രാഹുല് ഈശ്വര് തിരഞ്ഞെടുപ്പ് ഗോദയിലേക്ക്? ചിലര് സമീപിച്ചു എന്ന് വെളിപ്പെടുത്തല്, കോണ്ഗ്രസ് ജയിക്കണം
കൊച്ചി: രാഹുല് ഈശ്വര് നിയമസഭാ തിരഞ്ഞെടുപ്പില് മല്സരിക്കുമോ? രാഷ്ട്രീയ-നിയമ വിഷയങ്ങളില് അഭിപ്രായം പരസ്യമായി പറയുകയും ചാനല് ചര്ച്ചകളില് പങ്കെടുക്കുകയും ചെയ്യുന്ന രാഹുല് ഈശ്വറിനെ മല്സരിപ്പിക്കാന് ചിലര് ആലോചിക്കുന്നു. ഒരു രാഷ്ട്രീയ പാര്ട്ടിയിലെ ചിലര് തന്നെ സമീപിച്ചുവെന്ന് രാഹുല് ഈശ്വര് മനോരമ ന്യൂസിനോട് പറഞ്ഞു.
ഹിന്ദു-മുസ്ലിം-ക്രൈസ്തവ ഐക്യം വേണമെന്ന് ചാനല് ചര്ച്ചകളില് വാദിക്കുന്ന രാഹുല് ഈശ്വറിന്റെ പല നിലപാടുകളും വിവാദമായിരുന്നു. ദിലീപ് പ്രതിയായ കേസില് ദിലീപിനെ അനുകൂലിച്ചും രാഹുല് മാങ്കൂട്ടത്തില് പ്രതിയായ കേസില് രാഹുല് മാങ്കൂട്ടത്തിലിനെ അനുകൂലിച്ചും രാഹുല് ഈശ്വര് നിലപാട് എടുത്തിരുന്നു. വ്യത്യസ്തമായ നിലപാട് സ്വീകരിക്കുന്ന രാഹുല് ഏത് പാര്ട്ടിക്ക് വേണ്ടി മല്സരിക്കുമെന്നതാണ് ചോദ്യം.
വരുന്ന നിയമസഭാ തിരഞ്ഞെടുപ്പില് കോണ്ഗ്രസ് ജയിക്കണം എന്ന നിലപാടാണ് രാഹുല് ഈശ്വറിനുള്ളത്. ശരാശരി മലയാളിയുടെ അഭിപ്രായമാണ് ഇതെന്നും രാഹുല് ഈശ്വര് പറയുന്നു. ചെങ്ങന്നൂര്, തിരുവല്ല, കൊട്ടാരക്കര തുടങ്ങിയ മേഖലകളുമായിട്ടാണ് കൂടുതല് അടുപ്പം. ആ ഭാഗങ്ങളില് മല്സരിക്കാമോ എന്നാണ് ചിലര് തന്നോട് തിരക്കിയത് എന്നും രാഹുല് ഈശ്വര് പറയുന്നു.
തിരഞ്ഞെടുപ്പില് മല്സരിക്കുമെന്ന് അദ്ദേഹം ഉറപ്പിച്ച് പറഞ്ഞിട്ടില്ല. എന്നാല് സാധ്യത തള്ളുകയും ചെയ്തില്ല. നിയമസഭാ തിരഞ്ഞെടുപ്പിന് മാസങ്ങള് മാത്രം ബാക്കി നില്ക്കെ എല്ലാ രാഷ്ട്രീയ പാര്ട്ടികളും സ്ഥാനാര്ഥി നിര്ണയ ചര്ച്ചകളിലാണ്. കോണ്ഗ്രസ് ജയിക്കണം എന്ന് രാഹുല് ഈശ്വര് പറയുന്നുണ്ടെങ്കിലും കോണ്ഗ്രസ് പുറത്താക്കിയ രാഹുല് മാങ്കൂട്ടത്തിലിനെ പിന്തുണയ്്ക്കുന്ന അദ്ദേഹത്തെ മല്സരിപ്പിക്കാന് പാര്ട്ടി തയ്യാറാകുമോ എന്ന ചോദ്യവും ബാക്കിയാണ്.
പുരുഷന്മാരെ കള്ളക്കേസുകളില് കുടുക്കുന്നു, സ്ത്രീകള്ക്ക് അനുകൂലമായ നിയമങ്ങള് ദുരുപയോഗം ചെയ്യുന്നു, വനിതാ കമ്മീഷന് പോലെ പുരുഷ കമ്മീഷന് വേണം, ആരെങ്കിലും പരാതിപ്പെട്ടാല് പുരുഷന്മാര് ജയില് പോകേണ്ട സ്ഥിതിയാണുള്ളത് തുടങ്ങിയ വാദങ്ങളാണ് രാഹുല് ഈശ്വര് പതിവായി മുന്നോട്ട് വെക്കുന്നത്. രാഹുല് മാങ്കൂട്ടത്തില് കേസിലെ പരാതിക്കാരി നല്കിയ കേസില് അടുത്തിടെ രാഹുല് ഈശ്വര് രണ്ടാഴ്ച ജയിലില് കിടന്നിരുന്നു.
സിനിമാ രംഗത്തു നിന്ന് ആരെല്ലാം?
സിനിമാ രംഗത്തുള്ളവരുടെ പേരുകളും സ്ഥാനാര്ഥി ചര്ച്ചകളില് പറഞ്ഞു കേള്ക്കുന്നുണ്ട്. രമേശ് പിഷാരടിയുടെ പേര് തൃപ്പൂണിത്തുറയില് കോണ്ഗ്രസ് ചര്ച്ച ചെയ്യുന്നു എന്നാണ് വിവരം. കെ ബാബു ഇനി മല്സര രംഗത്തുണ്ടാകില്ല എന്ന വാര്ത്ത വന്ന പിന്നാലെയാണ് പിഷാരടി ചര്ച്ചകളില് നിറഞ്ഞത്. ഉണ്ണി മുകുന്ദന്റെ പേര് ബിജെപിയും ചര്ച്ച ചെയ്യുന്നുണ്ടത്രെ. എന്നാല് ഇതിലൊന്നും ഔദ്യോഗിക പ്രതികരണം വന്നിട്ടില്ല.
കേരളത്തില് സിനിമാ രംഗത്ത് നിന്ന് തിരഞ്ഞെടുപ്പ് രാഷ്ട്രീയത്തിലെത്തിയ നിരവധി പേരുണ്ട്. മുകേഷ് കൊല്ലത്ത് നിന്ന് നിയമസഭയിലെത്തി വ്യക്തിയാണ്. ഗണേഷ് കുമാര് ഏറെ കാലമായി പത്തനാപുരം മണ്ഡലത്തെ പ്രതിനിധീകരിക്കുന്നു. ജഗദീഷ്, ധര്മജന്, ഭീമന് രഘു, കൃഷ്ണകുമാര് തുടങ്ങിയവരെല്ലാം തിരഞ്ഞെടുപ്പില് മല്സരിച്ചവരാണ്.
-
‘ആ പാലം’ ഇങ്ങോട്ടു വേണ്ട; ജി സുധാകരൻ ഇടഞ്ഞുതന്നെ, മഞ്ഞുരുക്കാൻ ചെല്ലാതെ പിണറായി -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മോൻ വന്നാൽ മോൻസ് ഇടയുമോ? കേരള കോൺഗ്രസ് ജോസഫ് വിഭാഗത്തിലെ തലമുറമാറ്റത്തിൽ ആശങ്ക വേണ്ടെന്ന് നേതൃത്വം -
തൃശൂർ സിപിഐയിൽ ഭിന്നത; യുഡിഎഫ് സ്വതന്ത്രനാവുമോ സിസി മുകുന്ദൻ? ഗീത ഗോപിക്കെതിരെ വിമർശനം -
തൊടുപുഴയില് മകനോ? മനസ് തുറക്കാതെ പിജെ ജോസഫ്, മാറിനില്ക്കരുതെന്ന് പാര്ട്ടിക്കാര് -
'കോട്ട'യം നിലനിർത്താൻ തിരുവഞ്ചൂർ, 'റെഡ് ഫോർട്ട്' ആക്കാൻ എൽഡിഎഫ് -
സ്വര്ണത്തിന്റെ കളി എല്ലാവര്ക്കും മനസിലായി.. വാങ്ങാന് ആളുകളുടെ തിരക്ക്; വില കൂടാന് പോകുന്നു? -
സ്വര്ണം തിരിച്ചുകയറി; ഇന്ന് വന്തോതില് വില കൂടി, പഴയ സ്വര്ണം വില്ക്കുന്നവര്ക്ക് സന്തോഷം, പവന് വില -
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ
Click it and Unblock the Notifications
Sign in with Google