കരുതല് ഡോസ് വാക്സിന് ആരംഭിച്ചു; കൂടുതല് സ്വീകരിച്ചത് തിരുവനന്തപുരത്ത്, കണക്കുകള് ഇങ്ങനെ
തിരുവനന്തപുരം: രാജ്യത്താകമാനം മുതിര്ന്നവര്ക്കും ആരോഗ്യപ്രവര്ത്തകര്ക്കും ഇന്ന് മുതല് കരുതല് വാക്സിന് ആരംഭിച്ചു. സംസ്ഥാനത്ത് മൊത്തം 30,895 പേര്ക്ക് ആദ്യ ദിനം കരുതല് ഡോസ് കൊവിഡ് വാക്സിന് നല്കിയതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. 19,549 ആരോഗ്യ പ്രവര്ത്തകര്, 2635 കൊവിഡ് മുന്നണി പോരാളികള്, 8711 അറുപത് വയസ് കഴിഞ്ഞ അനുബന്ധ രോഗമുള്ളവര് എന്നിവര്ക്കാണ് കരുതല് ഡോസ് നല്കിയതെന്നും മന്ത്രി അറിയിച്ചു.
തിരുവനന്തപുരം ജില്ലയാണ് ഏറ്റവുമധികം പേര്ക്ക് കരുതല് ഡോസ് നല്കിയത്. തിരുവനന്തപുരം 6,455, കൊല്ലം 3,184, പത്തനംതിട്ട 1,731, ആലപ്പുഴ 1,742, കോട്ടയം 1,701, ഇടുക്കി 719, എറണാകുളം 2,855, തൃശൂര് 5,327, പാലക്കാട് 922, മലപ്പുറം 841, കോഴിക്കോട് 2,184, വയനാട് 896, കണ്ണൂര് 1,461, കാസര്ഗോഡ് 877 എന്നിങ്ങനേയാണ് കരുതല് ഡോസ് നല്കിയത്.
സംസ്ഥാനത്ത് ഇതുവരെ 15നും 18നും ഇടയ്ക്ക് പ്രായമുള്ള മൂന്നിലൊന്നിലധികം കുട്ടികള്ക്ക് (35 ശതമാനം) വാക്സിന് നല്കാനായെന്നും ആകെ 5,36,582 കുട്ടികള്ക്കാണ് കൊവിഡ് വാക്സിന് നല്കിയതെന്നും ആരോഗ്യമന്ത്രി പറഞ്ഞു. ഇന്ന് 51,766 കുട്ടികള്ക്കാണ് വാക്സിന് നല്കിയത്. തിരുവനന്തപുരം 1,721, കൊല്ലം 2,762, പത്തനംതിട്ട 2,214, ആലപ്പുഴ 1,789, കോട്ടയം 5,179, ഇടുക്കി 3,588, എറണാകുളം 4,456, തൃശൂര് 1,138, പാലക്കാട് 9,018, മലപ്പുറം 7,695, കോഴിക്കോട് 5,157, വയനാട് 2,064, കണ്ണൂര് 4,808, കാസര്ഗോഡ് 177 എന്നിങ്ങനേയാണ് കുട്ടികളുടെ വാക്സിനേഷന്. ഇന്ന് ആകെ 2,10,835 പേരാണ് എല്ലാ വിഭാഗത്തിലുമായി വാക്സിന് സ്വീകരിച്ചതെന്നും ആരോഗ്യമന്ത്രി വ്യക്തമാക്കി.
അതേസമയം കേരളത്തില് ഇന്ന് 5797 പേര്ക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 19 കൂടി സ്ഥിരീകരിച്ചതോടെ ആകെ മരണം 49,757 ആയി. അതേ സമയം, ഇന്ന് 17 പേര്ക്ക് കൂടി ഒമൈക്രോണ് സ്ഥിരീകരിച്ചു.സംസ്ഥാനത്ത് ഇന്ന് കോവിഡ് ബാധിച്ച് ആശുപത്രിയില് പ്രവേശിപ്പിച്ചവരുടെ എണ്ണം 257 ആണ്. രോഗമുക്തി നേടിയവര് 2796. കഴിഞ്ഞ 24 മണിക്കൂറിനിടെ 45,691 സാമ്പിളുകള് പരിശോധിച്ചു. ഡബ്ല്യു.ഐ.പി.ആര്. പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങള് എന്നിങ്ങനെയാണ്.തിരുവനന്തപുരം 1486, എറണാകുളം 929, കോഴിക്കോട് 561, കോട്ടയം 447, തൃശൂര് 389, കണ്ണൂര് 319, കൊല്ലം 311, മലപ്പുറം 267, പത്തനംതിട്ട 266, ആലപ്പുഴ 264, പാലക്കാട് 222, ഇടുക്കി 153, കാസര്ഗോഡ് 116, വയനാട് 67 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ പത്തിന് മുകളിലുള്ള 5 തദ്ദേശ സ്വയംഭരണ പ്രദേശങ്ങളിലായി 6 വാര്ഡുകളാണുള്ളത്. ഇവിടെ കര്ശന നിയന്ത്രണമുണ്ടാകും.
രാജ്യത്തെ പ്രതിദിന കോവിഡ് കേസുകള് രണ്ട് ലക്ഷത്തോട് അടുക്കുന്നുവെന്നാണ് കേന്ദ്ര ആരോഗ്യ മന്ത്രാലയം പുറത്ത് വിട്ട കണക്കില് പറയുന്നത്. 109000 പേര്ക്കാണ് രാജ്യത്ത് ഒടുവില് കൊവിഡ് സ്ഥിരീകരിച്ചത്. ദില്ലിയില് 24 മണിക്കൂറിനിടെ 24000ത്തിലധികം പേര്ക്ക് കൊവിഡ് സ്ഥിരീകരിച്ചു. ഉത്തര്പ്രദേശിലും ടെസ്റ്റ് പൊസിറ്റിവിറ്റി നിരക്കില് രണ്ട് ശതമാനം വര്ധനയുണ്ടായി. അതിനിടെ, കോവാക്സിന്റെ ബൂസ്റ്റര് ഡോസിന് ദീര്ഘകാലം പ്രതിരോധം നല്കാന് കഴിയുമെന്ന് ഭാരത് ബയോട്ടെക് അവകാശപ്പെട്ടു. മറ്റ് പാര്ശ്വഫലങ്ങള് ഒന്നും കണ്ടെത്തിയില്ല എന്നും ഭാരത് ബയോട്ടെക് പുറത്തിറക്കിയ പ്രസ്താവനയില് പറഞ്ഞു. കൂടുതല് നിയന്ത്രണങ്ങള് വിവിധ സംസ്ഥാനങ്ങളില് ഏര്പ്പെടുത്തി കഴിഞ്ഞു.
തമിഴ്നാട്ടില് വാരാന്ത്യ ലോക്ഡൗണ് ആരംഭിച്ചു. കൊവിഡ് കേസുകള് കുതിച്ചുയരുന്ന സാഹചര്യത്തിലാണ് മറ്റ് നിയന്ത്രണങ്ങള്ക്കൊപ്പം ഞായറാഴ്ച ലോക്ഡൗണ് പ്രഖ്യാപിച്ചത്. അവശ്യ സര്വീസുകള്ക്ക് മാത്രമാണ് അനുമതി. പൊതു ഗതാഗത സംവിധാനങ്ങളും സര്ക്കാര്, സ്വകാര്യ സ്ഥാപനങ്ങളും പ്രവര്ത്തിക്കില്ല. ലോക്ഡൗണ് ലംഘിച്ച് പുറത്തിറങ്ങുന്നവരുടെ വാഹനങ്ങള് പിടിച്ചെടുക്കുമെന്നും കേസെടുക്കുമെന്നും പൊലീസ് അറിയിച്ചു. തമിഴ്നാട്ടില് പ്രതിദിന രോഗബാധിതരുടെ എണ്ണം പതിനായിരം കടന്നു. ചെന്നൈയില് മാത്രം 5098 പേര്ക്ക് രോഗം കണ്ടെത്തി.
Click it and Unblock the Notifications
Sign in with Google