ഇന്ന് 5 ജില്ലകളില് യെല്ലോ അലേര്ട്ട്; 7 ജില്ലകളില് വരുംമണിക്കൂറുകളില് മഴ പെയ്യും
തിരുവനന്തപുരം: സംസ്ഥാനത്ത് ഇന്ന് 5 ജില്ലകളില് യെല്ലോ അലേര്ട്ട്. ഇടുക്കി, കോഴിക്കോട്, വയനാട്, കണ്ണൂര് കാസര്ഗോഡ് എന്നീ ജില്ലകളിലാണ് മഴ മുന്നറിയിപ്പ്. നാളെ മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളിലും യെല്ലോ അലേര്ട്ടാണ് ഉള്ളത്.
അതേസമയം വരുംമണിക്കൂറുകളില് തൃശൂര്, പാലക്കാട്, വയനാട്, മലപ്പുറം, കണ്ണൂര്, കാസര്ഗോഡ്, കോഴിക്കോട് എന്നീ ജില്ലകളിലെ ഒറ്റപ്പെട്ടയിടങ്ങളില് മഴ പെയ്യാന് സാധ്യത ഉണ്ടെന്ന് കാലാവസ്ഥ വകുപ്പ് അറയിച്ചു. എന്നാല് നേരിയ മഴയായിരിക്കും ഉണ്ടാവുക.
ബംഗാള് ഉള്ക്കടലില് ന്യൂനമര്ദ്ദത്തിന് സാധ്യത ഉണ്ടാകുമെന്ന് പ്രവചനം ഉണ്ടായിരുന്നു. ന്യൂനമര്ദ്ദത്തിന്റെ സ്വാധീനം കാരണം ജൂലായ് 24 ഓടെ വടക്ക് പടിഞ്ഞാറന് ബംഗാള് ഉള്ക്കടലിനും മുകളിലായി പുതിയൊരു ന്യൂനമര്ദ്ദം രൂപപ്പെടാന് സാധ്യത ഉണ്ടെന്ന് നേരത്തെ കാലാവസ്ഥ വകുപ്പ് അറിയിച്ചിരുന്നു.
അഞ്ച് ദിവസം സംസ്ഥാനത്ത് മഴയ്ക്കുള്ള സാധ്യത പ്രവചിച്ചിട്ടുണ്ട്. കേരള തീരത്ത് ശനിയാഴ്ച രാത്രി 11.30 വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യത ഉണ്ട്. മത്സ്യത്തൊഴിലാളികളും തീരദേശത്ത് താമസിക്കുന്നവരും ജാഗ്രത പാലിക്കാന് നിര്ദ്ദേശം ഉണ്ട്.
Click it and Unblock the Notifications
Sign in with Google