വിഡി സതീശനെ വിടാതെ പിവി അൻവർ, പഴയ പച്ചത്തെറി സ്ക്രീൻഷോട്ടുമായി മറുപടി, വെല്ലുവിളിയും
മലപ്പുറം: പ്രതിപക്ഷ നേതാവ് വിഡി സതീശനെ വിടാതെ നിലമ്പൂർ എംഎൽഎ വിഡി സതീശൻ. പിവി അൻവർ നിയമസഭയിൽ എത്തുന്നില്ലെന്ന് ചൂണ്ടിക്കാട്ടി കഴിഞ്ഞ ദിവസം വിഡി സതീശൻ രൂക്ഷ വിമർശനം ഉയർത്തിയിരുന്നു. നിയമസഭയിൽ എത്തുന്നതിനേക്കാൾ പ്രധാനം ബിസിനസ്സ് ആണെങ്കിൽ പിവി അൻവർ എംഎൽഎ സ്ഥാനത്ത് നിന്ന് രാജി വെക്കുന്നതാണ് നല്ലത് എന്നാണ് വിഡി സതീശൻ തുറന്നടിച്ചത്.
പിന്നാലെ ഫേസ്ബുക്കിൽ മറുപടിയുമായി പിവി അൻവർ വീഡിയോ പോസ്റ്റ് ചെയ്തിരുന്നു. അത് പോരാതെ വിഡി സതീശൻ്റെ പേരിൽ നേരത്തെ ഫേസ്ബുക്കിൽ വന്ന തെറിക്കമന്റ് വിവാദം പിവി അൻവർ വീണ്ടും കുത്തിപ്പൊക്കിയിരിക്കുകയുമാണ്. വൈറലായ കമന്റിന്റെ സ്ക്രീൻഷോട്ടും പിവി അൻവർ പങ്കുവെച്ചിട്ടുണ്ട്.
പിവി അൻവറിന്റെ കുറിപ്പ്: ധാർമ്മികതയുടെ ആൾരൂപവും സംസ്ക്കാരത്തിന്റെ നിറകുടവും സ്വയം പ്രഖ്യാപിത നെന്മ മരവുമായ ബഹു.പ്രതിപക്ഷ നേതാവ് വി.ഡി.സതീശന്റെ വേരിഫൈഡ് ഒഫീഷ്യൽ പേജിൽ നിന്ന് പറവൂർ മണ്ഡലത്തിലെ ഒരു വോട്ടറെയും അദ്ദേഹത്തിന്റെ കുടുംബത്തെയും ആക്ഷേപിച്ച് കൊണ്ട് അനന്തനിർഗ്ഗളം പ്രവഹിച്ച സംസ്ക്കാരസമ്പന്നമായ കമന്റുകളുടെ സ്ക്രീൻഷോട്ടാണിത്. അടുത്ത ദിവസം തന്നെ അദ്ദേഹം പത്രപ്രവർത്തകരെ വിളിച്ച് കൂട്ടി "എന്റെ പേജ് ആരോ ഹാക്ക് ചെയ്തു.അവർക്കെതിരെ ആലുവ റൂറൽ എസ്.പിക്ക് പരാതി നൽകിയിട്ടുണ്ട് " എന്ന പ്രഖ്യാപനവും നടത്തുകയുണ്ടായി.
കാലം ഒരുപാട് കഴിഞ്ഞു. നിയുക്ത ധനകാര്യ വകുപ്പ് മന്ത്രിയുടെ കുപ്പായം തയ്പ്പിച്ചു വച്ചിരുന്ന അദ്ദേഹത്തെ കാലവും ജനങ്ങളും അദ്ദേഹത്തിനു സ്വന്തമായുള്ള അൽപ്പസ്വൽപം കുതികാൽ വെട്ടും ചേർന്ന് കേരളത്തിന്റെ പ്രതിപക്ഷ നേതാവാക്കി.എന്നിട്ടും..ഇന്നും ആ പരാതിക്ക് ഒരു പരിഹാരവുമുണ്ടായിട്ടില്ല. Now you are more powerfull..Mr. V D Satheesan.. സ്വന്തം പരാതിയിന്മേൽ പോലും ഒരു നടപടി സ്വീകരിപ്പിക്കാൻ കഴിയാത്ത താങ്കൾ എങ്ങനെ ജനങ്ങൾക്ക് വേണ്ടി പ്രതിപക്ഷ നിരയിൽ നിന്ന് ശബ്ദം ഉയർത്തും?
സ്വന്തം കാര്യം നേടിയെടുക്കാൻ കഴിയാത്ത താങ്കളുടെ കഴിവിനെ എങ്ങനെ ജനങ്ങൾ വിശ്വസിക്കും? ഒന്നുകിൽ ആ പരാതി വ്യാജമാണ്. അത് കൊണ്ട് തന്നെ താങ്കൾക്ക് അതിന്മേൽ നടപടി സ്വീകരിക്കണമെന്ന താൽപര്യമില്ല. അല്ലെങ്കിൽ, താങ്കൾ ഈ വിഷയത്തിന്മേൽ എന്നെ നടപടികൾ സഭയിൽ ആവശ്യപ്പെട്ടേനേം. ഈ സഭ കൂടുന്ന സമയത്ത് ഈ വിഷയത്തിൽ നടപടി ആവശ്യപ്പെട്ട് നിങ്ങൾ സബ്മിഷൻ ഉന്നയിക്കണം. അതിന് തയ്യാറുണ്ടോ? പരസ്യമായി തന്നെ താങ്കളെ വെല്ലുവിളിക്കുന്നു..
പി.വി.അൻവറിനെ ധാർമ്മികതയും സംസ്ക്കാരവും പഠിപ്പിക്കാനിറങ്ങും മുൻപ് അൽപ്പമെങ്കിലും ഉളുപ്പുണ്ടെങ്കിൽ താങ്കളുടെ ഈ പരാതി എന്തായി എന്ന് താങ്കൾ വെളിപ്പെടുത്തണം. അതിനൊക്കെ ശേഷം നമ്മൾക്ക് ഒന്നിച്ച് മറ്റുള്ളവർക്ക് സാംസ്ക്കാരിക/ധാർമ്മികത ക്ലാസ് കൊടുക്കാം. (ഈ സ്ക്രീൻഷോട്ട് പ്രസിദ്ധീകരിക്കേണ്ടി വന്നതിൽ ഖേദിക്കുന്നു. സംസ്ക്കാരസമ്പന്നതയുടെയും ധാർമ്മികതയുടെയും ആൾരൂപം ചമയുന്നവരുടെ പൊയ്മുഖം പുറത്തുവരേണ്ടതുണ്ട്. ഏവരും സദയം ക്ഷമിക്കുക)''
Recommended Video
കഴിഞ്ഞ ദിവസം വിഡി സതീശന് മറുപടിയുമായി പിവി അൻവർ ഫേസ്ബുക്കിൽ വീഡിയോ പോസ്റ്റ് ചെയ്തിരുന്നു. നിയമസഭയില് തന്നെ കാണാത്തതില് പ്രതിപക്ഷ നേതാവിന് വിഷമമുണ്ട് എന്നറിഞ്ഞതില് നല്ല സന്തോഷം തോന്നുന്നുവെന്ന് പിവി അൻവർ പരിഹസിച്ചു. സ്വന്തം ഗുരുവിനെ പ്രതിപക്ഷ നേതൃസ്ഥാനത്ത് നിന്ന് കുതികാല് വെട്ടി ഇരിക്കുന്ന സീറ്റിന് പിറകിലാക്കിയ വിഡി സതീശൻ തന്നെ ധാർമികത പഠിപ്പിക്കേണ്ടെന്നും പിവി അൻവർ തുറന്നടിച്ചു.
-
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു -
13000 രൂപയുടെ ഇടിവില് സ്വര്ണം.. വെള്ളിയ്ക്ക് കുറഞ്ഞത് 32000 രൂപ! അടുത്ത ആഴ്ചയിലും വില കുറയും?
Click it and Unblock the Notifications
Sign in with Google