Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ബാര്‍ അസോസിയേഷനില്‍ ഭിന്നിപ്പ്; ബിജു രമേശിനെതിരെ ആഞ്ഞടിച്ച് രാജ്കുമാര്‍ ഉണ്ണി
തിരുവനന്തപുരം: മന്ത്രി കെ എം മാണിക്കെതിരെ കോഴ ആരോപണം ഉന്നയിച്ച് ശ്രദ്ധേയനായ ബാര്‍ അസോസിയേഷന്‍ നേതാവ് ബിജു രമേശിനെതിരെ രൂക്ഷവിമര്‍ശനവുമായി ബാര്‍ ഹോട്ടല്‍ അസോസിയേഷന്‍ സംസ്ഥാന പ്രസിഡന്റ് രാജ്കുമാര്‍ ഉണ്ണി രംഗത്ത്. ബിജു രമേശ് കൊച്ചിയില്‍ ബാറുടമകളുടെ യോഗം വിളിച്ചു ചേര്‍ത്തതാണ് രാജ്കുമാറിനെ ചൊടിപ്പിച്ചത്.
മര്യാദയുടെ സര്‍വ സീമകളും ബിജു രമേശ് ലംഘിച്ചിരിക്കുകയാണെന്ന് രാജ്കുമാര്‍ ഉണ്ണി ആരോപിച്ചു. ബാറുടമകളുടെ പ്രത്യേക യോഗം കൊച്ചിയില്‍ വിളിച്ചു ചേര്‍ത്തത് ശരിയായില്ല. അതിനുള്ള അവകാശം ബിജു രമേശിനില്ല. സംഘനയില്‍ പ്രവര്‍ത്തിക്കുന്നവര്‍ അച്ചടക്കം പാലിക്കേണ്ടതുണ്ട്. ചൊവ്വാഴ്ചത്തെ യോഗത്തില്‍ താന്‍ പങ്കെടുക്കില്ലെന്നും അദ്ദേഹം അറിയിച്ചു.
അതേസമയം, രാജ്കുമാര്‍ ഉണ്ണിയെ നട്ടെല്ലില്ലാത്ത നേതാവെന്നാണ് ബിജു രമേശ് വിശേഷിപ്പിച്ചത്. ബാര്‍ ഉടമകളുടെ യോഗം താന്‍ വിളിച്ചു ചേര്‍ത്തിട്ടില്ല. ചില കാര്യങ്ങള്‍ വിശദീകരിക്കുന്നതിനായി ബിയര്‍, വൈന്‍ പാര്‍ലര്‍ ഉടമകളുടെ യോഗമാണ് വിളിച്ചത്. ബിയര്‍ വൈന്‍ പാര്‍ലറുകള്‍ പൂട്ടിക്കാന്‍ ശ്രമിക്കുന്നത് ബാറുടമകളാണെന്നും അദ്ദേഹം ആരോപിച്ചു.
ധനമന്ത്രി കെ എം മാണിക്കെതിരെ ബിജു രമേശ് കോഴ ആരോപണം ഉന്നയിക്കുമ്പോള്‍ തുടക്കത്തില്‍ പിന്തുണ നല്‍കിയ ആളാണ് രാജ്കുമാര്‍ ഉണ്ണി. എന്നാല്‍ പിന്നീട് ആരോപണത്തില്‍ നിന്നും അദ്ദേഹം പിന്നോട്ട് പോവുകയായിരുന്നു. കോഴ ആരോപണം അന്വേഷിക്കുന്ന ഉദ്യോഗസ്ഥര്‍ക്ക് ശരിയായ വിവരം നല്‍കാനും രാജ്കുമാര്‍ ഉണ്ണി തയ്യാറായിരുന്നില്ല.
