കേരളത്തെ നടുക്കി വീണ്ടും പനി മരണം! വടകരയിൽ എച്ച്1എൻ1 ബാധിച്ച് ഗർഭിണി മരിച്ചു...
ഏഴുമാസം ഗർഭിണിയായിരുന്ന നിഷ കടുത്ത പനിയെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലായിരുന്നു.
കോഴിക്കോട്: സംസ്ഥാനത്ത് പനിമരണങ്ങൾ തുടരുന്നു. വടകരയിൽ എച്ച് 1 എൻ 1 ബാധിച്ച് ഗർഭിണിയായ യുവതി മരിച്ചു. വടകര മടപ്പള്ളി പൂതംകുനിയിൽ നിഷ(34)യാണ് കോഴിക്കോട് മെഡിക്കൽ കോളേജ് ആശുപത്രിയിൽ വെച്ച് മരണപ്പെട്ടത്.
ബാറുകൾക്ക് വിട! ബിജു രമേശ് മദ്യക്കച്ചവടത്തിൽ നിന്നും പിന്മാറുന്നു, കാരണം ഞെട്ടിക്കുന്നത്...
കൊച്ചി മെട്രോ ഉദ്ഘാടനം;മൊബൈലുകൾക്കും കാൽനട യാത്രക്കാർക്കും വിലക്ക്!കർശന സുരക്ഷ,ഗതാഗത നിയന്ത്രണം
ഏഴുമാസം ഗർഭിണിയായിരുന്ന നിഷ കടുത്ത പനിയെ തുടർന്ന് കോഴിക്കോട്ടെ സ്വകാര്യ ആശുപത്രിയിൽ ചികിത്സയിലായിരുന്നു. സ്വകാര്യ ആശുപത്രിയിൽ നടത്തിയ പരിശോധനയിൽ എച്ച് 1 എൻ 1 ആണെന്ന് സ്ഥിരീകരിച്ചതോടെയാണ് നിഷയെ മെഡിക്കൽ കോളേജിൽ പ്രവേശിപ്പിച്ചത്.
കോഴിക്കോട് മെഡിക്കൽ കോളേജിൽ ചികിത്സയിലിരിക്കെ ജൂൺ 16 വെള്ളിയാഴ്ച അർദ്ധരാത്രിയാണ് നിഷ മരണപ്പെടുന്നത്. കോഴിക്കോട് ജില്ലയിൽ പനി നിയന്ത്രണാതീതമായി പടർന്നു പിടിക്കുകയാണ്. വടകര ഭാഗത്ത് എച്ച് 1 എൻ 1 ബാധിച്ചുമരിക്കുന്ന രണ്ടാമത്തെയാളാണ് നിഷ.
ദിവസങ്ങൾക്ക് മുൻപാണ് വടകരയിൽ ഒരാൾ എച്ച് 1 എൻ 1 ബാധിച്ച് മരണപ്പെട്ടത്. ഇതിനു പിന്നാലെ മറ്റൊരാൾ കൂടി എച്ച് 1 എൻ 1 ബാധിച്ച് മരിച്ചതോടെ നാട്ടുകാർ ആശങ്കയിലാണ്. രണ്ട് ദിവസങ്ങൾക്കിടെ രണ്ട് പനിമരണങ്ങളുണ്ടായതിനെ തുടർന്ന് ആരോഗ്യ വകുപ്പ് അധികൃതരും ജാഗ്രത പുലർത്തുന്നുണ്ട്. പനി പടരുന്ന ജില്ലയിലെ മലയോര മേഖലകളായ കൂരാച്ചുണ്ട്, പുതുപ്പാടി തുടങ്ങിയ സ്ഥലങ്ങളിലും ആരോഗ്യവകുപ്പ് പ്രതിരോധ പ്രവർത്തനങ്ങൾ ഊർജ്ജിതമാക്കിയിട്ടുണ്ട്.