ഓണ്‍ലൈന്‍ പെണ്‍വാണിഭം: ഒടുവില്‍ രശ്മിയ്ക്കും രാഹുലിനും ജാമ്യം... പോലീസ് അത്ര പോര?

കേസ് രജിസ്റ്റര്‍ ചെയ്ത് 90 ദിവസത്തിനുള്ളില്‍ കുറ്റപത്രം സമര്‍പ്പിയ്ക്കണം എന്നാണ് നിയമം. ഓണ്‍ലൈന്‍ പെണ്‍വാണിഭ കേസില്‍ ഇതുവരെ കുറ്റപത്രം സമര്‍പ്പിയ്ക്കാന്‍ പോലീസിന് കഴിഞ്ഞിട്ടില്ല.

ഓണ്‍ലൈന്‍ പെണ്‍വാണിഊ കേസില്‍ ആണല്ലോ രണ്ട് പേരും അറസ്റ്റിലായത്. അതുകൊണ്ട് തന്നെ കോടതി ഒരു വ്യവസ്ഥ വച്ചിട്ടുണ്ട്. ജാമ്യ കാലയളവില്‍ അശ്ലീല, ലൈംഗിക സ്വഭാവമുഴ്‌ഴ കമന്റുകളോ പോസ്റ്റുകളോ പ്രചരിപ്പിയ്ക്കാന്‍ പാടില്ലെന്നതാണത്.

എഴുപത്തി അയ്യായിരം രൂപയുടെ ബോണ്ടും രണ്ട് ആള്‍ ജാമ്യവും ആണ് വ്യവസ്ഥ. സംസ്ഥാനം വിട്ട് പുറത്ത് പോകുന്നതിന് വിലക്കുണ്ട്.

എന്തുകൊണ്ടാണ് പോലീസ് ഇതുവരെ കുറ്റപത്രം സമര്‍പ്പിയ്ക്കാത്തത്? രാഹുലിനും രശ്മിയും ഓണ്‍ലൈന്‍ പെണ്‍വാണിഭ സംഘത്തിനും എതിരെ തെളിവുകളൊന്നും ലഭിച്ചിട്ടില്ലേ?

തങ്ങളെ ഈ കേസില്‍ മനപ്പൂര്‍വ്വം കുടുക്കിയതാണെന്ന വാദമാണ് രശ്മിയും രാഹുലും ഉന്നയിക്കുന്നത്.

കേസില്‍ അറസ്റ്റിലായ സമയത്ത് പോലീസിന്റെ ചോദ്യങ്ങളെ ധീരമായി നേരിട്ട രശ്മിയും രാഹുലും പിന്നീട് തളര്‍ന്നുപോയിരുന്നു എന്നാണ് റിപ്പോര്‍ട്ടുകള്‍. പല വിവരങ്ങളും ഇവര്‍ ചോദ്യം ചെയ്യലില്‍ വ്യക്തമാക്കിയിട്ടുണ്ടത്രെ.

എല്ലാത്തിനും പിറകില്‍ രാഹുല്‍ പശുപാലനാണ് എന്ന രീതിയില്‍ രശ്മി ആര്‍ നായര്‍ മൊഴി നല്‍കിയതായും റിപ്പോര്‍ട്ടുകളുണ്ട്.

തന്റെ പേരില്‍ ഫേസ്ബുക്ക് അക്കൗണ്ട് സൃഷ്ടിച്ച് അര്‍ദ്ധ നഗ്ന ചിത്രങ്ങള്‍ പോസ്റ്റ് ചെയ്തത് രാഹുല്‍ ആണെന്ന് രശ്മി പോലീസിനോട് പറഞ്ഞതായും റിപ്പോര്‍ട്ടുകളുണ്ട്.

കേസില്‍ രാഹുലിനും രശ്മിയ്ക്കും എതിരെ ശക്തമായ തെളിവുകള്‍ ഉണ്ടെന്നാണ് ക്രൈം ബ്രാഞ്ച് പറയുന്നത്. പഴുതുകളില്ലാത്ത കുറ്റപത്രം ഉടന്‍ തന്നെ സമര്‍പ്പിയ്ക്കുമെന്നാണ് റിപ്പോര്‍ട്ട്.