി എമ്മും ആവശ്യപ്പെട്ടിരുന്നു. പി സി ജോര്ജിനെതിരെ നിയമ നടപടിയടുക്കണം എന്നാവശ്യപ്പെട്ട് മഹിള കോണ്ഗ്രസും പ്രതിഷേധവുമായി രംഗത്തെത്തിയിരുന്നു.
മാസങ്ങള്ക്ക് മുന്പാണ് ജനപക്ഷം എന്ന തന്റെ സ്വന്തം പാര്ട്ടി പി സി ജോര്ജ് ബി ജെ പിയില് ലയിപ്പിച്ചത്. പത്തനംതിട്ടയില് പി സി ജോര്ജ് സ്ഥാനാര്ത്ഥിയാകും എന്ന് പ്രതീക്ഷിച്ചിരുന്നെങ്കിലും അവസാന നിമിഷം അനില് ആന്റണിക്ക് നറുക്ക് വീഴുകയായിരുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google