ടിജെ ജോസഫിന്റെ ഭാര്യ തൂങ്ങിമരിച്ച നിലയില്
തൊടുപുഴ: ചോദ്യപ്പേപ്പര് വിവാദത്തെ തുടര്ന്ന് അക്രമികള് കൈപ്പറ്റി വെട്ടിമാറ്റിയ തൊടുപുഴ ന്യൂമാന് കോളേജിലെ മുന് അധ്യാപകന് പ്രൊഫസര് ടി ജെ ജോസഫിന്റെ ഭാര്യയെ തൂങ്ങിമരിച്ച നിലയില് കണ്ടെത്തി. വീടിനുള്ളില് തൂങ്ങിമരിച്ച നിലയിലാണ് ടി ജെ ജോസഫിന്റെ ഭാര്യയായ സലോമിയെ കണ്ടത്തെിയത്. ആത്മഹത്യയെന്ന് സംശയിക്കപ്പെടുന്നു. മൃതദേഹം ആശുപത്രിയിലേക്ക് മാറ്റി.
2010 ജൂലൈയിലാണ് തൊടുപുഴ ന്യൂമാന് കോളജേിലെ മലയാളം അധ്യാപകനായ ടി ജെ ജോസഫിനെ മതവികാരം വ്രണപ്പെടുത്തി എന്നാരോപിച്ച് അക്രമികള് ക്രൂരമായി ആക്രമിച്ചത്. പി ടി കുഞ്ഞുമുഹമ്മദിന്റെ ഒരു ലേഖനത്തിലെ ഭ്രാന്തന് എന്ന കഥാപാത്രത്തിന് മുഹമ്മദ് എന്ന് പേര് നല്കിയതാണ് ഒരുവിഭാഗം വിശ്വാസികളെ പ്രകോപിപ്പിച്ചത്.
മതവികാരം വ്രണപ്പെടുത്തി എന്ന ആരോപണത്തില് ടി ജെ ജോസഫിന് ജോലിയും നഷ്ടമായിരുന്നു. കൈപ്പത്തി അറ്റ് ആശുപത്രിയില് കഴിയുന്നതിനിടെ കോളേജ് മാനേജ്മെന്റ് അധ്യാപകനെ പിരിച്ചുവിട്ടതും ഏറെ വിവാദങ്ങള് ഉണ്ടാക്കിയിരുന്നു. ആക്രമണം ഉണ്ടായപ്പോഴും ജോലി നഷ്ടപ്പെട്ടപ്പോഴുമെല്ലാം ടി ജെ ജോസഫിന് പിന്തുണയുമായി കൂടെ നിന്നിരുന്നു ഭാര്യ സലോമി.
കോളേജില് പരീക്ഷ കഴിഞ്ഞ് ആറ് മാസത്തിന് ശേഷമായിരുന്നു ടി ജെ ജോസഫിനെതിരെ ആക്രമണം ഉണ്ടായത്. പള്ളിയില് നിന്നും തിരിച്ചുവരുന്ന വഴിയാണ് അക്രമികള് ടി ജെ ജോസഫിന്റെ കൈ വെട്ടി മാറ്റിയത്. ചോദ്യപ്പേപ്പര് വിവാദത്തില് പ്രതിചേര്ക്കപ്പെട്ട ടി ജെ ജോസഫിനെ തൊടുപുഴ ചീഫ് ജൂഡീഷ്യല് മജിസ്ട്രേറ്റ് കോടതി കുറ്റവിമുക്തനാക്കിയിരുന്നു.