Click it and Unblock the Notifications
Just In
Don't Miss
-
സൂചിക ഇടിവ് തുടർന്നേക്കും, നേട്ടമുണ്ടാക്കണമെങ്കിൽ ഈ രണ്ട് ഓഹരി വാങ്ങാം, ബ്രോക്കറേജ് ശുപാർശ ഇതാണ് -
തുടരൻ ഹിറ്റുകൾ; മലയാള സിനിമ മാത്രമല്ല റിയൽമിയും മാസാണ്! നാർസോ 70x 5ജിയുടെ വില അങ്ങാടിപ്പാട്ട്! -
'സാരമില്ലാ... ഒരു നല്ല കാര്യത്തിന് വേണ്ടിയാണല്ലോ'; മൂന്ന് വർഷങ്ങൾ കൊണ്ടെടുത്ത തീരുമാനത്തെ കുറിച്ച് മാളവിക! -
IPL 2024: സഞ്ജു റിസ്കെടുക്കണം! അശ്വിന് ടീമില് വേണ്ട, ഈ കാരണങ്ങള്, പകരം ഈ താരം -
അവധിക്കാലം കുട്ടികള്ക്ക് ഉഷാറാക്കാന് സ്വീറ്റ് സോഫ്റ്റ് കേക്ക് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
സ്‌കൂള്‍ കായിക മേള, സര്‍ക്കാര്‍ നിലപാട് അപമാനകരമെന്ന് പി.ടി ഉഷ
കോഴിക്കോട്: സര്‍ക്കാര്‍ നിലപാടിനെതിരെ അത്‌ലറ്റിക് താരം പിടി ഉഷ രംഗത്ത്. ദേശീയ സ്‌കൂള്‍ കായിക മേള നടത്താനാവില്ലെന്ന സംസ്ഥാന സര്‍ക്കാരിന്റെ നിലപാട് ഒരു തരത്തിലും ന്യായീകരിക്കാന്‍ കഴിയില്ലെന്നാണ് പിടി ഉഷ പറഞ്ഞത്. നടത്തിപ്പില്‍ നിന്ന് സര്‍ക്കാര്‍ പിന്മാറിയ നടപടി നാണക്കേടാണെന്നും അവര്‍ വ്യക്തമാക്കി.
മേളയ്ക്ക് വലിയ ചെലവ് വരുമെന്ന സര്‍ക്കാര്‍ നിലപാട് ശരിയല്ല. കേരളം ഇതില്‍ നിന്നും പിന്മാറിയത് അപമാനകരമാണെന്നും പിടി ഉഷ പറഞ്ഞു. സംസ്ഥാനത്ത് അടിസ്ഥാന സൗകര്യങ്ങള്‍ ഉണ്ടെന്നുള്ള കാര്യം സര്‍ക്കാര്‍ മറക്കുന്നു. കോഴിക്കോട് എല്ലാ സൗകര്യങ്ങളുമുണ്ട്, കോഴിക്കോട്ട് സ്‌കൂള്‍ കായിക മേള നടത്തണമെന്നും പിടി ഉഷ പറഞ്ഞു.
കായിക താരങ്ങളുടെ ഭാവി സര്‍ക്കാര്‍ ഗൗരവത്തോടെ കാണണമെന്നും പിടി ഉഷ പറയുന്നു. ഈ വര്‍ഷത്തെ ഗെയിംസ് നടത്തേണ്ടിയിരുന്നത് മഹാരാഷ്ട്രയായിരുന്നു. എന്നാല്‍, ഇതില്‍ നിന്നും മഹാരാഷ്ട്ര സര്‍ക്കാര്‍ പിന്മാറിയതോടെയാണ് കേരളത്തിന് നറുക്കു വീണത്. അതേസമയം, ചെലവ് കൂടുതല്‍ വരുമെന്നതിനാല്‍ സംസ്ഥാന സര്‍ക്കാരും പിന്നോട്ടടിക്കുകയാണുണ്ടായത്.
നിയമസഭാ തിരഞ്ഞെടുപ്പും എസ്എസ്എല്‍സി പരീക്ഷയും അടുത്തു വരുന്നതിനാല്‍ ദേശീയ സ്‌കൂള്‍ കായിക മേള നടത്താനാവില്ലെന്ന് മന്ത്രിസഭാ യോഗം തീരുമാനിക്കുകയായിരുന്നു.
