രാഹുലിനെതിരായ പരാതി ശരിയെന്ന് പാര്ട്ടിക്ക് ബോധ്യപ്പെട്ടു; പിഷാരടിയെ തള്ളി യൂത്ത് കോണ്ഗ്രസ് ജനറല് സെക്രട്ടറി
കോഴിക്കോട്: ലൈംഗികാരോപണം നേരിടുന്ന പാലക്കാട് എംഎല്എ രാഹുല് മാങ്കൂട്ടത്തിലിനെ പിന്തുണച്ച നടനും കോണ്ഗ്രസ് അനുഭാവിയുമായ രമേഷ് പിഷാരടിയ്ക്കെതിരെ യൂത്ത് കോണ്ഗ്രസ് സംസ്ഥാന ജനറല് സെക്രട്ടറി നീതു വിജയന്. രാഹുലിനെതിരെ പാര്ട്ടി നടപടിയെടുത്തത് അദ്ദേഹത്തനെതിരെ ലഭിച്ച പരാതികള് ശരിയാണ് എന്ന് ബോധ്യപ്പെട്ടതിനാലാണ് എന്ന് നീതു പറഞ്ഞു.
രാഹുല് തനിക്കെതിരെ വന്ന ആരോപണങ്ങള് നിഷേധിച്ചിരുന്നെങ്കില് തങ്ങള്ക്ക് തലയുയര്ത്തി പിടിച്ച് നടക്കാമായിരുന്നു എന്നും നീതു പറഞ്ഞു.' ഈ വിഷയത്തില് അഭിപ്രായം പറയാന് കാണിച്ച താല്പര്യം വര്ഷങ്ങള്ക്ക് മുന്പ് സ്വന്തം സഹപ്രവര്ത്തകയായ ഒരു അതിജീവിതയുടെ പ്രമാദമായ കേസില് എന്തുകൊണ്ട് താങ്കള് കാണിച്ചില്ല. താങ്കള് അടക്കമുള്ളവര് മൗനം പാലിച്ചത് എന്തിന് വേണ്ടിയായിരുന്നു,' പിഷാരടിയോട് നീതു ചോദിച്ചു.
ആരോപണങ്ങള് തെറ്റാണെന്ന് സധൈര്യം വിളിച്ചു പറയാന് രാഹുല് മാങ്കൂട്ടത്തിലിന് എന്തുകൊണ്ട് ഇപ്പോഴും സാധിക്കുന്നില്ല എന്ന് വളരെ ആശങ്കയോടെ നോക്കിക്കാണുന്ന ഒരു സഹപ്രവര്ത്തകയാണ് താനെന്നും നീത പറയുന്നു. നീതുവിന്റെ ഫേസ്ബുക്ക് പോസ്റ്റിന്റെ പൂര്ണരൂപം ഇങ്ങനെയാണ്...
Mr. രമേശ് പിഷാരടി,
താങ്കള് ഒരു സുപ്രസിദ്ധനായ താരം എന്നതിലുപരി കോണ്ഗ്രസുകാരനായ താരം എന്നതില് ഏറെ അഭിമാനിച്ചവരാണ് ഞാനടക്കമുള്ള കോണ്ഗ്രസുകാര്. പക്ഷേ, താങ്കളുടെ ഇന്നത്തെ പരാമര്ശം ഒരു കോണ്ഗ്രസ് അനുഭാവിയുടേതല്ലാത്തതായി മാറി. പാര്ട്ടി രാഹുല് മാങ്കൂട്ടത്തില് എം എല് എ ക്കെതിരെ നടപടി എടുത്ത കാര്യങ്ങള് എല്ലാം താങ്കള്ക്കും അറിവുള്ളതാണല്ലോ?.
പാര്ട്ടിയുടെ അച്ചടക്ക നടപടി എന്ന് പറയുന്നത് കേവലം പോലീസ് സ്റ്റേഷനില് വീഴുന്ന ഒരു എഫ്ഐആറിന്റെ അടിസ്ഥാനത്തിലോ, കോടതിയില് ശിക്ഷിക്കപ്പെടുന്നതിന്റെ അടിസ്ഥാനത്തിലോ, മാധ്യമ വിചാരണയിലോ അല്ല. മറിച്ചു, പാര്ട്ടിക്ക് ലഭിക്കുന്ന പരാതികളുടെയും നേതാക്കളുടെ ബോധ്യപ്പെടലുകളുടെയും അടിസ്ഥാനത്തില് ആണ്. ഈ വിഷയത്തില് അദ്ദേഹത്തിനെതിരെ പാര്ട്ടിക്ക് വ്യക്തമായ ബോധ്യമുള്ളതിനാലാവണം നേതൃത്വം ഇത്തരം അച്ചടക്ക നടപടിയിലേക്ക് കടന്നത് എന്നാണ് ഞങ്ങള് മനസ്സിലാക്കുന്നത്.
ഒരു യൂത്ത് കോണ്ഗ്രസ് വനിത നേതാവ് എന്ന നിലയില് ഞങ്ങള് അനുഭവിക്കുന്ന ബുദ്ധിമുട്ടുകള് താങ്കള്ക്ക് പറഞ്ഞാല് മനസ്സിലാകില്ല. പൊതുസമൂഹത്തില് ഏറെ വെല്ലുവിളികള് നേരിട്ടുകൊണ്ടാണ് ഞങ്ങള് രാഷ്ട്രീയ പ്രവര്ത്തനം നടത്തുന്നത്. ഞങ്ങളുടെ പ്രസ്ഥാനത്തില് ഉള്ള ഓരോരുത്തര്ക്കും നേരെ ഉയരുന്ന ആരോപണങ്ങള് ഞങ്ങളെയും ബാധിക്കുന്നതാണ് എന്ന് നിങ്ങള് ഓര്ക്കണം.
രാഹുല് മാങ്കൂട്ടം ഈ ആരോപണങ്ങള് ഒന്ന് നിഷേധിച്ചിരുന്നുവെങ്കില് ഞങ്ങള്ക്ക് തല ഉയര്ത്തി നടക്കാമായിരുന്നു. ഇപ്പോള് ആത്മാഭിമാനമുള്ള ഒരു വനിതാ യൂത്ത് കോണ്ഗ്രസ് നേതാക്കള്ക്കും പൊതുസമൂഹത്തിന് മുന്നില് തല ഉയര്ത്താന് കഴിയുന്നില്ല എന്നതാണ് അവസ്ഥ. അഭിനയം രാഷ്ട്രീയം ആക്കുന്നവര്ക്ക് ഇത് പ്രശ്നമല്ല. പക്ഷെ രാഷ്ട്രീയം സാമൂഹ്യസേവനം ആക്കുന്നവര്ക്ക് സമൂഹത്തെ അഭിമുഖീകരിക്കേണ്ടിവരും.
സിനിമ മേഖലയില് പ്രതിസന്ധികള് ഉണ്ടാകുമ്പോള് നിങ്ങള് എല്ലാവരെയും ബാധിക്കുന്നത് പോലെ തന്നെയാണ് പൊതുപ്രവര്ത്തന രംഗത്തും. ഈ വിഷയത്തില് അഭിപ്രായം പറയാന് കാണിച്ച താല്പര്യം വര്ഷങ്ങള്ക്ക് മുന്പ് സ്വന്തം സഹപ്രവര്ത്തകയായ ഒരു അതിജീവിതയുടെ പ്രമാദമായ കേസില് എന്തുകൊണ്ട് താങ്കള് കാണിച്ചില്ല. താങ്കള് അടക്കമുള്ളവര് മൗനം പാലിച്ചത് എന്തിന് വേണ്ടിയായിരുന്നു.
ഇത് കോണ്ഗ്രസ് പാര്ട്ടി എടുത്ത തീരുമാനമാണ്. ഈ ആരോപണങ്ങള് തെറ്റാണെന്ന് സധൈര്യം വിളിച്ചു പറയാന് യൂത്ത് കോണ്ഗ്രസ് മുന് സംസ്ഥാന അധ്യക്ഷന് രാഹുല് മാങ്കൂട്ടത്തില് എം എല് എ ക്ക് എന്തുകൊണ്ട് ഇപ്പോഴും സാധിക്കുന്നില്ല എന്ന് വളരെ ആശങ്കയോടെ നോക്കിക്കാണുന്ന ഒരു സഹപ്രവര്ത്തകയാണ് ഞാന്. വ്യക്തികേന്ദ്രീകൃതമായി സംസാരിക്കാതെ പാര്ട്ടിയുടെ തീരുമാനങ്ങള്ക്ക് വില കല്പിക്കണം.
എന്തായാലും താങ്കളെ പോലുള്ളവര് കോണ്ഗ്രസ് പാര്ട്ടിയെ പ്രതിസന്ധിയിലാക്കുന്ന ഇത്തരം പരാമര്ശങ്ങള് ഒഴിവാക്കണം. സഹപ്രവര്ത്തക സ്നേഹയ്ക്കും ഉമാ തോമസ് MLA യ്ക്കും എന്തിനേറെ പ്രിയപ്പെട്ട കോണ്ഗ്രസ് നേതാവ് കെ സി വേണുഗോപാല് MP യുടെ പത്നിയ്ക്ക് നേരെ പോലും ഉണ്ടായ സൈബര് അറ്റാക്കുകള് കണ്ട് ഭയന്നു തന്നെയാണ് ഇത്രയും നാള് വനിതകള് മൗനിയായത്.
ഇനിയും നിശബ്ദത പാലിച്ചാല് പല കഴുകന്മാരുടെയും കണ്ണുകള് പുതിയ നിരയിലെ പെണ്കൊടികള്ക്ക് നേരെ തിരിയും എന്ന ബോധ്യം കൊണ്ട് തന്നെയാണ് ഇതെഴുതുന്നത്. സ്ത്രീപക്ഷത്ത് തന്നെയാണ് എന്റെ കോണ്ഗ്രസ്സും നേതാക്കളും.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google