ബിജിമോള് എംഎല്എയുടെ ഭര്ത്താവിനെതിരെ വഞ്ചനാ കുറ്റത്തിന് കേസ്
ഇടുക്കി; പീരുമേട് എംഎല്എ ബിജി മോളുടെ ഭര്ത്താവിനെതിരേ വഞ്ചനാ കുറ്റത്തിന് പൊലീസ് കേസെടുത്തു. 2016ല് തിരഞ്ഞെടുപ്പ് ചിലവിലേക്കായി വാങ്ങിയ 15 ലക്ഷം രൂപ തിരികെ നല്കിയില്ലെന്ന പരാതിയിലാണ് കേസ്. കോടതി ഉത്തരവിനെ തുടര്ന്നാണ് പൊലീസ് നടപടി.
ഉപ്പുതറ കോതപാറ കപ്പാലും മൂട്ടില് കെഎം ജോണ് ആണ് ബിജിനോളുടെ ഭര്ത്താവ് പികെ റജിക്കെതിരെ കോടതിയെ സമീപിച്ചത്. റെജിയുടെ ഏലപ്പാറയിലെ സ്ഥാപനത്തില് വന്നതോടെ ജോണിന്റെ പേരിലുള്ള ഭൂമി റജിയുടെ നിര്ദേശപ്രകാരം ഏലപ്പാറ ഗ്രാമീണ ബാങ്കില് പണയപ്പെടുത്തി. പണം ബാങ്കില് തന്നെ നിക്ഷേപിച്ചു. പിന്നീട് തന്റെ അറിവും സമ്മതവുമില്ലാതെ പികെ റജി വ്യജ ഒപ്പിട്ട് പണം പിന്വലിച്ചതായാണ് ജോണിന്റെ പരാതി. പണം തിരികെ നല്കാമെന്ന് ഉറപ്പ് നല്കിയെങ്കിലും അതുണ്ടായില്ലെന്നും പരാതിയില് പറയുന്നു.
Recommended Video
ബാങ്കില് നിന്ന് ജപ്തി നോട്ടീസ് ലഭിച്ചതിന് പിന്നാലെ ജിജിമോള് എംഎല്എയെ നേരിട്ട് പരാതി ഇറിയിച്ചിരുന്നു. എന്നാല് എംഎല്എ ഭീഷണിപ്പെടുത്തിയെന്നാണ് ജോണിന്റെ ആരോപണം. പാര്ട്ടിയിലെ ഉന്നത നേതൃത്വത്തിനും ജില്ല പൊലീസ് മേധാവിക്കും പരാതി നല്കിയെങ്കിലും തുടര് നടപടികള് ഉണ്ടായില്ല. ഇതേ തുടര്ന്നാണ് ജോണ് പീരുമേട് കോടതിയെ സമീപിച്ചത്.