ഇനിയയുടെ വീട്ടില് മോഷണം,പ്രതിശ്രുതവരന് പിടിയില്
തിരുവനന്തപുരം: ചലച്ചിത്ര നടി ഇനിയയുടെ വീട്ടില് മോഷണം നടത്തിയ സംഭവത്തില് സഹോദരിയുടെ പ്രതിശ്രുത വരന് അറസ്റ്റിില്. ഇനിയയുടെ സഹോദരിയുടെ വരനായ ഷെബിനും സുഹൃത്ത് സജിയുമാണ് അറസ്റ്റിലായത്. 10 പവനും അഞ്ച് ലക്ഷം രൂപയുമാണ് മോഷണം പോയത്.
തിരുവനന്തപുരം മരുതൂര്ക്കടവിലുള്ളടിസി 50/519(3) സോപാനം എന്ന വീട്ടിലാണ് മോഷണം നടന്നത്. ഇനിയയുടെ അച്ഛന് സലാഹുദ്ദീന് പൊലീസില് നല്കിയ പരാതിയിലാണ് മോഷ്ടാക്കള് അറസ്റ്റിലായത്.. കുടുംബാംഗങ്ങള് സിനിമയ്ക്ക് പോയ സമയത്തായിരുന്നു മോഷണം. കുടുംബവുമായി അടുപ്പമുള്ള ആരെങ്കിലുമാകും മോഷണത്തിന് പിന്നിലെന്ന് സംശയം ഉണ്ടായിരുന്നു.
മകളുടെ വിവാഹ നിശ്ചയത്തിന് വരന്റെ വീട്ടുകാര് നല്കിയ സ്വര്ണമാണ് നഷ്ടമായതെന്നാണ് ഇനിയയുടെ അച്ഛന് സലാഹുദ്ദീന് പൊലീസിനോട് പറഞ്ഞത്. സീരിയല് താരമായ സ്വാതി ഇനിയയുടെ സഹോദരിയാണ്. വീടിന്റെ മുന്വാതില് തുറക്കാതെ മോഷ്ടാവ് അകത്ത് കടന്നതിനെപ്പറ്റി പൊലീസ് സംശയം പ്രകടിപ്പിച്ചിരുന്നു