റെയിൽവേ വികസനത്തിനായി കേരളത്തിന് 3042 കോടി രൂപ; രാജ്യത്ത് 200 പുതിയ വന്ദേഭാരത്

ഡൽ​ഹി: റെയിൽവേ വികസനത്തിനായി കേരളത്തിന് 3042 കോടി രൂപ വകയിരുത്തിയതായി കേന്ദ്ര റെയിൽ വേ മന്ത്രി അശ്വിന് വൈഷ്ണവ്. ഇത് യു പി എ കാലത്തെക്കാൾ ഇരട്ടിയാണെന്ന് മന്ത്രി പറഞ്ഞു. രാജ്യത്ത് 200 പുതിയ വന്ദേഭാരത് ട്രെയിനുകൾ കൂടി അനുവദിക്കുമെന്നും ഡൽഹിയിൽ മന്ത്രി പറഞ്ഞു.

റെയിൽ വേയിൽ 15742 കോടി രൂപയുടെ വികസനം നടത്തി. 35 സ്റ്റേഷനുകൾ നവീകരിച്ചു. പുതിയ 14000 അൺ റിസർവർഡ് കോച്ചുകൾ നിർമ്മിച്ചു. 100 കിലോ മീറ്റർ ദൂരത്തിൽ നമോ ഭാരത് ട്രെയിനുകളുടെ ഷട്ടിൽ സർവീസാണ് റെയിൽവേയിൽ വരുന്ന പ്രധാന മാറ്റം. രാജ്യത്താകെ ഇത്തരത്തിൽ 50 ട്രെയിനുകൾ കൊണ്ടുവരും.

200 പുതിയ വന്ദേ ഭാരത് ട്രെയിനുകളും 100 പുതിയ അമൃത് ഭാരത് ട്രെയിനുകളും കൊണ്ടുവരുമെന്നും അദ്ദേഹം പറഞ്ഞു. കേരളവുമായി ബന്ധപ്പെട്ട് നിലമ്പൂർ - നഞ്ചൻകോട് പദ്ധതി നടത്തിപ്പിലാണ് വന്ദേ ഭാരത് സ്ലീപ്പർ ട്രെയിനുകൾ ഉടൻ എത്തും. കേരളത്തിലേക്ക് കൂടതൽ ട്രെയിനുകൾ എത്തിക്കുന്നത് പരി​ഗണനയിലാണ്. എന്നാൽ സംസ്ഥാന സർക്കാരിന്റെ മറുപടി ലഭിച്ചില്ലെന്നും അദ്ദേഹം പറഞ്ഞു.