സിനിമ അപ് ലോഡ് ചെയ്യാന് വീട്ടില് കമ്പ്യൂട്ടറില്ല; അറസ്റ്റ് ചെയ്ത വിദ്യാര്ത്ഥിയുടെ അമ്മ
കൊല്ലം: പ്രേമം സിനിമ ഇന്റര്നെറ്റില് അപ് ലോഡ് ചെയതുവെന്ന് ആരോപിച്ച് പ്ലസ് ടു വിദ്യാര്ത്ഥികളെ അറസ്റ്റ് ചെയ്ത സംഭവത്തില് പോലീസിനെതിരേ കുട്ടിയുടെ അമ്മ രംഗത്ത്.
പ്രേമം സിനിമ അപ് ലോഡ് ചെയ്യാന് വീട്ടില് കമ്പ്യൂട്ടറോ ഫോണോ ഇല്ലെന്നും കുട്ടിയുടെ അമ്മ പറഞ്ഞു.സിനിമ കണ്ടു എന്ന തെറ്റേ മകന് ചെയ്തിട്ടുള്ളൂ.പ്രദേശത്തെ ഒരു പാട് പേരുടെ മൊബൈലില് സിനിമ എത്തിയിട്ടുണ്ട്. മകന് ആരുടെയോ കൈയില് നിന്ന് കിട്ടിയതാണെന്നും കുട്ടിയുടെ അമ്മ പറഞ്ഞു.
സെന്സര് കോപ്പി എവിടെ നിന്നാണ് പോയതെന്നല്ലേ കണ്ടുപിടിക്കേണ്ടത്? അല്ലാതെ കുട്ടികളെ അറസ്റ്റ് ചെയ്തിട്ട് എന്ത് പ്രയോജനം എന്നും കുട്ടിയുടെ അമ്മ ചോദിച്ചു.
വ്യാജ കോപ്പി ഇന്റര്നെറ്റില് അപ് ലോഡ് ചെയ്തുവെന്ന് ആരോപിച്ച് കൊല്ലം സ്വദേശികളായ മൂന്ന് വിദ്യാര്ത്ഥികളെ രാവിലെയാണ് പോലീസ് അറസ്റ്റ് ചെയ്തത്.ജൂണ് 22നാണ് ചിത്രം ഇന്റര്നെറ്റില് അപ്ലോഡ് ചെയ്തത്.സംശയത്തെ തുടര്ന്ന് കഴിഞ്ഞ കുറേ ദിവസങ്ങളായി വിദ്യാര്ഥികളെ പൊലീസ് നിരീക്ഷിച്ചു വരികയായിരുന്നു.