കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അല്‍പം ശ്രദ്ധിച്ചാല്‍ ഒഴിവാക്കാം ഈ അപകടങ്ങള്‍...

  • By Desk
Google Oneindia Malayalam News

കണ്ണൂര്‍: ജനങ്ങള്‍ക്ക് ബോധവല്‍ക്കരണവും മുന്നറിയിപ്പും നല്‍കുന്നതാണ് കണ്ണൂര്‍ ജില്ല ഫയര്‍ ആന്റ് റെസ്‌ക്യൂ വകുപ്പ് കലക്ടറേറ്റ് മൈതാനിയില്‍ ഒരുക്കിയ പ്രദര്‍ശനം. സര്‍ക്കാറിന്റെ രണ്ടാം വാര്‍ഷികാഘോഷത്തിന്റെ ഭാഗമായി സംഘടിപ്പിച്ച 'പൊന്‍കതിര്‍' മെഗാ എക്സിബിഷനിലാണ് വകുപ്പ് പ്രദര്‍ശനം ഒരുക്കിയിരിക്കുന്നത്. ഓരോ അപടകടങ്ങളില്‍ നിന്നും എങ്ങനെ രക്ഷപ്പെടാമെന്നും അവ എങ്ങനെ ഒഴിവാക്കാമെന്നും പ്രദര്‍ശനത്തില്‍ വിവരിക്കുന്നു. വകുപ്പ് നല്‍കുന്ന സേനവങ്ങളെക്കുറിച്ചുള്ള അറിയിപ്പും പ്രദര്‍ശനത്തിലൂടെ നല്‍കുന്നു.

ഫയര്‍ ആന്റ് റെസ്‌ക്യൂവിലെ ഓരോ ഉപകരണങ്ങളും അവയുടെ ഉപയോഗവും വ്യക്തമാക്കുന്ന പ്രദര്‍ശനം നിത്യ ജീവിതത്തില്‍ നാം നേരിടേണ്ടി വരുന്ന അപകട സാഹചര്യങ്ങളെക്കുറിച്ച് വിവരിക്കുന്നു. പ്രദര്‍ശനം ഏറെ ഉപകാരപ്രദമാണെന്ന് കാഴ്ചക്കാരും സാക്ഷ്യപ്പെടുത്തുന്നു. പാചക വാതക അപകടങ്ങള്‍ പതിവായിരിക്കുന്ന ഇക്കാലത്ത് അവ എങ്ങനെ സുരക്ഷിതമായി കൈകര്യം ചെയ്യണമെന്നും അപകടം നടന്നാല്‍ എന്തൊക്കെ കാര്യങ്ങള്‍ ശ്രദ്ധിക്കണമെന്നുള്ള ബോധവല്‍ക്കരണവും വകുപ്പ് പ്രദര്‍ശനത്തിലൂടെ നല്‍കുന്നുണ്ട്.

safety

രക്ഷാ പ്രവര്‍ത്തന സമയത്ത് ധരിക്കുന്ന വസ്ത്രങ്ങളുടെയും ഉപകരണങ്ങളുടെയും മാതൃകയും പ്രദര്‍ശനത്തില്‍ കാണാം. വകുപ്പ് നിലവില്‍ വന്നത് മുതല്‍ ഓരോ ഘട്ടത്തിലും ഉപയോഗിച്ച ഹെല്‍മറ്റുകളും പ്രദര്‍ശനത്തിലുണ്ട്. ചാര്‍ട്ടുകളിലൂടെയും ലഘുലേഖകളിലൂടെയും വളരെ ലളിതമായ രീതിയിലാണ് വകുപ്പ് ബോധവല്‍ക്കരണം നല്‍കുന്നത്. ഒരു സ്റ്റഷന് മാത്രം ചുമതല നല്‍കിയാല്‍ അടിയന്തിരഘട്ടങ്ങളില്‍ പ്രശ്നം നേരിടും എന്നതിനാല്‍ ജില്ലയിലെ എല്ലാ ഫയര്‍ ആന്റ് റെസ്‌ക്യൂ സ്റ്റഷനുകള്‍ക്കും ഓരോ ദിവസം വീതമാണ് പ്രദര്‍ശന സ്റ്റാളിന്റെ ചുമതല നല്‍കിയിരിക്കുന്നത്.

വകുപ്പ് നടത്തിയ രക്ഷാ പ്രവര്‍ത്തനങ്ങളുടെ ഫോട്ടോകളും സ്റ്റാളില്‍ പ്രദര്‍ശിപ്പിച്ചിട്ടുണ്ട്. വകുപ്പ് നല്‍കുന്ന സേവനങ്ങള്‍, അഗ്‌നിബാധ, കിണര്‍ അപകടം, ജലാശയ അപകടങ്ങള്‍, റോഡപകടങ്ങള്‍ എന്നിവ ഉണ്ടായാല്‍ ശ്രദ്ധിക്കേണ്ട കാര്യങ്ങള്‍, വൈദ്യുതി, പടക്കങ്ങള്‍ ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങള്‍ തുടങ്ങിയവയും പ്രദര്‍ശനത്തിനുണ്ട്.

കേരള മന്ത്രിസഭയുടെ രണ്ടാം വാര്‍ഷികാഘോഷങ്ങള്‍ മുഖ്യമന്ത്രി പിണറായി വിജയനാണ് ഉദ്ഘാടനം ചെയ്തത്. കണ്ണൂര്‍ കലക്ട്രേറ്റ് മൈതാനിയില്‍ നടക്കുന്ന പൊന്‍കതിര്‍ പ്രദര്‍ശന വിപണനമേള ആരോഗ്യമന്ത്രി കെ.കെ ശൈലജ ടീച്ചര്‍ ഉദ്ഘാടനം ചെയ്തു. ചടങ്ങില്‍ തുറമുഖ വകുപ്പ് മന്ത്രി രാമചന്ദ്രന്‍ കടന്നപ്പള്ളി അധ്യക്ഷനായി. പൊന്‍കതിര്‍ വേദിയില്‍ ഇന്ന് വൈകീട്ട് 7 മണിക്ക് മോയിന്‍കുട്ടി വൈദ്യര്‍ മാപ്പിളകലാ അക്കാദമി അവതരിപ്പിക്കുന്ന ഇശലിരമ്പം മാപ്പിളപ്പാട്ട് മെഗാഷോ അരങ്ങേറും.

English summary
Stall by Fire and rescue department pulls crowd in Ponkathir mega exhibition held as part of State-level second anniversary celebrations of the Kerala state ministry at collectorate ground Kannur
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X