കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അമ്മക്കെതിരെ കേസെടുക്കില്ലെന്ന് പോലീസ്

  • By Soorya Chandran
Google Oneindia Malayalam News

കൊല്ലം: മാതാ അമൃതാനന്ദമയിയുടെ മഠത്തിനെതിരെ കേസ് എടുക്കില്ലെന്ന് പോലീസ് വ്യക്തമാക്കി. വിഷയത്തില്‍ കേസ് രജിസ്റ്റര്‍ ചെയ്ത് അന്വേഷണം നടത്തേണ്ടതില്ലെന്ന് നിയമോപദേശം ലഭിച്ചതിന്റെ അടിസ്ഥാനത്തിലാണത്രെ പോലീസിന്റെ തീരുമാനം. ഇന്ത്യാവിഷനാണ് ഈ വാര്‍ത്ത റിപ്പോര്‍ട്ട് ചെയ്തത്.

കേസില്‍ പ്രാഥമിക അന്വേഷം മാത്രം മതി എന്നാണ് പോലീസിന്റെ നിലപാട് എഫ്‌ഐആര്‍ രജിസ്റ്റര്‍ ചെയ്യേണ്ടെന്നാണ് തീരുമാനം എന്നും കരുനാഗപ്പള്ളി പോലീസ് അറിയിച്ചു.

Amma Book

അമൃാതനന്ദമയിയുടെ സന്തത സഹചാരി ആയിരുന്ന ഗെയ്ല്‍ ട്രെഡ്വല്‍ എഴുതിയ പുസ്തകം വിവാദമായ സാഹചര്യത്തിലാണ് മഠത്തിനെതിരെ കേസ് എടുക്കണം എന്ന ആവശ്യം ഉയര്‍ന്നത് . സുപ്രീം കോടതി അഭിഭാഷകനായ ദീപക് പ്രകാശ് ആണ് കരുനാഗപ്പള്ളി പോലീസ് സ്‌റ്റേഷനില്‍ പരാതി നല്‍കിയിരുന്നത്.

പരാതിയില്‍ കേസെടുക്കും എന്നായിരുന്നു പോലീസ് ആദ്യദിവസം അറിയിച്ചത്. എന്നാല്‍ അടുത്ത ദിവസം തന്നെ നിലപാട് മാറ്റി. ഒരു പുസ്തകത്തിലെ വെളിപ്പെടുത്തലിന്റെ പേരില്‍ കേസെടുക്കാനാവില്ലെന്നായിരുന്നു പോലീസിന്റെ നിലപാട്. പരാതിക്കാരനോട് കൂടുതല്‍ തെളിവുകള്‍ ഹാജരാക്കണം എന്നും പോലീസ് ആവശ്യപ്പെട്ടിരുന്നു.

പുസ്‌കതത്തിലെ വെളിപ്പെടുത്തലിന്റെ അടിസ്ഥാനത്തില്‍ മഠത്തിനെതിരെ കേസ് എടുക്കാത്തത് സുപ്രീം കോടതി വിധിയുടെ ലംഘനമാണെന്ന് ദീപക് പ്രകാശ് പരാതിയില്‍ ചൂണ്ടിക്കാട്ടിയിരുന്നു. ബലാത്സംഗം പോലുള്ള സംഭവങ്ങള്‍ നടന്നതായി അറിഞ്ഞാല്‍ പോലും സര്‍ക്കാര്‍ കേസെടുത്ത് അന്വേഷിക്കണം എന്നാണ് ചട്ടമെന്ന് നിയമ വിദഗ്ധര്‍ പറയുന്നു.

English summary
Police will not take case against Amruthanadamayi Math
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X