പുതുച്ചേരി വാഹന രജിസ്ട്രേഷൻ കേസ്: സുരേഷ് ഗോപി കോടതിയിൽ, ക്രൈം ബ്രാഞ്ച് അന്വേഷണം നിർണ്ണായകം

Updated: Friday, February 5, 2021, 16:17 [IST]

കൊച്ചി: വ്യാജ രേഖകളുപയോഗിച്ച് പുതുച്ചേരിയിൽ ആഡംബര വാഹനങ്ങൾ രജിസ്റ്റർ ചെയ്ത കേസിൽ രാജ്യസഭ എംപി സുരേഷ് ഗോപി ജാമ്യമെടുത്തു. പുതുച്ചേരി രജിസ്ട്രേഷനിലുള്ള രണ്ട് ഓഡി കാറുകളാണ് സുരേഷ് ഗോപിയ്ക്ക് സ്വന്തമായുള്ളത്. പുതുച്ചേരിയിലെ വ്യാജ വിലാസത്തിലായിരുന്നു ഈ രണ്ട് വാഹനങ്ങളും രജിസ്റ്റർ ചെയ്തിരുന്നതെന്ന് ക്രൈം ബ്രാഞ്ച് നടത്തിയ അന്വേഷണത്തിലാണ് കണ്ടെത്തിയത്. പുതുച്ചേരിയിലെ ചാവടിയിലുള്ള കാർത്തിക അപ്പാർട്ട്മെന്റിൽ വാടകയ്ക്ക് താമസിക്കുന്നുവെന്ന തരത്തിൽ വ്യാജ വിലാസമുണ്ടാക്കിയാണ് സുരേഷ് ഗോപി ഈ രണ്ട് കാറുകളും രജിസ്റ്റർ ചെയ്തിട്ടുള്ളതെന്നും ക്രൈം ബ്രാഞ്ച് കണ്ടെത്തിയിരുന്നു.