സ്വകാര്യ ബസ് സമരം പിന്വലിച്ചു; ആവശ്യങ്ങള് പരിഗണിക്കുന്നു, നിരക്ക് കൂട്ടിയേക്കും
കൊച്ചി: നവംബര് ഒന്നുമുതല് നടത്താനിരുന്ന സ്വകാര്യ ബസ് സമരം പിന്വലിച്ചു. ഗതാഗത മന്ത്രി എകെ ശശീന്ദ്രനുമായി ബസ് ഉടമകള് നടത്തിയ ചര്ച്ചയിലാണ് തീരുമാനം. ബസ് ഉടമകളുടെ ആവശ്യം അനുഭാവപൂര്വം പരിഗണിക്കാമെന്ന് മന്ത്രി ഉറപ്പ് നല്കി.
നിരക്ക് വര്ധന ഉള്പ്പെടെയുള്ള ആവശ്യങ്ങളാണ് ബസ് ഉടമകള് മുന്നോട്ട് വച്ചിരിക്കുന്നത്. ഇക്കാര്യങ്ങള് പഠിക്കാന് ജസ്റ്റിസ് രാമചന്ദ്രന് കമ്മീഷനെ ചുമതലപ്പെടുത്തി. ഒരുമാസത്തിനകം റിപ്പോര്ട്ട് നല്കാന് ആവശ്യപ്പെട്ടിട്ടുണ്ട്. നിരക്ക് വര്ധിപ്പിച്ചേക്കുമെന്നാണ് സൂചന.
കുറഞ്ഞ നിരക്ക് എട്ട് രൂപയില് നിന്ന് പത്ത് രൂപയാക്കണമെന്നാണ് ബസ് ഉടമകളുടെ ആവശ്യം. വാഹന നികുതിയില് ഇളവ് നല്കണമെന്നാണ് ഉടമകളുടെ മുന്നോട്ട് വയ്ക്കുന്ന പ്രധാന ആവശ്യം. അല്ലെങ്കില് ബസ് ചാര്ജ് വര്ധിപ്പിക്കണം. മിനിമം ചാര്ജ് വര്ധിപ്പിക്കണം. മിനിമം ചാര്ജില് യാത്ര ചെയ്യാന് സാധിക്കുന്ന ദൂരപരിധി 2.5 കിലോമീറ്ററാക്കണം. വിദ്യാര്ഥികളുടെ നിരക്ക് അഞ്ച് രൂപയാക്കണം എന്നിവയാണ് ബസ് ഉടമകളുടെ ആവശ്യങ്ങള്.
ആവശ്യങ്ങള് നടപ്പാക്കാന് സാധിക്കില്ലെങ്കില് ഡീസല് വിലയില് പ്രത്യേക ഇളവ് നല്കണമെന്നും ഉടമകള് ആവശ്യപ്പെട്ടു. മാത്രമല്ല, വാഹന നികുതിയില് നിന്ന് പൂര്ണമായും ഒഴിവാക്കണമെന്നും അവര് ആവശ്യപ്പെട്ടിട്ടുണ്ട്.
അതേസമയം, വാഹന നികുതി അടയ്ക്കാനുള്ള കാലാവധി നീട്ടിനല്കി. ബസിന്റെ കാലാവധി 15ല് നിന്ന് 20 വര്ഷമാക്കിയാണ് നീട്ടിയത്. ബസ് ഉടമകളുമായി ഇനിയും ചര്ച്ച നടത്തും. അന്വേഷണ കമ്മീഷന്റെ റിപ്പോര്ട്ട് ലഭിച്ച ശേഷം തുടര് നടപടികള് സ്വീകരിക്കുമെന്നാണ് വിവരം.