സംസ്ഥാനത്ത് ഇന്നും മഴ; ഇടിമിന്നലോട് കൂടിയ മഴയ്ക്ക് സാധ്യത; യെല്ലോ അലേർട്ട് ഈ ജില്ലകളിൽ
തിരുവനന്തപുരം: കേരളത്തിൽ ഇന്നും മഴയ്ക്ക് സാധ്യത എന്ന് മുന്നറിയിപ്പ് . 11 ജില്ലകളിലും യെല്ലോ അലേർട്ട് പ്രഖ്യാപിച്ചു. ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം,
കോഴിക്കോട്, വയനാട്, കണ്ണൂർ, കാസർഗോഡ് എന്നീ ജില്ലകളിലാണ് യെല്ലോ അലേർട്ട്. 11 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ മഴയ്ക്കും മണിക്കൂറിൽ 30 മുതൽ 40 കി മീറ്റർ വരെ വേഗതിയിൽ വീശാവുന്ന കാറ്റിനും സാധ്യത ഉണ്ട്.
വിവിധ ദിവസങ്ങളിലെ മഴ മുന്നറിയിപ്പ്
സെപ്റ്റംബർ 9 ശനിയാഴ്ച : ആലപ്പുഴ, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്
സെപ്റ്റംബർ10 ഞായർ: ഇടുക്കി, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്
സെപ്റ്റംബർ 11ന് തിങ്കളാഴ്ച: ഇടുക്കി, മലപ്പുറം, കണ്ണൂർ, കാസർഗോഡ് എന്നീ ജിലകളിൽ യെല്ലോ അലേർട്ടാണ് പ്രഖ്യാപിച്ചത്.
മത്സ്യത്തൊഴിലാളി ജാഗ്രത നിർദ്ദേശം:
കേരള - കർണാടക - ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകാൻ പാടിലെന്ന് കേന്ദ്ര കാലവസ്ഥ വകുപ്പ് അറിയിച്ചു. ശനിയാഴച കേരള കർണാടക - ലക്ഷദ്വീപ് തീരങ്ങളിൽ മണിക്കൂറിൽ 40 മുതൽ 45 കിലോമീറ്റർ വരെയും ചിലപ്പോൾ ചില അവസരങ്ങളിൽ മണിക്കൂറിൽ 55 കിലോ മീറ്റർ വരെയും വേഗതയിൽ വീശാം. മോശം കാലാവസ്ഥ ആയിരിക്കും.
പ്രത്യേക ജാഗ്രത:
ശനിയാഴ്ച മുതൽ ഞായറാഴ്ച വരെ വടക്കൻ ശ്രീലങ്കൻ തീരത്തിന്റെ തെക്ക് പടിഞ്ഞാറൻ ബംഗാൾ ഉൾക്കടൽ അതിനോട് ചേർന്ന മധ്യ ബംഗാൾ ഉൾക്കടൽ, തെക്കൻ തമിഴ്നാട് തീരം അതിനോട് ചേർന്നിട്ടുള്ള ഗൾഫ് ഓഫ് മന്നാർ എന്നിവിടങ്ങളിൽ മണിക്കൂറിൽ 45 മുതൽ 55 കിലോ മീറ്റർ വരെയും ചില അവസരങ്ങളിൽ മണിക്കൂറിൽ 65 കിലോ മീറ്റർ വരെയും വേഗതയിൽ കാറ്റ് വീശാം.
തിങ്കളാഴ്ച മുതൽ ചൊവ്വാഴ്ച വരെ മധ്യ പടിഞ്ഞാറൻ ബംഗാൾ ഉൾക്കടലിൽ മണിക്കൂറിൽ 45 മുതൽ 55 കി ലോ മീറ്റർ വരെയും ചില അവസരങ്ങളിൽ 65 കിലോ മീറ്റര് വരെയും വേഗതയിൽ കാറ്റിന് സാധ്യത.
Click it and Unblock the Notifications
Sign in with Google