മുന് ഡിജിപി ആര് ശ്രീലേഖ ബിജെപിയില്; സെന്കുമാറിനും ജേക്കബ് തോമസിനും പിന്ഗാമി
തിരുവനന്തപുരം: മുന് ഡിജിപി ആര് ശ്രീലേഖ ബിജെപിയില്. നാല് മണിക്ക് ബിജെപി നേതാക്കള് ശ്രീലേഖയുടെ വീട്ടിലെത്തിയാണ് അംഗത്വം നല്കിയത്. സംസ്ഥാനത്തെ ധീരവനിതയാണ് ശ്രീലേഖയെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന് പറഞ്ഞു. കുറെക്കാലമായി ബിജെപി നേതാക്കള് തന്നോട് പാര്ട്ടിയില് ചേരാന് ആവശ്യപ്പെടുന്നുണ്ട് എന്ന് ശ്രീലേഖ പറഞ്ഞു. കേന്ദ്ര, സംസ്ഥാന നേതാക്കള് ശ്രീലേഖയോട് ഫോണില് സംസാരിച്ചിരുന്നു. കേരള കേഡറിലെ ആദ്യ വനിതാ ഐപിഎസ് ഓഫീസറാണ് ശ്രീലേഖ.
മുന് ഡിജിപിമാരായ സെന്കുമാര്, ജേക്കബ് തോമസ് എന്നിവര് നേരത്തെ സംഘപരിവാര് പാളയത്തില് എത്തിയിരുന്നു. എഡിജിപി അജിത് കുമാറിന്റെ ആര് എസ് എസ് ബന്ധം ചര്ച്ചയാകുന്നതിനിടെയാണ് പൊലീസിലെ ഉന്നത പദവി വഹിച്ചിരുന്നയാള് ബി ജെ പിയില് എത്തുന്നത് എന്നതും ശ്രദ്ധേയമാണ്. സംസ്ഥാനത്ത് ഡിജിപി പദവിയിലെത്തുന്ന ആദ്യ വനിത ഐപിഎസ് ഉദ്യോഗസ്ഥ കൂടിയാണ് ശ്രീലേഖ.
കേരള ജയില് ഡിജിപി, ഗതാഗത കമ്മീഷണര് എന്നീ സ്ഥാനങ്ങള് വഹിച്ചിട്ടുണ്ട്. 1987 ബാച്ച് ഐപിഎസ്. ഉദ്യോഗസ്ഥയാണ് ശ്രീലേഖ. കോട്ടയം, ചേര്ത്തല, എന്നിവിടങ്ങളില് എഎസ്പിയായിരുന്നു. 1991 ല് ആണ് ആണ് ആലപ്പുഴയില് എസ്പിയാകുന്നത്. ഇതോടെ കേരളത്തിലെ ആദ്യ വനിത ജില്ല പോലീസ് മേധാവിയായി മാറി. പിന്നീട് പത്തനംതിട്ട, തൃശൂര് ജില്ലകളിലും എസ്പിയായി.
പൊലീസ് ആസ്ഥാനത്ത് എഐജിയായും നാല് വര്ഷത്തോളം സിബിഐ കൊച്ചി യൂണിറ്റിലും സേവനമനുഷ്ഠിച്ചു. എറണാകുളം റെയിഞ്ച് ഡിഐജി, ക്രൈംബ്രാഞ്ച് ഐജി., വിജിലന്സ്, ഇന്റലിജന്സ് എഡിജിപി, ജയില് മേധാവി എന്നി നിലകളിലും പ്രവര്ത്തിച്ചു. 2020 ഡിസംബര് 31-നാണ് സര്വീസില് നിന്ന് വിരമിച്ചത്. ഭര്ത്താവിന്റെ ബിജെപി അനുഭാവം നേരത്തെ തന്നെ ശ്രീലേഖ വ്യക്തമാക്കിയിരുന്നു.
1997 ലെ വ്യാജചാരായ വേട്ടയ്ക്ക് പിന്നാലെ ആര്എസ്എസിന്റെ ഗുണ്ടകളായിട്ടുള്ള ചിലര് ഭര്ത്താവിനെ കൊലപ്പെടുത്താന് ശ്രമിച്ചിരുന്നു എന്നും എന്നാല് ഭര്ത്താവിന്റെ ബിജെപി ബന്ധം മനസിലായതോടെ പിന്വാങ്ങുകയായിരുന്നു എന്നും ശ്രീലേഖ തന്റെ യൂട്യൂബ് ചാനലായ 'സസ്നേഹം ശ്രീലേഖ'യില് പറഞ്ഞിരുന്നു. നാല് ലക്ഷം രൂപ ക്വട്ടേഷന് നല്കി ഭര്ത്താവിനെ കൊലപ്പെടുത്താന് ശ്രമിച്ചത് പൊലീസുകാാണോ അബ്കാരി മുതലാളിമാരാണോ എന്ന് അറിയില്ല എന്നാണ് ശ്രീലേഖ പറഞ്ഞിരുന്നത്.
ഭര്ത്താവിന്റെ വീട്ടുകാര് പലരും ബിജെപി അംഗങ്ങളാണെന്നും അദ്ദേഹത്തിന് ബിജെപി അനുഭാവമുണ്ടെന്നും മനസിലാക്കിയതോടെയാണ് കൊലപാതകശ്രമം ഉപേക്ഷിച്ചത് എന്നും ക്വട്ടേഷന് വിവരം അവര് തന്നെയാണ് തന്നോട് പറഞ്ഞത് എന്നും ശ്രീലേഖ പറഞ്ഞിരുന്നു.
-
നേപ്പാളിൽ കമ്മ്യൂണിസ്റ്റ് പാർട്ടിക്ക് വൻ പ്രഹരം; മുൻ പ്രധാനമന്ത്രിയെ നിലംപരിശാക്കി ബലേന്ദ്ര ഷാ -
തൃശൂർ സിപിഐയിൽ ഭിന്നത; യുഡിഎഫ് സ്വതന്ത്രനാവുമോ സിസി മുകുന്ദൻ? ഗീത ഗോപിക്കെതിരെ വിമർശനം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ,
Click it and Unblock the Notifications
Sign in with Google