ഡാര്ക്ക് നെറ്റ് വഴി കേരളത്തിലെ കുട്ടികളുടെ അശ്ലീല ചിത്രങ്ങള് വില്പനയ്ക്ക്...
Recommended Video
തിരുവനന്തപുരം: ലോകത്തെ ഒട്ടുമിക്ക അശ്ലീല വെബ്സൈറ്റുകളിലും ചൈല്ഡ് പോര്ണോഗ്രാഫിക്ക് നിരോധനമുണ്ട്. പീഡോഫീലിയ അഥവ ബാലരതി മിക്ക രാജ്യങ്ങളിലും വലിയ കുറ്റകൃത്യവും ആണ്. എന്നാല് ബാലരതിയില് തത്പരരായവര് ഇത് ഏത് വിധേനയും സംഘടിപ്പിക്കുന്നുണ്ട് എന്നതാണ് യാഥാര്ത്ഥ്യം.
പിഞ്ചുകുഞ്ഞുങ്ങളെ പോലും വിടാത്ത കാമവെറിയൻമാർ; ഞെട്ടിക്കുന്ന വിവരങ്ങളുമായി വൺഇന്ത്യ ഇൻവെസ്റ്റിഗേഷൻ
എത്ര വയസ്സുവരെ സ്വന്തം കുട്ടികളെ ഉപയോഗിക്കാം... കേട്ടാല് അറയ്ക്കും 'പൂമ്പാറ്റയിലെ' ചര്ച്ചകള്
മുമ്പ്, ബാലരതിയ്ക്ക് വേണ്ടി മാത്രം രൂപീകരിച്ച 'പൂമ്പാറ്റ' എന്ന ടെലഗ്രാം ഗ്രൂപ്പിനെ വണ്ഇന്ത്യ ഇന്വെസ്റ്റിഗേഷന് പുറത്ത് കൊണ്ടുവന്നിരുന്നു. അതിലെ പ്രധാന പ്രതിയെ പോലീസ് അറസ്റ്റ് ചെയ്യുകയും ചെയ്തു.
എന്നാല്, അതുകൊണ്ടൊന്നും ഇത് അവസാനിച്ചിട്ടില്ല എന്നാണ് പുറത്ത് വരുന്ന വിവരങ്ങള് തെളിയിക്കുന്നത്. കേരളത്തിലെ കുട്ടികളുടെ അശ്ലീല ചിത്രങ്ങള് വില്ക്കുന്ന റാക്കറ്റുകള് സജീവമാണ് എന്ന വിവരം ആണ് ഇപ്പോള് പുറത്ത് വരുന്നത്. ഇത് സംബന്ധിച്ച അന്വേഷണങ്ങള് പുരോഗമിക്കുകയാണ്.
പീഡോഫീലിയ
നിയമം വഴി നിരോധിച്ചിട്ടുള്ള ഒന്നാണ് പീഡോഫീലിയ. പ്രായപൂര്ത്തിയാവാത്തവരുമായുള്ള പരസ്പര സമ്മതത്തോടെ ഉള്ള ലൈംഗിക ബന്ധവും ഇന്ത്യന് നിയമ പ്രകാര ബലാത്സംഗം ആണ്. പ്രായപൂര്ത്തിയാകാത്ത കുട്ടികള്ക്ക് നേരെയുള്ള ലൈംഗികാതിക്രമങ്ങള് ചെറുക്കന്നതിന് മാത്രമായാണ് ഇന്ത്യയില് പോക്സോ നിയമം.
കുട്ടികളുടെ അശ്ലീല ചിത്രങ്ങള്
മലയാളി കുട്ടികളുടെ അശ്ലീല ചിത്രങ്ങള് വില്പന നടത്തുന്ന റാക്കറ്റ് സജീവം ആണെന്ന വിവരം ആണ് ഇപ്പോള് പുറത്ത് വരുന്നത്. വിദേശ രാജ്യങ്ങളിലെ വെബ്സൈറ്റുകള്ക്കാണ് ഇവര് ഈ ചിത്രങ്ങള് വില്ക്കുന്നത് എന്നാണ് വിവരം. സൈബര്, ഡോമിന് ഇത് സംബന്ധിച്ച് ചില വിവരങ്ങള് ലഭിച്ചിട്ടുണ്ട്.
ചിത്രത്തിലെ മലയാളം കലണ്ടര്
ചൈനയിലേയും തായ്ലന്ഡിലേയും ചില വെബ്സൈറ്റുകളിലാണ് ഇത്തരം ചിത്രങ്ങള് കണ്ടെത്തിയത്. ഈ സൈറ്റുകളില് പ്രത്യക്ഷപ്പെട്ട കുട്ടികളുടെ അശ്ലീല ചിത്രങ്ങളില് മലയാളം കലണ്ടര് ശ്രദ്ധയില് പെട്ടതോടെയാണ് കേരളത്തിലെ റാക്കറ്റിനെ കുറിച്ച് സംശയം ഉയര്ന്നത്.
ഡാര്ക്ക് നെറ്റ് വഴി
ഡാര്ക്ക് നെറ്റ് വഴിയാണ് ഈ ചിത്രങ്ങളും വ്യാപനവും വില്പനയും എല്ലാം നടത്തുന്നത്. സെര്ച്ച് എന്ജിനുകള് വഴി തിരഞ്ഞാല് ഈ വെബ്സൈറ്റുകള് ലഭിക്കില്ല. ഇതിലേക്ക് പ്രവേശിക്കാന് പ്രത്യേകം സോഫ്റ്റ് വെയറുകളോ അക്കൗണ്ടുകളോ വേണം. സെര്ച്ചിന് എന്ജിനുകളില് തെളിയില്ല എന്നതുകൊണ്ടാണ് ഇവയെ ഡാര്ക്ക് നെറ്റ് എന്ന് വിശേഷിപ്പിക്കുന്നത്.
ചൈല്ഡ് പോണിന് വേണ്ടി മാത്രം
ചൈല്ഡ് പോണ് ശ്രദ്ധയില് പെട്ടാല് അത് റിപ്പോര്ട്ട് ചെയ്യപ്പെടും എന്ന് ഉറപ്പാണ്. അങ്ങനെ വന്നാല് വലിയ ശിക്ഷയും കിട്ടും. ഇതില് നിന്ന് രക്ഷപ്പെടാന് വേണ്ടിയാണ് ഇത്തരക്കാര് ഡാര്ക്ക് നെറ്റ് ഉപയോഗിക്കുന്നത്. ഇത്തരക്കാരെ കണ്ടെത്തുന്നതും ശിക്ഷിക്കുന്നതും അത്ര എളുപ്പവും അല്ല.
സൈബര് ഡോം രംഗത്ത്
കേരളത്തില് പ്രവര്ത്തിക്കുന്ന റാക്കറ്റിനെ പിടികൂടാന് സൈബര് ഡോം ശ്രമങ്ങള് തുടങ്ങിയിട്ടുണ്ട്. അതോടൊപ്പം തന്നെ ഇത്തരത്തില് ചിത്രങ്ങളും വീഡിയോകളും ഇന്റര്നെറ്റില് എത്തുന്നത് തടയാനുള്ള വഴികളും ആരായുകയാണ് ഇപ്പോള്. ഇതിനായി ഒരു ബഹുരാഷ്ട്ര കമ്പനിയുടെ സഹായം തേടുമെന്നും അറിയുന്നു.