Click it and Unblock the Notifications
Just In
Don't Miss
-
IPL 2024: സഞ്ജുവിന്റെ തന്ത്രം പാളിയേനെ, ആ മണ്ടത്തരം മുംബൈ മുതലാക്കി! രക്ഷിച്ചത് സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
റൂബെല്ല വാക്‌സിന്‍ നല്ലതിന്, മുസ്ലീം പള്ളികളില്‍ ഖത്തീബുമാരുടെ ആഹ്വാനം! ഇനിയാരും മുഖംതിരിക്കില്ല...
മീസില്‍സ് റൂബെല്ല(എംആര്‍) വാക്‌സിനെതിരെ പ്രചരണം വ്യാപകമായതിനെ തുടര്‍ന്നാണ് ആരോഗ്യ വകുപ്പ് പള്ളിക്കമ്മിറ്റികളുടെ സഹായം തേടിയത്.
കോഴിക്കോട്: റൂബെല്ല വാക്‌സിന്‍ പ്രതിരോധ കുത്തിവെയ്പിന് പള്ളിക്കമ്മിറ്റികളുടെ പിന്തുണ തേടി ആരോഗ്യവകുപ്പ്. ഇതിന്റെ ഭാഗമായി കോഴിക്കോട്, മലപ്പുറം ജില്ലകളിലെ മുസ്ലീം പള്ളികളില്‍ ജുമുഅ പ്രാര്‍ത്ഥനയ്ക്കിടെ ഖത്തീബുമാര്‍ കുത്തിവെയ്‌പെടുക്കാന്‍ ആഹ്വാനം നല്‍കി. മീസില്‍സ് റൂബെല്ല(എംആര്‍) വാക്‌സിനെതിരെ പ്രചരണം വ്യാപകമായതിനെ തുടര്‍ന്നാണ് ആരോഗ്യ വകുപ്പ് പള്ളിക്കമ്മിറ്റികളുടെ സഹായം തേടിയത്.
വെള്ളിയാഴ്ച ജുമുഅ നമസ്‌ക്കാരത്തോട് അനുബന്ധിച്ചുള്ള പ്രാര്‍ത്ഥനയ്ക്കിടെ കുട്ടികള്‍ക്ക് പ്രതിരോധ കുത്തിവെയ്പ് എടുക്കേണ്ടതിനെക്കുറിച്ച് ബോധവല്‍ക്കരണം നല്‍കാനാണ് ആരോഗ്യ വകുപ്പ് ആവശ്യപ്പെട്ടത്. ഇപ്രകാരം മലപ്പുറം, കോഴിക്കോട് ജില്ലകളിലെ മിക്ക പള്ളികളിലും എംആര്‍ വാക്‌സിന്റെ പ്രാധാന്യത്തെക്കുറിച്ച് ഖത്തീബുമാര്‍ വിശദീകരണം നല്‍കി. കുട്ടികള്‍ക്ക് പ്രതിരോധ കുത്തിവെയ്പ് എടുക്കണമെന്നും ഖത്തീബുമാര്‍ നിര്‍ദേശിച്ചു. പ്രതിരോധ കുത്തിവെയ്പില്‍ ഏറ്റവും പിന്നിലുള്ള ജില്ലകളാണ് കോഴിക്കോടും മലപ്പുറവും. പ്രതിരോധ കുത്തിവെയ്പിനെതിരെ ഒരു വിഭാഗം വ്യാജ പ്രചരണം അഴിച്ചുവിടുന്നതാണ് മുസ്ലീം സമുദായത്തിനിടയില്‍ കുത്തിവെയ്പ് എടുക്കുന്നവരുടെ എണ്ണം കുറയാന്‍ കാരണം.
ഖത്തീബുമാര്‍....
മുസ്ലീം സമുദായം പ്രതിരോധ കുത്തിവെയ്പിനോട് മുഖം തിരിഞ്ഞുനില്‍ക്കുന്നുവെന്ന ആക്ഷേപത്തിനിടെയാണ് പള്ളിക്കമ്മിറ്റികളുമായി ചേര്‍ന്ന് ആരോഗ്യവകുപ്പ് ബോധവല്‍ക്കരണ പരിപാടികള്‍ ആസൂത്രണം ചെയ്തത്. ഇതിന്റെ ഭാഗമായാണ് പ്രതിരോധ കുത്തിവെയ്പിനെക്കുറിച്ച് വെള്ളിയാഴ്ച ജുമുഅ പ്രാര്‍ത്ഥനയ്ക്കിടെ ബോധവല്‍ക്കരണം നല്‍കാന്‍ ഖത്തീബുമാര്‍ക്ക് നിര്‍ദേശം നല്‍കിയത്. മലപ്പുറം, കോഴിക്കോട് ജില്ലകളിലെ മിക്ക മുസ്ലീം പള്ളികളിലും പ്രതിരോധ കുത്തിവെയ്പിന്റെ ആവശ്യകതയെക്കുറിച്ച് ഖത്തീബുമാര്‍ സംസാരിച്ചു.
കുത്തിവെയ്പ് എടുക്കണം...
അഞ്ചാം പനി പോലുള്ള മാരക രോഗങ്ങള്‍ സമൂഹത്തില്‍ നിന്ന് ഇല്ലായ്മ ചെയ്യാനാണ് പ്രതിരോധ കുത്തിവെയ്‌പെന്ന് ഖത്തീബുമാര്‍ പ്രസംഗത്തിനിടെ സൂചിപ്പിച്ചു. എല്ലാവരും കുട്ടികള്‍ക്ക് റൂബെല്ല വാക്‌സിന്‍ പ്രതിരോധ കുത്തിവെയ്‌പെടുക്കണമെന്നും, ഇതുമായി ബന്ധപ്പെട്ട് വ്യാജ പ്രചരണങ്ങള്‍ നടത്തരുതെന്നും ഖത്തീബുമാര്‍ നിര്‍ദേശം നല്‍കി. ഖത്തീബുമാരുടെ ആഹ്വാനത്തോടെ മുസ്ലീം സമുദായത്തിനിടയിലെ തെറ്റിദ്ധാരണ മാറ്റാന്‍ കഴിയുമെന്നാണ് ആരോഗ്യ വകുപ്പിന്റെ പ്രതീക്ഷ.
കുറവ്...
സംസ്ഥാനത്ത് ഏറ്റവും കുറവ് പേര്‍ പ്രതിരോധ കുത്തിവെയ്‌പെടുത്തത് കോഴിക്കോട്, മലപ്പുറം ജില്ലകളിലാണ്. ഈ ജില്ലകളില്‍ റൂബെല്ല വാക്‌സിനെതിരെ വ്യാജ പ്രചരണങ്ങള്‍ വ്യാപകമായി നടക്കുന്നുണ്ട്. മലപ്പുറം ജില്ലയില്‍ കുത്തിവെയ്പ് എടുത്തവരുടെ എണ്ണം 50 ശതമാനത്തിനും താഴെയാണ്. മുസ്ലീം സമുദായത്തിനിടയില്‍ പ്രതിരോധ കുത്തിവെയ്പിനെതിരെ വ്യാജ പ്രചരണം നടക്കുന്നുണ്ട്. ഇക്കാരണത്താലാണ് പലരും കുത്തിവെയ്‌പെടുക്കാന്‍ മടിക്കുന്നത്.
തടസപ്പെടുത്തി...
കോഴിക്കോട്ടെ ഒരു ഹൈസ്‌കൂളില്‍ ആരോഗ്യവകുപ്പ് സംഘടിപ്പിച്ച പ്രതിരോധ കുത്തിവെയ്പ് ക്യാമ്പയിന്‍ ഒരു വിഭാഗം രക്ഷിതാക്കള്‍ തടസപ്പെടുത്തുകയും ചെയ്തു. ഇസ്രായേലില്‍ നിന്നുള്ള മരുന്നാണ് കുട്ടികള്‍ക്ക് നല്‍കുന്നതെന്നും, കുത്തിവെയ്പ് എടുത്താല്‍ ഭാവിയില്‍ കുട്ടികളുണ്ടാകില്ലെന്നുമാണ് റൂബെല്ല വാക്‌സിനെതിരായ വ്യാജ പ്രചരണം. കുത്തിവെയ്‌പെടുത്താല്‍ കുട്ടികള്‍ക്ക് ഓട്ടിസം ബാധിക്കുമെന്നും ചിലര്‍ പ്രചരിക്കുന്നുണ്ട്.
അടുത്തുനിര്‍ത്താന്‍...
മുസ്ലീം സമുദായത്തിലെ വിവിധ സംഘടനകളുമായി ചേര്‍ന്ന് ഇത്തരം വ്യാജ പ്രചരണങ്ങളെ നേരിടാനാണ് ആരോഗ്യവകുപ്പ് തീരുമാനമെടുത്തിരിക്കുന്നത്. ആരോഗ്യവകുപ്പിന്റെ നിര്‍ദേശത്തോട് അനുകൂലമായാണ് മുസ്ലീം സംഘടനകളും പ്രതികരിച്ചത്. വിവിധ സമുദായ നേതാക്കളുടെ വീഡിയോ ദൃശ്യങ്ങളും ആരോഗ്യവകുപ്പിന്റെ ബോധവല്‍ക്കരണ പരിപാടികള്‍ക്കായി ഉപയോഗിക്കുന്നുണ്ട്.
