ടെലിവിഷന് താരം പ്രീതി ഉപയോഗിക്കുന്ന കാറില് പുകയില ഉത്പന്നങ്ങള്
തിരുവല്ല: റിയാലിറ്റി ഷോയിലൂടെയും ടെലിവിഷന് താരമായും തിളങ്ങിയ നടി പ്രീതി ഉപയോഗിക്കുന്ന കാറില് നിരോധിത പുകയില ഉത്പന്നങ്ങള് കണ്ടെത്തി. ജില്ലാ പോലീസ് മേധാവി എ. ശ്രീനിവാസിന് ലഭിച്ച രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് വാഹനത്തില് നിന്നും പതിനയ്യായിരം പായ്ക്കറ്റ് ഹാന്സ് പിടികൂടിയത്.
തൃശൂര് സ്വദേശിനിയായ പ്രീതി ഉപയോഗിക്കുന്ന ഹുണ്ടായ് എലന്ഡ്ര കാര് പോലീസ് കസ്റ്റഡിയിലെടുത്തിട്ടുണ്ട്. നടിയെ ഷൂട്ടിംഗിനയക്കുകയും കൊണ്ടുവരികയും ചെയ്യുന്ന കാറാണിത്. സംഭവവുമായി ബന്ധപ്പെട്ട് നടിയുടെ ഡ്രൈവര് തൃശൂര് കുറ്റിച്ചിറ മുരുങ്ങൂര്കര രഞ്ജിത് (24), കൃഷ്ണപറമ്പില് ഹരികൃഷ്ണന്(24), സഹോദരന് ജയകൃഷ്ണന് (22), എഴുമറ്റൂര് മതിരിപ്ലാക്കല് അഗസ്റ്റിന് (22) എന്നിവരെ അറസ്റ്റ് ചെയ്തു.
പത്തു
ചാക്കുകളിലായി
സൂക്ഷിച്ച
നിലയിലായിരുന്നു
പതിനയ്യായിരം
പായ്ക്കറ്റ്
ഹാന്സ്.
കാറിന്റെ
ഡിക്കിയില്
ഒളിപ്പിച്ച
നിലയില്
കണ്ടെത്തിയ
പുകയില
ഉത്പന്നങ്ങള്ക്ക്
ഏകദേശം
നലുലക്ഷം
രൂപ
വിലവരും.
കോയമ്പത്തൂരില്
നിന്നും
സാധനങ്ങള്
വാങ്ങി
തിരുവല്ലയില്
വില്ക്കുന്ന
സംഘമാണിവരെന്ന്
പോലീസ്
പറഞ്ഞു.
പിടിയിലായവരെ
പിന്നീട്
ജാമ്യത്തില്
വിട്ടയച്ചെങ്കിലും
കാര്
കോടതിയില്
ഹാജരാക്കുമെന്ന്
പോലീസ്
അറിയിച്ചു.
ഡ്രൈവറും കാറും സ്റ്റേഷനിലായ വിവരം അറിഞ്ഞ നടി പോലീസ് സ്റ്റേഷനിലെത്തിയിരുന്നു. കാര് തന്റെ പേരിലുള്ളതല്ലെന്നും ഭര്തൃ സഹോദരന് ഉപയോഗിക്കാന് തന്നതാണെന്നും പ്രീതി പോലീസിനെ അറിയിച്ചു. ആലുവ ആര്.ടി. ഓഫീസില് ബാബു എന്നയാളുടെ പേരിലാണ് കാര് രജിസ്റ്റര് ചെയ്തിരിക്കുന്നത്. ഇയാള്ക്കെതിരെ കേസെടുക്കുമെന്ന പോലീസ് പറഞ്ഞു.