സംസ്ഥാനത്ത് വൈദ്യുതി നിയന്ത്രണത്തിന് സാധ്യത; മൂലമറ്റത്തും കൂടംകുളത്തും വൈദ്യുതോല്‍പാദനം കുറച്ചു

മൂന്ന് ജനറേറ്ററുകളുടെ പ്രവര്‍ത്തനം നിര്‍ത്തിയതോടെ മൂലമറ്റത്തെ ഉല്‍പാദനം പകുതിയായി കുറഞ്ഞു

By Akshay

Updated: Sunday, November 27, 2016, 11:20 [IST]

ഇടുക്കി: സംസ്ഥാനത്ത് വൈദ്യുതി നിയന്ത്രണത്തിന് സാധ്യതയെന്ന് റിപ്പോര്‍ട്ട്. മൂലമറ്റത്തും കൂടംകുളത്തും വൈദ്യുതോല്‍പാദനം കുറച്ചതോടെയാണ് സംസ്ഥാനത്ത് ഇങ്ങനെ ഒരു ആശങ്ക വര്‍ധിച്ച് വരുന്നത്. കൂടംകുളത്തുനിന്ന് ലഭിച്ചിരുന്ന വൈദ്യുതിയില്‍ 120 മെഗാവാട്ടിന്റെ കുറവാണുള്ളത്. പുറത്തുനിന്ന് കൂടുതല്‍ വൈദ്യുതിവാങ്ങി പ്രതിസന്ധി തരണംചെയ്യാനാണ് സര്‍ക്കാരിന്റെ ശ്രമം എന്നാണ് റിപ്പോര്‍ട്ട്.

മൂന്ന് ജനറേറ്ററുകളുടെ പ്രവര്‍ത്തനം നിര്‍ത്തിയതോടെ മൂലമറ്റത്തെ ഉല്‍പാദനം പകുതിയായി കുറഞ്ഞു. ഇടുക്കി അണക്കെട്ടിലെ പവര്‍ ഹൗസിലെ ടര്‍ബൈനിലേക്ക് വെള്ളം എത്തിക്കുന്ന പ്രധാന ഇന്‍ലറ്റ് വാല്‍വില്‍ ചോര്‍ച്ചയുണ്ടായതിനെത്തുടര്‍ന്നാണ് മൂലമറ്റം പവര്‍ഹൗസിലെ മൂന്ന് ജനറേറ്ററുകളുടെ പ്രവര്‍ത്തനം നിര്‍ത്തിയത്.

രണ്ട് ജനറേറ്റര്‍

രണ്ട് ജനറേറ്ററുകള്‍ മാത്രം പ്രവര്‍ത്തിക്കുന്ന അവസ്ഥയില്‍ ഉല്‍പാദനം 15 ലക്ഷം യൂണിറ്റായി ചുരുങ്ങും.

ഉത്പാദിപ്പിച്ചു

വെള്ളിയാഴ്ച ചോര്‍ച്ചകണ്ടെത്തുന്നതിന് മുന്‍പ് മുപ്പത് ലക്ഷം യൂണിറ്റ് ഉല്‍പാദിപ്പിച്ചിരുന്നു.

കുറവ്

ഇടുക്കിയിലെ പ്രതിസന്ധിക്ക് പുറമേയാണ് കൂടംകുളത്തുനിന്ന് ലഭിച്ചിരുന്ന 266 മെഗാവാട്ട് വൈദ്യുതിയില്‍ 120 മെഗാവാട്ടിന്റെ കുറവുവന്നത്. ആറുകോടി അറുപതുലക്ഷം യൂണിറ്റാണ് കേരളത്തിലെ പ്രതിദിന വൈദ്യുതി ഉപഭോഗം.