ഏഴ് ജില്ലകള്ക്ക് നാളെ പൊതുഅവധി; സ്വകാര്യസ്ഥാപനങ്ങള്ക്കും അവധി ബാധകം.. ശമ്പളം കിട്ടും
തിരുവനന്തപുരം: നാളെ തിരുവനന്തപുരം മുതല് എറണാകുളം വരെയുള്ള ജില്ലകള്ക്ക് സമ്പൂര്ണ അവധി. തദ്ദേശ തിരഞ്ഞെടുപ്പിന്റെ ഒന്നാം ഘട്ട വോട്ടെടുപ്പ് നടക്കുന്നതിനാലാണ് ഇത്. തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, ആലപ്പുഴ, എറണാകുളം ജില്ലകളിലാണ് നാളെ വോട്ടെടുുപ്പ് നടക്കുന്നത്. അതിനാല് നാളെ ഈ ജില്ലകളില് പൊതു അവധിയായിരിക്കും എന്ന് സര്ക്കാര് അറിയിച്ചിട്ടുണ്ട്.
ഈ ഏഴ് ജില്ലകളിലേയും സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കും. കൂടാതെ വേതനത്തോട് കൂടി ജീവനക്കാര്ക്ക് നാളെ അവധി നല്കണം എന്ന് വാണിജ്യ സ്ഥാപനങ്ങളോടും നിര്ദേശിച്ചിട്ടുണ്ട്. ഡിസംബര് 11 ന് രണ്ടാ ഘട്ട വോട്ടെടുപ്പ് നടക്കുന്നതിനാല് തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളില് വ്യാഴാഴ്ച ആയിരിക്കും പൊതു അവധി.
ഈ ജില്ലകളിലും സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും വാണിജ്യ സ്ഥാപനങ്ങള്ക്കും അന്നേ ദിവസം പൊതു അവധിയായിരിക്കും. വോട്ടെടുപ്പ് നടക്കുന്ന ജില്ലയിലുള്ളവരും എന്നാല് അവധി പ്രഖ്യാപിച്ചിട്ടില്ലാത്ത ജില്ലയില് ജോലി ചെയ്യുന്നവരുമായ സര്ക്കാര് ജീവനക്കാര്ക്ക് പ്രത്യേക അവധി അനുവദിക്കാനും ഉത്തരവുണ്ട്. കാഷ്വല് ലീവ്, കമ്യൂട്ടഡ് ലീവ്, ആര്ജിതാവധി എന്നിവ ഒഴികെ സ്പാര്ക്കില് ലഭ്യമായ മറ്റേതെങ്കിലും തരം പ്രത്യേക അവധി ഇവര്ക്ക് തിരഞ്ഞെടുക്കാം.
ഇവര് വോട്ടര് പട്ടികയിലെ പേരിന്റെ തെളിവ് ഹാജരാക്കിയാണ് അവധിക്ക് അപേക്ഷിക്കേണ്ടത്്. ഐടി കമ്പനികള്, ഫാക്ടറികള്, കടകള്, മറ്റ് സ്വകാര്യ സ്ഥാപനങ്ങള് എന്നിവിടങ്ങളിലെല്ലാം പൊതു അവധി നിര്ദേശം കര്ശനമായി നടപ്പാക്കാന് ലേബര് കമീഷണര്ക്ക് സര്ക്കാര് നിര്ദേശം നല്കിയിട്ടുണ്ട്്. താമസസ്ഥലവും ജോലിസ്ഥലവും വെവ്വേറെ ജില്ലയിലായിരിക്കുന്ന ദിവസക്കൂലി/കാഷ്വല് തൊഴിലാളികളും ശമ്പളത്തോടെ അവധിക്ക് അര്ഹരാണ്.
വോട്ടെടുപ്പ് നടക്കുന്ന ഡിസംബര് 9, 11 തീയതികളില് അതത് ജില്ലകളില് പൊതു അവധിയും, നെഗോഷ്യബിള് ഇന്സ്ട്രുമെന്റ് ആക്ട് അനുസരിച്ചുള്ള അവധിയും അനുവദിക്കണമെന്ന് സംസ്ഥാന തിരഞ്ഞെടുപ്പ് കമ്മീഷന് നേരത്തെ നിര്ദ്ദേശം നല്കിയിരുന്നു. ഇതിന്റെ അടിസ്ഥാനത്തിലാണ് അവധി പ്രഖ്യാപിച്ച് സര്ക്കാര് കഴിഞ്ഞ ദിവസം ഉത്തരവിറക്കിയത്. രാവിലെ 7 മുതല് വൈകുന്നേരം 6 വരെയാണ് വോട്ടെടുപ്പ് നടക്കുന്നത്. ഡിസംബര് 13 നാണ് വോട്ടെണ്ണല്.
തിരുവനന്തപുരം മുതല് എറണാകുളം വരെ ഏഴു ജില്ലകളിലെ ത്രിതല പഞ്ചായത്തുകളും നഗരസഭകളും ഉള്പ്പടെ 595 തദ്ദേശ സ്ഥാപനങ്ങളിലായി 11,168 വാര്ഡുകളിലേയ്ക്കാണ് ആദ്യഘട്ടത്തില് വോട്ടെടുപ്പ് നടക്കുന്നത്. 36,630 സ്ഥാനാര്ഥികളാണ് ജനവിധി തേടുന്നത്. 1.32 കോടിയലധികം വോട്ടര്മാര്ക്കായി 15432 പോളിങ് സ്റ്റേഷനുകളാണ് ഒരുക്കിയിരിക്കുന്നത്.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google